Ruhollah məktəbədə, ğənoətkorəti iyən sodə jimoni xosyət(1)

İmom Xomeyni(r)-i sodə jimon iyən çəy parizkorəti nımunəonku qıləyni, çəy jimoni vırə be. Həmonə qədə kə ki həmmə kəson ki dəy vindemon kardedə bin, ım qədə iyən sodə kəku vey təəccub əkin.

Xosə Tolışon səlom, İmom Xomeyni(r)-i rehlətə sorəqardeşi əyyomədə hestimnon ki ım matəmə əyyomi bə şımə xıdmət təsliyət ərz kardəm. İroni İslmi nizomni təsisəkə Həzrəte Ayətullah Xomeyni(r)-i rehləti sorəqardışi həmzəman, ım yolə alimi jimoni barədə məlumatoni bə şımə təğdim bəkamon.

İmom Xomeyni(r)-i sodə jimon iyən çəy parizkorəti nımunəonku qıləyni, çəy jimoni vırə be. Həmonə qədə kə ki həmmə kəson ki dəy vindemon kardedə bin, ım qədə iyən sodə kəku vey təəccub əkin.

İroni İslamiyə inğilobi səbarzəti bənav, İmom Xomeyni(r) bənə qıləy yolə diniyə mərcə be ki vey şəri pulon çəy ixtiyorədə be. Həmçınin islamiyə inğilobi səbarzəti bəpeşt həm bənə İslamiyə inğilobi Respublika nizomi Rəhbər, əlovə bə şəri pulon, vey xususi iyən yolə imkanaton çəy ixtiyorədə be. əmmo hiç vaxt həminə imkanatonku ıştə rifoh iyən rohətiro istifodə kardəş nıbe. Hətto İmom Xomeyni(r)-i sakin bıə vırə, çı Nəcəfədə iyən çı Ğom və Tehronədə kiroyə kə be.

Huccətul İslam Rəhimiyan Ğom, Tehron iyən Nəcəfədə bıə çı İmom Xomeyni(r)-i vəziyəti barədə nıvıştəşe: İmom Xomeyni(r) həmonə mıddət və əyyom ki Nəcəfe Əşrəfədə sakin be, qıləy qədə və kanə kədə ki Şareorrəsul kuçəonku qıləyni ədə bənə sodə tələbəon, icorə kəonədə jimon əki. Həmçınin İnğilobi səbarzəti bəpeşt, Ğom iyən Cəmaranədə bənə vey mıstəzəfə şəxson, icorə bıə kəonədə jimon əki. Həmonə qədə kə ki İmom Xomeyni(r) Cəmaranədə icorə kardəş be, çəy səth 120 metr  be.