Ruhollah məktəbədə, ğənoətkorəti iyən sodə jimoni xosyət (2)

İroni Yolə nizomi təsisəkə Həzrəte Ayətullah Xomeyni(r)-i sodə jimon iyən pərhizkorəti nımunəonku co qıləyni, şəxsiyə maşiniku istifodə nıkardey be.

Xosə Tolışon səlom, İmom Xomeyni(r)-i rehlətə sorəqardeşi əyyomədə hestimnon ki ım matəmə əyyomi bə şımə xıdmət təsliyət ərz kardəm. İroni İslmi nizomni təsisəkə Həzrəte Ayətullah Xomeyni(r)-i rehləti sorəqardışi həmzəman, ım yolə alimi jimoni barədə məlumatoni bə şımə təğdim bəkamon.

İroni Yolə nizomi təsisəkə Həzrəte Ayətullah Xomeyni(r)-i sodə jimon iyən pərhizkorəti nımunəonku co qıləyni, şəxsiyə maşiniku istifodə nıkardey be.

Huccətul İslam Bəxşayeşi qıləy xotirə ğolibədə ki qıləy Təbriziyə cıvoniku nəğl bıə, İmom Xomeyni(r)-i həminə çokə xusiyəti barədə nıvıştəşe: Ağaye Rəzəvi çı Təbrizi fabrikadoron iyən tacironku qıləyni be ki pidəş be bəştə nəzri əsos, qıləy maşini bə İmom Xomeyni(r) bənə hədyə bıdə. Həminə mıvzo barədə bə Həzrəte İmomi nəzd rəsimon və İmom Xomeyni(r) de xoşə sima iyən təbəssımi maşini ğəbulış kardə, əmmo tojədən maşini kilidi bə çəy soybi doşe və hamiyəşe: az şımə məhəbbətiku vey təşəkkur kardəm ki Təbriz şəhriku vey zəhmət və əzob kəşərone əmmo az ım maşini bə şımə bədom, və şımə çıme tərəfiku çəyku istifodə kənən. Cıvon vey isror kardeşe ki İmom(r) çəy hədyə ğəbul ko və har cur ki dılış heste ım maşini bə qıləy fəğıri bıdə ya bıhəvoto, İmom(r) cıvoni cəvobədə hamiyəşe: “ısətnə şəroyetədə, az bə şəxsiyə maşin ehtiyocım ni, və çıme təəhhud ıme ki tosə zəmoni ki ehtiyocım bəni, şəxsiyə maşini soyb məbum, az bə şımə vəkolət dodəm ki mıku, ım maşini bıhıryon iyən de çəy puli, qıləy mıstəzəfiro kə hozzı kənən.