Rəhbəriyəti nəzə

Rəhbəriyəti nəzə

Əzizə duston səlom, şımə ruj bə xəyr bıbu, mehribonon Mayə manqi i minnə ruj, fəhlə beynəl xalğə ruj ğeyd bıə, həminə rujədə bə fəhləon diğğət kardey iyən çəvonku ğədrdonəti kardey, qıləy fırsət bə hisob omeydə. İronədə fəhləon nə fəğət iğtisodi hissədə, bəlkəm siyasi iyən ictimai məsələonədə həm vey təsirin iyən muhimmə roli ifo kardedən.. Har sor, bə ım beynəl xalğə ruji mınosibəti xoto, Həzrəte Ayətullah Xamenei de cəhdəkə fəhləonku kalion, vindemon kardedə, ım vindemonədə İroni Yolə Rəhbər, fəhləonku ğədrdonəti kardey jintonədə, çəvon ko əhəmiyyəti bardədə sıhbətış kardə iyən hamiyəşe: “İslamədə ko qıləy erj bə hisob omeydə”.

Xosə Tolışon dəvət kardəm dəmə bə ico bımandən və bə Həzrəte Ayətullah Xameni sıhbəton bəzi vıjniyə baxşon quş bıdənən.

Bəle əzizon, islami mədəniyətədə, ko iyən cəhd bənə Xıdo royədə cihod kardey, vey erjin və muğəddəse. İroni Yolə rəhbəri nəzəku, islami təkid bə ko iyən cəhd bə ım xotoe ki ko, əlovə bə koəkə ictimai jimoni məişəti təmin, vo bəyro qıləy sərmoyə icod kardey, bəy şəxsiyyət baxşedə. Ə Həzrət, be ko mandey bənə be şəxsiyyət mandey zıneydə və ictimaədə bə ko mədəniyyəti zumand kardey təkidış karde.

Har qılə ictimaədə ko mədəniyəti zumand kardey, həmonə ictima bə inkişof rəsey amil bə hisob omeydə. Ko mədəniyəti zumand kardey, milləti miyonədə xususi cıvonon miyonədə, cəhəkə ruhiyə, təşəbbus iyən navəjən, məsuliyət ğəbul kardey iyən təəhhudi bə inkişof rəsey bois bəbe.

Həmçınin Həzrəte Ayətullah Xameni hamiyəşe: “ islami diyə bə fəhlə, bə təğdiri loyiğə diyə heste”. ə Həzrət idomədə bə Xıdo Rəsul(s)-i ğəşənqə rəftor iyən əməli ki cəhdinə koəkə dasti maç kardeşe işorəş karde iyən hamiyəşe: “ ım dast həmonə daste ki cəhənnımi otəş bəy nibərəse”.

İroni Yolə Rəhbər, komoniston iyən kapitaliston nəzədə, fəhləon vırəku, tənğidış kardə iyən hamiyəşe: “ komonist iyən sərmoyədoron sistemonədə, bə fəhlə nəzə kardey , istifodə iyən istismorəkə diyə heste, fəhlə qıləy əbzore ta əvon bə sərvət bırəsin, kapitaliston sistemi nəzəku jıqoe, niyon həm kardedənin, əqə həm qıləy zəmon bə fəhlə imtiyoz bıdən, bə çəy xotoe ki ım fəhlə bə sərmoyə əlovə kardey idomə bıdə, və peşmon ya əsəboni nıbu, ım diyə, kapitalizmi diyəe. Komonisti sistemon nəzə, şuari diyə be, çəy nom koəkə sistem be, məsələn əqə şımə bə torix kitobon diyə kənən, Rusiyədə Stalin ya Xıroşçofi zəmonədə, əvon, çəvon nom fəhlə sistem be əmmo çəvon yolon bənə kanə şahon jimon kardedə bin, koəkəku himoyə nıəkin, bə koəkə diyə kardey iyən çəvonku himoyə kardey, bənə şuariyə diyə be, şuarışon be ki çəmə nizom, koəkə nizome”.

