Şiiə yolə alimon-89

Metəbərə mənbəonədə Əllomə Məclisi pıku hikoyət nəğl bıə.Muhəmməd Təği Məclisi ki,de İminə Məclisi məşhur be,çı Səyfeye-Səccodiyyə sahədə ovandətiş pəydu kardə alim be.votedə ki,qıləy şəv bə Xıdovəndi dərqo şəvi nimədə çı nımoj,istiğfor iyən dıvo və bəmey bəpeştə,qıləy holətım pəydu karde ki,zıneme çımı dıvo ısət bəştə ğəbul bıey dərəcə bərəse və mıstəcəb bəbe.ıştən-boştə voteme ki,Xıdovəndiku çiç tələbkəm?dini ya uxrəvi hocət və tələbkəm?bə ikkərə çı hırdən bıə Məhəmməd Bağıri bəme sədo bəçımı quş rəse.voteme:Xıdolim ha! Bə Muhəmməd və Ali Muhəmmədi xoto,ım tifli çı seyyidil-mursəlini dini hukmon naşir və tərvicəkə bıkə və əy ıştə benəhoyətə tovfiğot və ovandətiyonədə səbarzkə.və ım dıvo be ki,çə həmonə tifli barədə mıstəcəb və ğəbul be. Əllomə Məclisi vey erjinə xıdmətonku qıləyni həm çəy çı Əhli-Beyti(ə) dıjdə hədisi xəzinə cəm kardeye.Şiyə kitobon veyni bə İslomi kişvəronədə bıə canqon iyən noromətiyon xoto.həmçinin bə İslomi hukumətonədə bo şiəyon saxt və yavə şərayitədə bıə vəzyəti dəlili xoto ya çı miyoniku şıəbe və ya çı dini alimon dastrəsədə nıbe.əve jıqo qıləy şərayitədə şiyə vey təcili surətədə bə qıləy dayirətuil-məarif ya ensklopediya ehtiyciş hestebe və şiyə ın yolə alim de “Biharul-Ənvar” nom 120 cildinə qıləy kitobış cəm karde.... Əllomə Məclisi şiyə kutube-ərbəə və ya çoqlə kitob ki,bəçəvon elmi əzəmət və əhəmiyyəti rəğmən elmiyyə hovzəonədə jəqo mandəbe və oko doey beydə nıbe,əy bə elmiyyə hovzəon vardeşe.əv ıştən bə Usuli-Kafi və bə Əttəhzibi şərhış nıvışte və ıştə elmədə zumandə şoqirdonku qıləyniş bo Əlistbsari şərh nıvışteyro təşviğış karde.çəy bənav həm çəy pı İminə Məclisi bə Mən la yəhəzruhul-Fəğih kitobi qıləy şərhış nıvıştəbe.demiyən şiyə har çoqlə rəvoyi kitob,de yolə alimon vositə de dığğəti və de veyə izohi nıvıştə bıə və bo tələbə iyən muhəğğiğon çın rəvoyi mənbəon dərk və fame tiki həm vey hevuj və rohət be.... Əllomə Məclisi vey erjinə xıdmətonku qıləyni həm Şiyə rəvoyi mənbəon oqətey və əvoni nəşr kardey be ki,dini elmon tələbon ki.çandə mıddət çı rəvoyət və hədisonku bə diyəro mandəbin, ƏVONIŞ BO MUTALİYƏ İYƏN TƏHĞIĞ KARDERO təşviğ kardedəbe və elonış karde ki,ehanə tələbonku qıləyni kutubu-ərbəə kitobonku qıləyni nusxə be iskal iyən beiron nıvıştəsbe,bo çəyku icozə ğəbul kardero bəçəy huzuri noyil bıənine.şiyəon elmiyyə hovzəonədə dəb be ki,qıləy zəmon ki,qıləy tələbə hədisşınosi dıjdə ustodon nəzəku hədis zıney və dərkədə bə ğəbul bıəninə mərtəbə rəseyədə,çı ustodi tərəfiku icozənoməon ğəbul kardedəbin ki,deçəy etıbori hədis nəğl iyən əy tədris iyən təbyin kardedəbin.de ın tərtibi çı ğeyri-mutəxəssisə odəmon vəy qətey beydəbe və çı Əhli-Beyti(ə) məarifi bedəlilə xəzinə de tosə qıləy həddi çı veyə təhrifonku əmonədə mandedəbe.Əllomə Məclisi çın təşviği bəpeştə,tələbon de qırd şovği de kutubi-ərbəə kitobon nıvıştey məşğul bin və həmonə nusxəon çı Əllomə palu bardedəbin və əv deştə xətti bə həmonə nusxəon peşti nıvıştey çəvon icozənoməon imzo kardedəbe.... Çoko ki,votemone Əllomə Məclisi kutube-ərbəə yəni şiyə 4 qılə əsliyə rəvoyi mənbə bə tələbon elmi və dərsi hovzəon daxil kardeşe və islomi alimon və muhəğğiğon bənə şeyx Mufidi İrşadi bıə muhimmə kitobon təbliğ, tərvic iyən təbyini səmt vanq jeydəbe.əmmo ijən çı şiyə maarifonku çandə sa qılə kitobi çı miyoniku şıey norohətçətiş hestebe ki,çı kəon kıncədə bıə sondoxonədə mandəbe və ya çı rujiqori hodisəon xoto diyəroə noxtəonədə noməlum mandəbe.Əllomə Məclisi de zırənqəti şiyə himoyə kardə Səfəviyyə hukuməti suğuti nezə zəmonədə hisob kardedəbe və çı kali mınhərifon məkrinə planonku xəbəş hestebe.bəçəy xoto əy ım fırsətış mınosib zıne və de qıləy bə tarifi loyığ iyən ciddiyə əzmi bə dınyo har qıləy noxtəon ki.əyo ehtimol hestebe Əhli-Beyti(s) hədison nusxəon əyo mevcude,ıştə səfiron vığandeydəbe və çı Səfəvi sarayədə bıə çı qırd ğudrətiku oko doydəbe ta ım muhimmə koon bə oxo bırosno.Əllomə Məclisi onoqıniyə cəhdon nəticə şiyə metəbərə ço saqılə “usuliərbəə” usuli bə dast vardey be.demiyən Əllomə Məclisi çı Şiyə vey nəfsi və reçinə kitobxonəş cəm və qırdəş karde....