Suriyədə muğaviməti cəhbə muvəfəğiyyətonku sionist rejimi canq vəziri xışm.
sionist rejimi canq vəzir de terarizm mubarizə barde iyən Suriyə terroristonku təmizkardeyu muğavimət hərəkat iyən Suriyə silahlinə ğıvvon mutəmadiyə muvəfəğiyyətonku ıştə xışm və norohətiş nışon do.
Bə livani Ələhd xəbəriyə mərkəzi nəğlon əsosi telerədyo aqentəti xəbəş do sionist rejimi canq vəzir Avigdor Lieberman və Rusiyə mudafiyə vəzir Sergei Shoigu zinə şanqo telavivədə vindımon və məntəğə vəziyyət məxsusən Suriyə barədə votımonışon dəvoniyə.
Rusiyə mıdofiyə vəzir zinə bə işğaliyə fələstin şə.
sionist rejimi canq vəzir ım vindımonədə suriyədə muğavimət hərəkati muvəfəğiyyətonku ıştə xışmış nışon do və iddaş karde israil Suriyə koonədə bə arə dəşedə ni əmmo bə İron və livani Hizbullah icazə nibədoy Suriyə əraziku israili təhdid bıkə.
sionist rejimi canq vəziri idda suriyə koonədə israil rejimi dəxolət nıkarde barədə qıləy holədəy ki ım rejim Suriyə bıhronon təşkil beədə çandəkərə terroristonku mıdofiyə kardeyu Suriyə mıxtəlif məntəğonədə bə Suriyə silahlinə ğıvvon zid həvoiyə hucumonış təşkil doə.
dəməşğı neziədə bə Suriyə hərbiyə mərkəz sionist rejimi 2 şanbə ruji həvoiyə hucumon mincumlə təşkil bə hucumonkuy.
