Osmoniyə surəon-187

Osmoniyə surəon-187

Nəcmi mıborəkə surə 33-ə ayə bəpeştə bə insoni əməlon nəticə barədə bıə nuktəon işorə kardedə.Vəlid ibn Muğeyrə peyğombər(s)-i palu ome və dini islomış ğəbul karde.kali mışrikon əvışon mlızəmmət karde və voteşone:”tı çəmə yolon ayin və dinı vadoe,əvonı ro dəqıjnə kəson zıne və qımonı karde ki,əvon cəhəndımi əhlin? əy cəvobış doe:mı çı Xıdo əzobiku tarsedəm.həmonə bəy tanə jıə iyən sə-sıxan kardə kəsi voteşe:ehanə tı ıştə molonku bəmı tikəy baxşə bıdoş və ijən bə şırki səmt oqardoş,az ğıyoməti ruji ıştı əzobi bəştə gərdən pebəqətem”. Vəlidi həm ım koş karde və ğərol be ki,ıştə moli i hissə bə həmonə odəmi ətoko,ın koş nıkarde və əv ıştə moliku hiççi bə həmonə odəmiş nıdoe.ayə nozil be və əvış ıştə imoniku oqardey xoto,mızəmmət kardeşe.

Çun bəzi fərdon təsəvvır kardedən ki,çı cokəson qıno bəştə qıy peqətey bəbe,əve ın ayəon ımi qıləy botılə  təsəvvır zıneydən və ımi inkor kardedə.ın ayə qıləy muhimmə prinsipi bəyon kardedə ki,çı har kəsi əməlon nəticə bəçəy ıştən səmt obəqarde və hiçkəs çı cokəsi qıno bo bəştə gərdən peqətry nibəzıne.

Nəcmi mıborəkə surə 33-ə ayə bə ın məsələ işorə kardedə və hamyedə:”aya əkəs ki,islomiku(ya nifoğiku) dim qordınışe,mışohidə karde? Və tikəy molış doe(ziyodə mol doeyku)imsokış karde,dastış kəşe.(jıqo qımonış karde ki,cokəson çəy qıno bo bəştə duşqəte bəzıneyn)aya ğeybi elm çəy paluye və əv(həyğəton) vindedə?(ki,cokəson çəy qıno bəştə ehdə peqətey bəzneyn?) kon şəxsi bəvon xəbəş doə ki,fərdon çı cokəson qınon bəştə gərdən peqətey bəzıneyn?”.

Peşonə ayəon ın nuktə bəyon kardedə ki,navnə osmoniyə kitobonədə həm ın prinsip mevcud bıə ki, hakəs ıştə qınon girovədəy.hakəsi bəhrə axırətədə bəçəy ıştən səy və cəhdi əsose və Xıdovənde-Aləm bə hakəsi bəçəy əməli mığobilədə bəy komilə surətədə bıə cəzo ya mıkofat baxş bəkarde.

In etığod səbəb bedə ki,inson bə xorafaton tərəf dim qətey əvəzi ya ıştə qınon bə cokəson gərdəni şodey əvəzi,ıştən səy və təloş kardedə ki,çokə koon əncom bıdo və qınonku bə diyəro bımando ta axırətədə qıləy çokə ağıbətış mevcud bıbu və çı ağıbət bə xeyronku bıbu.əv dınyo jimonədə fırsiyə vaxti bəştə boy tobəko və ilahi rəhməti səmt oqardo.çın ayəonku qıləy huğuği usuli formadə həm istifodə kardey bedə ki,hejo cəzo  çı mucrim iyən qınokori dovnəş qətə və hiçkəs çı cokəsi qıno bo bəştə ehdə peqətey əzıni.