Şiiə yolə alimon-91

Əllomə Məclisi bo Əhli-Beyti(ə) məktəbi marzon nığo doeyro məcbur be çı mıxtəlifə dastəon mədəni və ideoloji hucumon mığobilədə ısət çı mıxolifonku  qətə de tosə İslomi iyən Şiyə deşmınon mandedəbe.əv bəpe çı ğərbi şirkəton iyən muəssisəon anti-mədəni fəoliyyəton, sufiyon təhrifon,saray keşişon şubhəon.xarici məkrinə planon və hətto çı bıtpərəston zəhrinə təbliğoton mığobilədə mandənin be və çı Şiyə həğğaniyyətiku mıdofiyə kardedəbe.Əllomə Məclisi çok-çoki çın torıxi məsuliyyəti ehdəku ome və Əhli-Beyti(ə) məktəbi əsosonış ğoym karde.buzurquvarə muhəddis bıə seyd Nemətullah Cəzayiri çı Əllomə Məclisi şoqirdonku be ki, ıştə ”Məğamat” kitobədə nıvışteydə:”bəçəmə ostadi xəbəşon doe ki,İsfəhonədə qıləy bıt heste ki,çı Hindıstoni kofiron məxfiyonə surətədə əy pərəstış kardedən.ustodi həm dəsturış doe ki,çə bıtpərəston məxfiyonə sıtoyiş kardə bıti hırdon.barışton.Hindıstoni bıtpərəston və  kofiron hozzı bin ta  bə İroni şahi ziyodə məbləğəədə bıə pul bıdon ta əv həmonə bıti darıştey vəy bıqəto və nıhaşto ki,mısılmınon əy hırdkon və şah icozə bıdo ki,əvon əy bə Hindıston bıbon.əmmo İroni şah  yəni Suleymonşah Səfəvi ımış ğəbul nıkardeşe.nəhoyətədə ım bıt darıştey be və çı bıtpərəston mərkəz volo və çəvon rınə dəparçıney be.

Əllomə Məclisi de ın qrup və dastəon ğəddorə hərəkət boyis be ta ğeyri-şiyə şərğşınoson və torıxəvonon əvışon deştə mıxolifon ğəddorə rəftori mıttəhəm kardəşone və ıştə kitobonədə əvon siyosi zəminədə bə ın buzurquvarə şəxsi ziyodə norəvoə behton və iftiroon daxil kardəşone....

Çoko ki,vəynə bərnoməonədə votemone ki,İronədə Səfəvi hukuməti bə hakimiyyət omey bəpeştə bo iminə kərə təşəyyu və şiyə məzhəb çı İroni rəsmi məzhəb elon kardey be.bın devronədə şiyə alimon de dərs,kitobi təlif kardey,elmi məclison bərpo kardey iyən çokə asayişisə əlovə,bə hukuməti bə Əhli-Beyti(s) məktəbi mısbətə nəzə dəlili xoto,bo iştimoyi iyən siyosi fəoliyyətonku çok-çoki istifodə kardey qıləy fırsətışon pəydu karde.dınyoədə bə co məlum bıə dinon əks,min cumlə məsihiyyət və xristiyanəti ki,çəvon təlimon adətən fərdi iyən şəxsi məsələon sahədəy.əmmo İslomə din qıləy har tərəfin iyən qəncin və çı insoni jimoni həmmə muhitədə min cumlə siyosi,iştimoyi,ixtisodi və huğuği sahəonədəy.joqo ki,islomi dini təlimon muhimmə baxş bə ın sahə və baxşon məxsuse.ım muhimmə ko boyis be ki,havaxti qıləy mınosibə şərayit icod beyədə,şiyə alimon bə siyosi iyən iştimoyi baxşon daxil bıbon və de tosə qıləy mumkin bıə həddi bə islomi təlimon əsos camiyə koon bə səhmon dənon......

Əllomə Məclisi həm çə alimonku be ki,Səfəviyyə devronədə siyosi iyən iştimoyi fəoliyyəton ziyodə təsironış hestebe.Əllomə elmi məğam iyən vırə çı milləti mıxtəlifə təbəğəon ısət çı alim bıbu ya umumi insonon bıbu,vey barzə şikilədə bey boyis be ki,şah Suleymon Səfəvi Hicri-Ğəməri 1098-ə sori əvış bə şeyxul-isloməti məğami mənsubış karde,vıjniye.Şeyxul-İsloməti məğam həmməysə bazə məğam be ki,hukuməti tərəfiku şəri koon,ğəzovət və ğazion koyku bekardey koon,yətimon sərpərəstəti iyən ğəyyuməti xums iyən zəkoti bo islom iyən mısılmınon camiyə koon və co muhimmə məsələon xarcon ğəbul kardey be.Şeyxul-İsloməti çı hukuməti ehtırom kardə şəxs be və adəətən vey muhimmə məsələonədə deəy məsləhət və məşvərət kardey beydəbe.Suleymon şahi bəfoti bədiqə Hicri-Ğəməri 1105-ə sori və de şah Sultan Huseyni bə hukumət rəsey,ijən Əllomə Məclisi ijən ıştə navkonə mənsəb və məğamədə mandedə və de tosə ıştə umri oxo yəni de tobə Hicri-Ğəməri 1110-ə sori ın mənsəbış ıştə ehdədə oqəteşe......

Suleymon şahi bəfoti bədiqə şah Sultan Huseyn bə taxt nışte.dəb be ki,tac noə mərosimədə Səfəviyyə yolə şəxson şımşişon bə şah peşti dəvastışone.Səfəviyon bə zəmonədə həxə roy iyən qıləy məxsusə irfoni iddio  kardedəbin.