Şiiə yolə alimon-83

Əllomə Bəhrani coqlə muhimmə əsəronku qıləyni ərəbi zıvono çəy bo Kərimə-Ğıroni nıvştə “Əlburhan fi təfsiril Ğuran” təfsiri kitobe ki,əyo Əhli-Beytiku(ə) rəsə ziyodə hədisonış vardə və ayəon təfsirədə okoş doə.Əllomə Bəhrani bənav Ğıroni təfsirədə jıqo qıləy şivə və metod nıbe. muəllif ıştə çın kitobi mığəddimədə ıştə  ın kitobi nıvıştey niyyəti barədə jıqo nıvışteydə : həmməkəs çı Ğıroni barzə şərəf iyən məğamiku vağifin və zıneydən ki,nicot və perəxey ro həm bəy təməssık iyən çanq jıeyədəy.çəy mənoon bəhs,təfəkkur iyən tilovət kardey,bə dılon jimoni boyis beydə və elm iyən bəy əməl kardey,çı saxtiyonku perəxey və xilos bıey boyis bəbe.bə məxfiyə sırron və həyğəton de addiyə ağli rəsey nibəbe.bəpe çı Ğıroni tənzil iyən təvili zikri əhliku ım elmi omuto.vindeme ki,alimon və mıfəssıron ğərəz ismətinə Əhli-Beyti(ə) bə cokəson nəzəon əsos dim qətəşone.qıləy holədə ki,bəpe Ğıroni həyğəton və sırron fameyədə dast bıkəşəmon və bə Əhli-Byet(ə) təfsir və təvili səmt dim bıqətəmon.bə həmonə dəlili xoto,İlahi kitobi sırron və təvilədə bo Əhli-Beyti(ə) təfsiri nəzəon bəyoni famey və dərk kardey xoto,təfsiri rəvoyəton cəm kardeme”……

 Əllomə Bəhrani Ğıroni təfsiri tevsifədə ıştən jıqo nıvıteydə:ım kitob bə Əhli-Beytiku(ə) omə təfsiri rəvoyəton şomil beydə və çəvon ziyodə fəziləton barədə və çəvon şənədə bıə rəvoyəton şomil beydə.

Bəhreyni kişvər ki,de Farsi Korfəzi mirvaridi nomi məşhure,Farsi Xəlici cənubi sahilədə ğərolış qətə.ım kişvər İslomi torıxi dırozi hejo çı mısılmınon məxsusən çı şiyə mısılmınon ğoymə mərkəz bıə və həmonə vırədə ziyodə fəğih iyən alimon perəsən.həyğətədə,Bəhreyni məmləkət İslomi dınyoədə İrağ iyən İroni bəpeştə seminə kişvəre ki,veyə şiyə elmiyyə hovzəon əyo mevcude.Bəhreyni mədəni,siyosi iyən coğrafi barzə mevğıyyət,bo həmonə xosə vıron işğal kardero ziyodə təcavuzkoronış vəsvəsəş kardə.joqo ki,de çandə kərə hucumi vositə çın vırə millət bə ziyodə coni iyən moliyyə xəsorəton məruz mandə.ın hucumon ərsəşon bo alimon iyən fəğihon tanq kardəşonbe və bəçəvon bə co hamsuyə kişvəron məxsusən bə İron iyən İraği səmt kuçışon karde.Əllomə Bəhrani fərzəndon  kəsonin ki,çın hucumon nəticədə əvon Bəhreyniku bə İron muhacirət kardeşone və İsfəhanədə sakin bin.Əllomə Bəhrani fərzənd Seyd Muhsin ıştə pı ziyodə kitobonış deştə peqəteşe və bə İron vardeş və çı hucuməkəyon şərriku əmonədəş oqəte.əmmo,ijən mumkine ki,çın yolə alimi veyə kitobon jəqo qıləy noəmnə şərayitədə çı miyoniku bışo…

Nəhoyətən,ın yolə şiyə alim Seyd Haşim Bəhrani Əhli-Beyti(ə) məktəbi royədəI umr səyo-cəhdi bəpeştə,Hicri-Ğəməri 1107-ə sori Bəhreynədə rehlətış karde və çəy pokə bədənışon de qıləy ehtırom iyən təclili Tubli diyədə və həmonə məntəğə məşhurə məçiti kəno bə zəmin aspardeşone.çəy mərğəd ısət həm de muminon vositə ziyorət kardey beydə və bəy ehtırom kardedən.Xıdovənd ……