Şəhid Muhsin Hucəci
Şəhid Muhsin Hucəci
Şəhid Muhsin Hucəci,ğəhrəmonə cıvononku qıləyni,qıləy bəfodorə ironıjə cıvon ki,canqi meydonədə de dınyo həmməysə vey vəhşiyə qrup bıə DAEŞ-i terroristə dastə canq kardə holədə əsir eqıniye və məzlumanə formədə şəhid be.çəy şəhodət ironıjıon dılonədə de ğəmi pur bıə qıləy ğeyrət iyən izzət bə vucud vardeşe. Bın bərnomədə əmə bə ironi sərbozon boçi İrağ iyən Suriyədə canq kardeyku qəp bəjənemon.
İron İslom Respublikədə çand ruje ki,Məhərrəm iyən Kərbəlo abo-həvo hiss bedə.dəvardə haftə qırd mısılmonə ironıjon mıştərəkə surətədə de ğəmqinəti pur bıə ım səbarzətiş his karde.qıləy rəşodətinə cıvonə zoə de dınyo vey vəhışiyə qrupi uzvon dasti bə şəhodət məğami rəse.ın macəra Asiyə ğərbi məntəğədə vəzyət bə yənde qıniyə zəmonədə,qıləy tojə macəra ni.əmmo Muhsin Hucəci ım 25 sinninə cıvonə ironıjə şəhidi şəhodəti qıləy co dastonış hestebe.qıləy daston ki, çı Muhsin Hucəci çəşonku bino be.joqo ki,əv dastonış bastə iyən kəmədə xun şıə holədə bə DAEŞ-i kamera diyə kardedəbe və bə ğıbonqahi tərəf şedəbe.çəy nəzə kardə çəşon dınyoədə qıləy dastonış ofəyışe.qıləy nəzə ki,bə hışk bıə bəşəriyyəti,dıyo mığdorədə bıə həyğəton rukardedəbe.
İroni mığəddəsə hərbi olətədə bıə qıləy ironıjə cıvoni de DAEŞ-i uzvon dasti əsorəti şikil,çı Muhsini çəşon macəra bino bedəbe.qıləy şikil ki,əyo bıə ğatil bə vəhşət dəşə iyən qıləy mırdolə surətış heste,qıləy vuğarin iyən mətinə cıvoni sə de xəncəri bırniyero bə ğıbonqo bardedə.qıləy hışkə biyobon,sutə xeyməon,bekardə bıə xəncər,de otəşi vositə siu bıə osmon,bə əsirəti xoto hışk bıə lıv-luputon,iğtidoronə surətədə bıə nəzə de tarsi hiç qıləy nisbətış nıbe.oxoyədə ım səhnə yəni sə bırniyə bıə iyən çəy bədəmisə noey bıə səhnə,bo i umr çı mehribonçətiyon peyğombər Muhəmməd(s)-i iyən çəy pokə Əhli Beyti(ə) piyəkəsnku bıə hakəsi qıləy oşnoə səhnəy.ım səhnəon Bo Əhli-Beyt(ə)-i piyəkəson iyn İmom Huseyn(ə)-i aşiğon qıləy oşnoə səhnə be.ğasbu ğatil zıneydənıbe ki,şəhid muhsin hırdənəti vaxtonku de Seyyiduş-Şuhəda İmo Huseyn(ə)-i rozəon vositə yol bıə.qıləy cıvon ki,İmom Huseyni(ə)-i məktəbədə tərbiyəş vində və de izzəti bıə marqi bəsə de zılləti bıə jimonisə bəpe qəteydə.və fotoqraf həm zıneydənıbe ki,çı Kərbəlovıjon çəşədə hiç qıləy tars ni.hətto çəvon qıy çı tijə xəncəri jiyədə həm bıbu.və Muhsin!...çokonə ğəşənq iyən səbarzə formədə bəştə aşıği tərəf şe.
Oxonə se sori mıddətədə İrağ iyə Suriyədə bıə DAEŞ terroristə qrupi cinoyət iyən fıtnə-fəsod vey şiddətin bıbəbe və mısılmonə millət ısət çı şiyə bıbu ya sınni,bə mısibəti ğərğış kardə iyən əvonışon çəvon kə-bəonku avarə kərdəşone.ğərbi dıjdə devləton,məxsusən Amerkə iddio kardedə ki,de DAEŞ-i mıborizə bardeyo qıləy koalisiyə soxtəşone və deəvon mıborizə bardedən.əmmo çın məntəğəon millət mışohidə kardedən ki,ğərbi de terroriston mıborizədə bıə ım hərəkət ciddi ni və əvon nəinki,de terroriton mıborizə bardedənin,bəlkəm əvoni de mıxtəlifə modernə silohon təzhiz iyən himoyə kardedən.çımisə əlovə çı Amerkə yolə məğami soybon etırof kardedən ki, DAEŞ terroristə ğıvvon bəçəvon devləti tədbiri əsos bə vucud omə və çəvon məğsəd islomiyə kişvəron bəyənde jıeye.ısət DAEŞ həmməysə vey bə Seonist Rejimi xeyr fəaliyyət nışon doydə və çı İron,Livan,İrağ iyən Suriyəku iborət bıə mığovmiəti dastə zəyif kardey dumoe.
