İron və Ermənistoni miyono ticarət rohət bəbe.

İroni qomruk idorə rəis və Ermənistoni dıvlətiyə faydon kamissiya rəis Tehronədə de yande vindemon karde bəpeştə 2 tərəfiyə həmkarion ijən ticarəti rohət karde barədə muzakirəşon kardən.

Bə İrib raporti əsos İroni qomruk idorə sədr Furud Əsqəri de Ermənistoni dıvlətiyə faydon kamissiya sədr Vartan Haratoniyan vindemon karde 2 qılə kişvəri miyono ticarəti çı İroni islamiyə siyasət hisobış kardə və qomruk çərçivədə həmkarion çımiku rohət karde vey əhəmmiyətin elanış kardə.

Əsqəri de narkotika maddon mubarizə barde xoto bə dınyoədə İroni vey aliyə vırə işorəş kardə və ım sahədə de Erməniston qomrukiyə həmkarion və təcrubəon vığande xoto hozzo mandeku xəbəş do.

Çı Ermənistoni dıvlətiyə faydon kamissiya sədr Vartan Haratoniyan həm Avrasiya iğtisodi i bemonədə İroni uzviyəti komil bey ijən ticarəti tərifə kam kardero bo İron və Ermənistoni miyono həmkari və əloğəon çımiku vey ziyod kardero vey əhəmmiyətin və muhim zınəş be.

Əv omə manqonədə Meğri ozodə məntəğə bino kardeku xəbəş do və həmmə iğtisodiyə fəalonku tələbış kardə ki ım 180 milyon nəfəriyə ticariyə fırsətiku istifodə bıkən.

Çı Ermənistoni dıvlətiyə faydon kamissiya sədr de Ermənistoni dıvlət kabinet və i minə vəziri bə i co bə Tehron omə.