Zərif: Avropa i bemon ətomiyə təvafuği barədə çımiku vey fəal bıbu.

İroni xarıci vəzir Avropa i bemoniku tələbış kardə ki İroni ətomiyə təvafuği barde çımiku vey fəal və ciddi bıbun.

Muhəmməd Cəvad Zərif zinə çı Ozbəkistoni Səmərğənd şəhri muhimmə iclosi kənoədə de Avropa i bemoni xarıci siyasəti məsul Fedrika Moqerini mıloğat karde votışe: həminə vindemonədə çı İroni ətomiyə təvafuği kamilən icra karde barde bə Avropa i bemoni cəhdon ziyod bey təkid kardımone.

İroni xarıci vəzir əlovəş kardə: İron detosə bə ısət ətomiyə təvafuği kamilən icraş kardə əmmo çəy əvəzi Amerkə deştə bədəhdion ijən bevəcə siyasəton bə İroni iğtisodi zidd vey bevəcə şərayeti icodış kardə ki bəbe de Avropavıjə kişvəron səy və iradə isloh bıbu.

Ağaye Zərif votışe: de Moqerini vindemoni cərəyonədə işorəmon karde ki İroni ətomiyə təvafuği peştədə Avropavıjə kişvəron mande çoke əmmo ım i bemon bəbe ətomiyə təvafuği çərçivədə ğeyd bıə peymon və maddon kamil icra bıkon ijən çımiku vey bəştə qiədə bıə məsuliyət əməl bıkon.

İroni xarıci vəzir zinə Ozbəkistonədə bıə mərkəzi Asiya inkişof və əmniyyət nomo iclosi bəpeştə ımruj bə Filipin şə.