Həzrəte Fatimə(s),ov iyən ovəynə banu-5

Həzrəte Fatimə(s),ov iyən ovəynə banu-5

Xıdovənde-Aləm Ərrəhmoni mıborkə surə 19-22-ə şərifə ayonədə hamyedə:mərəcəl bəhreyni ...dıqlə mıxtəlifə dıyo(su iyən şin,qam və sard)iyande kəno ğərolış qəte,qıləy holədə ki,de iyande təmasədən.çəvon miyono dıqlə qıləy bərzəx(heste)ki,bə iyande umuj qıniyedənin.çən,şımə ıştə pərvərdıqori kom qıləyni neməton inkor kardedon?çə dıqləku lulu və mərcon xaric beydə”.

Qıləy hədisədə Səid ibn Cubeyriku və əv həm Əbn Əbbosiku nəğl kardedə ki,çın dıqlə  su iyən şinə dıyoku mənzur və məğsəd ,Əli(ə), və Fatiməy(ə).çə dıqlə dıyo miyono bıə bərzəx həm dayimi məhəbbəte ki,çın dıqlə buzurquvari mioyno mevcude və oxoş həm ni.çı lulu və mərconiku məğsəd həm ki,çın dıqləku xaric beydə,Həsən(ə) iyən Huseyn(ə)-nin.İbn Əbbosiku qıləy hədis həm mevcude ki, “çın dıqlə miyono bərzəx” –i barədə qıləy vey ruşinə təbir omə. yəni çə dıqlə buzurquvaron miyono  jıqo qıləy məhəbbət və dustəti mevcude ki,çəvon miyono harcurnə kin-kudurət bə diyəroye”.

Bəle,bə Həzrəte Zəhro(s) iyən çı dınyo muminon sərvər bıə bəçəy jimoni həmro məhəbbəti okeyani oxoş ni və çə dıqlə yolə şəxsiyyəton fəzilət və məğfırət behədde.ın ayəon bə Əhli-Beyt(ə)-i şəne-cəloləti iyən fovğəladə fəziləton dəlolət kardedə.Xıdovənde-Xalığ əvoni çı bərəkət,yolə əxloğ,səxovət,pokəti,ismət,elm iyən zıney mənbə və mənşə zıneydə və çəvon fərzəndon həm qıləy boho ğeymətinə cəvahir və mislışon nıbə kəson elon kardedə ki,qıləy okeyanədə perəsən və ın botıni iyən zohiri hiss və reçinəti və elm iyən təğvaşon həm çəvonku bə irsışon bardə...