Həzrəte Ayətullah Xameni İroni muhimmə baxşonədə, fəhləon ənqizə vey muhim iyən barz elanış kardə, iyən əvoni siyosi, iğtisodi və hərbi muhimmə baxşonədə navəjən zıneydə. muğəddəsə mudafiə dıvranədə, İroni sərzəminiku 14 həzo fəhlə şəhid, mudafiə kardeyədə, ım cəhdəkə qurupi fidokorətion nımunəy. ə Həzrət iğtisodi baxşədə, fəhlə qurupi iştiroki barədə hamiyəşe: “inğilobi əvvəliku, ım istikbori siyosət be, ki dəvardə 15 sorədə həm vey ruşin bıə, çəvon siyosət, İroni istehsoli məhv kardey be, həmmə sanksiyaon bə çəy xoto be ki istehsoli məhv kon, istehsol ki məhv bıbu, kişvər bə ehtiyocış bıə iyən vabəstə kişvəri əvəz bəbe, iğtisodi təziğon muhimm və oxonə hədəf, istehsoli məhv kardey be, çəmə fəhləon iminnə riyədə mandən iyən muğavimət kardeşone”.

İroni Yolə Rəhbər, Həzrəte Ayətullah Xameni ıştə sıxənon dəvomədə, milliyə istehsoli zəifəti, bə koəkəyon ko, zərbə jey amil zınəşe iyən bə milliyə istehsol və daxıliyə istehsol təkidış kardə, ə Həzrət milliyə istehsoli bə inkişof rəsəy royədə, ğaçağ iyən be ğaydə idxolon qıləy mane zinəş be iyən hamiyəşe: “be ğaydə idxolon məo çiye? Yəni həmonə əmtəə ki daxılədə istehsol kəmon, keyfi cəhəto həm çok bıbu, əmmo bənə həminə əmtəə, varid ya idxol bıbu, ım bə kişvəri istehsoli dıl qıləy xəncəre, çəmə sıhbət, ıme.”

Həzrəte Ayətullah Xameni millətiku tələbış kardə ki koəkəyon iyən  milliyə istehsoli zumandəti himoyə kardey çərçivədə, keyfiyətinə daxıli məhsulon bıhıryon, iyən xarıci məhsuli hıryeku imtino kon, ə Həzrət həminə barədə hamiyəşe: “ zəmoni ki şımə xarıci məhsulon bə İroni məhsulon tərcil doə bıbu iyən hıye bıbu, çəy məno ıme ki xarıci fəhləon mənafe təmin kardey jintonədə, bə daxıli fəhləon zərbə varid bıdə.”

Həzrəte Ayətullah Xameni həminə vindemonədə, koəkəyon muhimm iyən qonə məsuliyətonku qıləyni, “ zumand və ğoymə ko” elanış kardə iyən hamiyəşe: “ az vey kərə ım hədisi ərz kardəm, bə nəzə rəsedə Xıdo Rəsul(s) ya Əeme Məsumin(ə)-iku nəğl bıə, ki hamiyəşone: “Xıdo rəhmət bə ə kəse ki koy əncom doero, koon zumand və ğoym surəti əncom bıdə.”

Bə ə Həzrəti nəzə əsos, ım məsələ, həm fəhlə koədə və həm ictimaədə bərəkəti icod kardedə. Jəqo ki Xıdovənde Xalığ Təğabon sorə, 9 minnə ayədə hamiyəşe:

“ ha kəs dınyoədə bə Xıdo imonış bıbu, iyən səhih, solim və ləyoğətinə koy əncom bıdə, Xıdo çəy qınohon poşnedə(dəbaxşe) iyən cariyə ruonış bıə beheştədə əy vırə bədoy, iyən əbədiyə beheştiku istifodə bəkarde, ım həmonə yolə səadəte“

Həzrəte Ayətullah Xamenei ıştə sıxənon oxoədə səmimi surəti koəkə məcmuəku ğədrdonətiş karde iyən hamiyəşe: “ əmə fəhləon səyo cəhdonku ğədrdonəti, iyən mıtəalə Xıdoku bo əvon tovfiği urzu kardəmon, iyən umidımon heste ki, deşmənon təhdidon mığubilədə, koəkəyon muğavimət dəvom peydo ko. iyən inşaəllah, har ruj iğtisodi, siyosi iyən təlim baxşədə, koəkəyon navəjən bıbun, həmçınin mudiron və rəsmi şəxson bəştə vəədə əməl kon”. ***********************

Xosə əməson bə ım bərnomə quş doe xoto şıməku təşəkkur kardəm, dəvət kardəm de tolışi Rədio bə ico bımandən və bə ımrujnə bərnoməon idomə quş bıdənən ki koy həmroon bə şımə xıdmət təğdim bəkan.