İronədə Ermənistoni Armen Peres aqentiyəti şobə oj bəbe.

Ermənistoni rəsmi aqentiyəti rəis omidvare ki vey rə İronədə Armen Peres nomo bıə aqentiyəti şobə oj bıbu.

Aram Ananiyan Tehronədə de İroni xarıci vəzarətxanə Asiya və okyan muavin Ebrahim Rəhimpur vindemon karde bə Armen Peres və İrana miyono həmkari təvafuğnomə imzo karde işorəş kardə və omidvar be omə sorədə ijən de Armen Peres aqentiyəti bino karde həba minə sorqardeşi həmzəman ım aqentiyəti şobə İronədə uj bıbu.

İroni İrna nomo bıə rəsmi aqentiyəti və Ermənistoni Armen Peres nomo bıə aqentiyəti miyono de tərəfiyə həmkarion mığovilə ım haftə imzo bıə.

İroni xarıci vəziri muavin ijən ım mıloğati bə kəno çı İron və Ermənistoni mediyaonku tələbış kardə ki bə Şimal, cənub beynəl xalğiyə koridor çımiku vey diğğət bekon.

Şimal cənub nomo bıə yolə ğətariyə xət İroni Fars diyo saheliyə şəhronku bə İroni Ostoro və Ostoroku bə Azərbaycan Respublika varid bəbe iyən detosə Rusiyə və Avropa bəpeştə.

Im ğətariyə xətiku hədəf Fars diyo hamsuyə  kişvəron, İroni və məntəğə vey ticari həmkarion de Avropa bərğəror karde heste.