Bəhreynədə şəhrvandon dəstqir karde iyən hırdənon işkəncə dəvom.
Bəhreynı demokratiya və insonə həxon cəmiyyət ım məmləkətdə şəhrvandon dəstqir karde ve be iyən zindononədə hırdəniyon işkəncə koeku ıştə niqəranətiş elan karde.
Bə Rəsa aqentəti xəbon əsosi bəhreynı demokratiya və insonə həxon cəmiyyət zinə ale xəlifə rejimi zindononədə bə ım məmləkəti veyə tələbəon huzuri işarəş karde və elanış karde çı rejimi rəsmi şəxson hırdəniyon həxiku mudafiyə kardeyu beynəlxalğə ğərardadonku kəno ki bəhreynı rejim həm əvış imza kardə əvoni çəvon həxiku məhrum kardə.
bəhreynı demokratiya və insonəhəxon cəmniyyət ale xəlifə rejimi əmniyyətiyə ğıvvon tərəfo bə 5 qılə hırdən və tojəperəsə cıvonon dəstqir karde işarəş karde və votışe: ım hırdəniyon har qıləy xətoku kəno be qıno dəstqir bən və bə məktəb şe həxiku həm məhrum bən.
