Rızayi: Amekə prezident bə İroni iğtisod fişar varde siyasəton icra kardedə.

İroni nizomi məsləhəti mıəyyən əkə icma sərkatib votışe: Amerkə prezident deştə tojə planon İroni iğtisodiyə vəziyəti hədəf ğəror doe fikədəy.

Muhsen Rızayi zinə Tehroni İmom Sadığ(ə) unniversiti tələbəon və ostadon cəmədə bə Amerkə deşmənçiyə siyasəton işorəş kardə və votışe: Amerkə və çəy həmpeymonə kişvəron omə 4 sori mıddətədə bə İroni iğtisodi əleyh ıştə fişar və təziğon ziyod bəkan.

İroni nizomi məslehəti mıəyyən əkə icma sərkatib votışe: İroni iğtisod vey muhimmə noğtəe ki İroni deşmənon bənə qıləy fırsət ya zəifə noğtə çəyku istifodə kardedən ta bə İroni zidd fişaron dəvom bedən.

Muhsen Rezai İŞİD-i məğlubiyəti bəpeştə bə fırsətonku çok istifodə karde əhəmmiyət işorəş kardə və votışe: ısət çı Suriyə umumiyə vırəonku 40 faiz vironə be ijən vey bo ım kişvəri obdon əkə proyektonro vey xərcon ehtiyoce ki İron karde bəzne vey rohət ım sahədə ko bıkə.

Suriyə rəsmi şəxson hejo elan kardəşone ki İron bənə de terrorizm mubarizə barde sahədə əktivə huzuri karde bəzne Suriyə obod karde proyektonədə həm fəalə rolış bıbu.