533-ə hissə-Məryəmi surə-71-74 şərifə ayəon

533-ə hissə

وَإِن مِّنكُمْ إِلَّا وَارِدُهَا كَانَ عَلَى رَبِّكَ حَتْماً مَّقْضِيّاً (71) 

Şıməku bə cəhəndımi daxil nıbə şəxs ni.(qırd daxil bəbeyn və şımə ım varid bıey) ıştı pərvərdıqori tərəfiyo hətmi iyən ğətiye.

ثُمَّ نُنَجِّي الَّذِينَ اتَّقَوا وَّنَذَرُ الظَّالِمِينَ فِيهَا جِثِيّاً (72) 

Peşo təğva əhli(çı cəhəndımiku) xilos bəkamon və sıtəmkoronro(de zılləti) bəsə zonusə nıştovnə holədə əyo va bədemon.

Navnə bərnomədə ğıyoməti ruji xısusiyyəton iyən çəy mıkofot və cəzo barədə bəhs be. ın ayəon bə vəhışti əhli çı cəhəndımiku dəvarde işorə kardedə və hamyedə:qırd məxloğ çı çokə ko əkə insonon iyən çı yavə ko soybon sıftədə bə cəhəndım varid bəbeyn. əmmo bə Xıdo-Rəsuliku(s) varid bıə rəvoyəton əsos,cəhəndımi otəş bo çokə ko soybon sard bəbe iyən əvoni nibəsutne.çoko ki,otəşi həzrəte İbreyim(ə)-ış nısutne. Boçi ki, umumən otəş pok iyən imoninə insonon sutuneydəni.binobərin əvon de surəti çı cəhəndımi otəşiku dəbəvardeyn və bə ilahi əmnə vırə bıə vəhışti varid bəbeyn. əmmo yavə ko soybon çun,ıştə otəşışon çı naviku vığandəşone,çəvon ıştən cəm kardə otəşədə ğərğ bəbeyn və bo əvon qıləy nicoti ro nibəbe.

Bə rəvoyəton əsos, Sirati pard çı cəhəndımi səpeye və qırd insonon çəyu dəbəvardeyn. vəhışti əhl de surəti çəyu dəbəvardeyn və bə otəşi giriftor nibəbeyn. əmmo cəhəndımi əhl çəyo dəvardey imkonışon nibəbe və əvon bə otəşi dılə ebəqıneyn.

Çın ayəonku umutedəmon:

1-ğıyoməti məhkəməku əlovə ki, çı qırd insonon ko mıəyyən bəkay,cəhəndım oşko iyən ələniyə şikilədə nışon doydə ki,kon şəxs bə vəhışt şıey ləyoğətış heste və kon fərd bəbe otəşədə bıbu.

2-çı cəhəndımiku fərol kardey ro,təğva iyən Xıdopərəstətiye və har qıləy be təğvati inov zılme. bəştə,bə camiyə iyən bə osmoniyə məktəbon.

وَإِذَا تُتْلَى عَلَيْهِمْ آيَاتُنَا بَيِّنَاتٍ قَالَ الَّذِينَ كَفَرُوا لِلَّذِينَ آمَنُوا أَيُّ الْفَرِيقَيْنِ خَيْرٌ مَّقَاماً وَأَحْسَنُ نَدِيّاً (73) 

Və hafxati çəmə ruşinə ayəon boəvon handey bedə,kofirə şəxson bə imon vardə şəxson bəvoteyn: çəmə dıqlə dastəku kon qılə vırəş vey çok iyən məclisış vey ğəşənq(dərostə bıə)?

In ayə bə Məkkə yolon yoləşəxəti iyən əşrafəti ruhiyyə işorə kardedə ki,çoko ki, vindeşone bənə Əmmar,Bilal və Xobabi bıə fəğır iyən beçizə şəxson bə peyğombər(s)-i imonışon vardə,de təhğiramizə formə voteydəbin:çokonə çı camiyə nokəon ıştəni de ın camiyə yolon mısovi  və i zıneydən.əvon ğudrətin iyən puldor, əmmo həmonə fəğıron çı problemon və muşkilaton dılədə ğərğ bin.

Cahiliyyəti dovranədə əsl və meyar,zər-zibər,pul və ğudrət be.pul bıə kəson ıştəni bəsə həmmə kəsisə bəpe zıneydəbin və bə fəğırə şəxson çı pentoniku diyə kardedəbin və camiyədə bo əvon hiç qıləy vırə və məğam ğayil nıbin.qıləy holədə ki, çı həxı de botıli meyar,sərvət iyən ğudrət ni,bəlkəm səhihə məntığ iyən əğedəy.

Çın ayəku umutedəmon:

1-həxı de botıli meyar,ağl iyən məntığe,nəinki,sərvət və ğudrət.ehanə kofiron çok jimon kardedənbu, çəvon həx bıey və ya Xıdovəndi bəvon deştə rəhməti diyə kardey dəlil ni.

2- yoləşəxəti iyən şan-şohrəti dumo bıey,çı kufr iyən inkori zəminə hozzı kardedə.

وَكَمْ أَهْلَكْنَا قَبْلَهُم مِّن قَرْنٍ هُمْ أَحْسَنُ أَثَاثاً وَرِئْياً (74) 

Əmə çımi bənav çəvonsə vey sərvətinə nəsl iyən zohirışon vey çok dərostə bıə ziyodə ğovmon məhv kardemone.

In ayə de ğətiyyəti bə təkəbbıri əhli hamyedə:bəqəm şımə tarıxon çı yodo bekardə ki,jıqo bə mominon de təhğiri çəşi diyə kardedon və əvoni zəyif və beçiz hisob kardedon? əgər sərvət iyən ğudrət çı Xıdo palu bə sərvətinə şəxson məğami dəlilebu, çən boçi Xıdovəndi əvonış həlok karde və əvonış bə əzob giriftor karde?

Rifohi cəhəto imkonaton nə çı səodət iyən xoşbəxtəti nışonə ni və nə çı ilahi ğəzəbi vəy qətey əzıni.bəlkəm,çımi əks vey faxton sərvət,məğam iyən ğudrət bə insoni tuğyongərəti, məğrurəti və ğəfləti həm boyis bedə və oxoyədə əy həlok kardedə.

Çın ayəku umutedəmon:

1-çı tarıxiku bəbe ibrət peqətəmon.çı sıtəmkoron suğut iyən həlokət bo həxı de botıli zıney iyən pand və ibrət peqəteyro vey çokə mənbəy.

2-sərvətinə şəxson fəxr kardə çiyon,çı dınyo mıvəğğətə zər-zibaonin ki,nə bə dınyoədə nicot pəydu kardey boyis bəbe və nə axırətədə.çəy zohir reçine,əmmo çəy botın aludə və çırkin.