Şiiə yolə alimon-90

Səfəvi Suleymon şahi bəfoti bədiqə şah Sultan Huseyn bə taxt nışte.dəb be ki,tac noə mərosimədə Səfəviyyə yolə şəxson şımşişon bə şah peşti dəvaston.Sufiyon bə zəmonədə həxə roy iyən qıləy məxsusə irfoni iddio  kardedəbin və şımşi bə Səfəvi sultonon peşti dəvastedəbin. əmmo sulton Huseyni əmrış karde ki,Əllomə Məclisi həmonə şımşi bəçəy peşti dəvasto.peşo podşo Əlloməku piyeşe ki,çəyku qıləy çi tələbko.Əllomə bə şah dimış qəte və voteşe:mı dılım heste şah qıləy fərmon sadirko ki,şərobxorəti,çı fırğəon miyono canqi iyən kaftebozəti ğədəğənko.

Əllomə Məclisi  de şah bə şərobxorəti ğədəğən kardey fərmoni sadir kardey tərğib iyən təşviğ karfdey,nəyinki,piyedəşbe camiyə iyən cıvonə nəsli çı yavə iyən fosidə əməlonku nığo bıdo, oqəto,bəlkəm nəzədəş hestebe ki,de ın koy vositə  podşo  iyən çəy saray əhli       həm çı şərobxorətiku oqəto.boçi ki,Səfəvi podşoon veyni bə şiyə məzhəbi meyli rəğmən,qıləy çokə dini tərbiyəşon nıbe və ım ko həm boyis be bənə şərobxorəti bıə fəsodon çəvon sarayaədə rəvocış pəydu kardəşbe  və bə ım bəxoşnıomə rəftoron xoto əvon bə kişvəri idorə koon çok-çoki rəseydə nıbin.

Əllomə Məclisi  çı naviku sarayədə fəsod iyən fısği-fucuri nufuzi proqnoz kardedəbe.binobərin çanədə mumkinbe ıştə ğudrətiku bo saray əhli miyono fısğo-fucuri vəy qəteyro cəhd kardedəbe. ım mıcohidə alim “hakimon de rəiyyəti rəftori ğaydə” nomo qıləy sodə kitobış nıvışteşe ki,çı həzrət Əli(ə) bə Malik Əştər Nəxəyi tevsiyəonku iborət bıə əhdnomə tərcumə və şərh be ki, adilonə hukmronəti formə barədə de co seqlə hədisi bəico be.Əllomə çın kitobi nıvışteyku hədəf “ğafilon oğo və devləti odəmon isloh kardey” bəyonış kardə.ım təğvanin iyən pərhizkorə alim de Səfəvi çoqlə podşo jimonış karde və bə Səfəvi şahon qıləy nığılə təsirış hestebe.bə həmonə dəlili xoto,bə İroni mısılmonə milləti zılm kardə və de fəsodi məşğul bıə saray odəmon  nəzorəti jiyədə oqətey və isloh kardero,çəy şifohi nəsyəton və bənə “hakimon de rəiyyəti rəftori ğaydə” kitobədə bıə isloh kardey ğaydəon vey təsirin bıə....