Şiiə yolə alimon-18- Şeyx Təbərsi

Şeyx Təbərsi təğribən 54 sor Məşhədədə sakin bıə və peşo Hicri-Ğəməri 523-ə sori bə Səbzivar şəhri yolon dəvəti əsos,bə həmonə şəhr kuçış karde.çıro ki,həmonə şəhrədə bo dini tərvic,kitobi təlif iyən şoqirdi tədrisi zəminədə ziyodə imkonaton mevcud be…

Şeyx Təbərsi Səbzivar şəhrədə sıftənə hərəkət,”Mədrəseye Dərvazyeye İrağ” nomo mədrəsə yolyəti məsuliyyəti ğəbul kardey be ki,deçəy rəhbərəti ım mədrəsə bə qıləy hevuj iyən əhəmiyyətinə elmiyyə hovzə təbdil be.çın məkoni elmi iyən fərhənqi qəncinəti,bə İroni diyəroə noxtəku omə ziyodə muhəssil və dərs omutəkəson cəzb bıey boyis be.cıvonə tələbəon de bə dini kəmol iyən xıdməti rəsey eşği,həmonə mədrəsədə de elmi təhsili məşğul bedəbin və bənə fiğh iyən təfsiri bıə mıxtəlifə elmon çı Şeyx Təbərsi palu omutedəbin.Şeyx Təbərsi visto-penc sor ıştə vey çokə rujonış Səbzivari şəhrədə de dini tələbəon perosney,kitobi təlif iyən təhğıği ko dəvordıneşe.həmonə şoqirdon ki,peşo çı elm iyən zıney osmonədə bə həşi dəvəşin ki,min cumlə çəvonku hejo bənə bə şeyx Təbərsi ıştən fərzəndi və “Məkarimul-Əxlağ” kutobi soyb yəni bə Rəziyuddin Həsən bin Fəzl Təbərsi,həmçinin bə “Muəllimul-Uləma” kitobi muəllif İbn Şəhr Aşub Mazəndərani,bə “Fehrest” kitobi muəllif Şeyx Muntəxəbuddin,Ğutbuddin Ravəndi və Şazan ibn Cəbrəyili işorə kardey bəbe.

Şeyx Təbərsi həmməysə məşhurə əsər ”Məcməul-Bəyan” təfsiri kitobe.Əllamə Əmini “Şuhədaye-Fəzilə” kitobədə bə Şeyx Təbərsi elmi məğami işorə kardə holədə nıvıştedə:” de Şeyx Təbərsi nomi məşhur Əminul-İslom çı elm iyən ayəti hidoyəti pərçəmdor iyən navəjən be. Əv,çı dini məşhurə alimonku və şıyə məzhəbi navəjən və rəhbəronku bə hisob omeydə.çəy “Məcməul-Bəyan” təfsir coyli kafi və vəs kardedə ki,çəy elm və fəzli dıyo bıey nışon bıdo və oşkoko.qıləy təfsir ki,bəvədə həyğəti nur voyedə və elmi şua və ilahi vəhyi bəsirət dətıvedə.qıləy kitob ki,hiçkəs çəyku be ehtiyoc bıey əzıni”…

Şeyx Təbərsi ıştən çın təfsiri kitobi nıvıştey həxədə çəy mığəddimə və vəsədə jıqo nıvıştedə: ”ıştədə qıləy rufım pəydu karde və vey ciddi surətədə kom bino karde.ıştə əndişə və fikım bə zəhmətım eğande və vey təfəkkurım karde və ıştə vədə curbəcur təfsironım noe və Subhonə Xıdoku tovfiğ iyən ovandətim tələb karde və qıləy kitobıi təlifım bino karde və vey kamə zəmonədə de qıləy çokə nəzmi kitobım nıvışte.bın koyədə ğiroət,erab,luğət və məani elmon, nuzul və əxbar,ğısəs və asar,hudud və hukmon,həlol-həromi ehtivo karded.ıştə etığodonım ısət çı usul bıbu ya furu,səhih bıeyro az ziyodə istidlolon vardəme.zira,ısətnə əsri əndişə və fikon,bə ziyodə qonətiyon tov vardey zıneydənin və dıjdə mısobiğə meydononədə səy kardero ocizin. zira, alim və uləmaonku fəğət qıləy nom mandə və elmonku həm qıləy con…