İmom Xomeyni(r) rehləti sorəqardış

İmom Xomeyni(r) rehləti sorəqardış

Imsornə sori Rəməzonə manqi oxonə rujon de İron islom Respublikə təsisəkə Yolə Rəhbər  İmom Xomeyni(r) rehləti sorəqardışi bəicoye.İmom Xomeyni(r) rehlətiku si sor dəvardedə və İroni İslomi İnğılobi səbarzətiku həm çıl sor.əmmo,islomi inğılob ijən çı dəvardə nimə əsri həmməysə muhimmə hodisə bə hisob omeydə. İroni İslomi İnğılob Milodi 1979-ə sori fevralə manqədə çı dınyo de milləti iştiroki bə əməl omə inğılobonku bə huisob omedyə ki,təğribən milləti qırd iştimayi təbəğəon bın inğlobədə iştirok kardeşone,zılmkorə şahənşahi rejimışon peqordıne və de bənə İmom Xomeyni(r) yolə şəxsiyyəti rəhbərəti qıləy bə milləti rayon əsos hukumətışon soxte.bə həmonə dəlili xoto,İslomi İnğılobi ədəbiyyatədə və islomi inğılobi həxədə siyosi analitikon nıvıştəonədə,islomi inğılobi səbarzəti yolə amilonku qıləyni,İnğlobi Yolə Rəhbəri vırə

 və məğam elon bıə.İslomi inğılobi ısətnə Yolə Rəhbər  həzrət ayətullah Xameneyi  İmom Xomeyni(r) şəxsiyyəti vəsfi həxədə jıqo hamyedə:”ın ınğılob İmom Xomeyni(r) nom nıbə holədə dınyo hiç qıləy vırədə zıeny bıəni.həx bıvotəmon,həmonə yeqənə şəxsiyyət qıləy dast nırəsə şəxsiyyəte və çəy insoni barzə məğam və vırə təsəvvıriku bə diyəro iyən əv qıləy mifik şəxsiyyət be”.

Dınyo siyosi şəxsiyyəton miyono həm de tosə ımrujnə ruji,bənə İmom Xomeyni(r) kamə şəxsiyyət buruzış pəydu kardə.qıləy mustəsna və əfsanəvi şəxiyyət ki,qıləy volo-volo iyən pərokəndə bıə cəmyəti miyono qıləy vohisə ummət və millətış bə əməl varde və çı əsri həmməysə dıjdə inğılobış bərpo karde.bə həmonə İmom Xomeyni(r) hartərəfin komiləti xoto be ki,çandə milyon inson bəçəy və beşe və çəy rəhbərətişon ğəbul karde.çandə sa nəfər inson ıştə mol və conışon bəy fido karde və çandə milyon inson həm çə həzrəti təşyi cənozə zəmonədə iştirokışon karde.Ayətulla Xameneyi həxədə hisob kardedə ki,həzrət İmom Xomeyni(r) qırd nəfis və kamyobə xısləton soyb be və jıqo xısləton ha çandə əsrədə qıləy yolə şəxsiyyətədə cəm bedə,bə meydon beşedə və ıştə zəmonə fironi bədəmi lorzınedə,qırd ım xısləton bəvədə hestebin.islomi inğılobi nəzəriyyəçiyonku qıləyni bıə ustod şəhid Murtəza Mutəhhəri çı İmom Xomeyni(r) şəxsiyyəti barədə joqo hamyedə:” çə kəsiku çiç bıvotom ki,çəyku sehbət kardey çımı qırd vucudi bə larzə vardedə.xeyli kam bedə ki,çı qıləy milləti tələbon qırd təcəssım,iqlə merdədə cəm bedə”.