Şiiə yolə alimon-99

Əllomə Vəhid Behbəhani  de Əxborgərəti mıborizə bardəkəsi nomi məşhur be.əxbariyyyun bə alimon idastə votey beydə ki,bəçəvon əğedə əsos bo dini dəstur v əmron fameyro fəğət zohir kifoyət kardedə.əvon çı Şiyə rivoyi əsliyə çoqlə kitobi həmmə rəvoyəton səhih hisob kardedən və jıqo zıneydən hakəs de bə ın mənbəonədə rəsə hədison ovard və muraciyət kardey,ıştə dini təklif iyən vəzifəon bızıno və həni ehtiyoc ni bə qıləy mıştəhidi təğlidko.həyğətədə,Əxbariyyun iştihod iyən mıştəhidiku təğlid kardey cayiz zıneydənin.çımon mığobilədə Usuliyyun ğərolışon qətə ki, bəçəvon etığodi əsos bo dini mənbəon kifoyət ğədərədə təsəllut pəydu kardey və elmi iyən ağli dəğiğə metodon oko doey,dini hukmon mıxtəlifə vıronədə istinbot kardedən.sayir kəson ki,çın ixtisosiku bəhrə bardedənin,bəpe bə ım ko mıtəxəssison ovardkon.ğeyri mıtəxəssion bə mıtəxəssisi muraciyət kardey məsələ çı əğloniyyəti miyono qıləy ğəbul bıə əğloni ğaydəye və usuliyyun bın bovədəy ki,ım ğaydə dini hukmi təyin kardeyədə həm cariye......

Əllomə Vəhid Behbəhani  çandə dırozə soron mıcohidət və səyon nəticə ım be ki,əy de tosə qıləy həddi Əxbari məsləki təfəkkuri vəy qəteyış zıne.əv peşo Hicri-Ğəməri 1159-ə sori deştə qırd xıyzon və nezə odəmon bə Nəcəfı-Əşrəfi şəhri mıhocirətış karde.bə zəmon Nəcəfi Elmiyyə Hovzədə çəy məhzərədə boştə elmi ziyod kardero əy qıləy alimış pəydu kardey nızınışe. binobərin əv bə Kərbəlo şəhri səfəş karde.Kərbəloədə həm bənə Behbəhani şəhri həm Əxbariyyun nufuz əyo həm ziyod bıəbe.Əllomə Vəhid Behbəhani Əxbariyyun elmi dərs və məclisonədə iştirok kardedəbe və çəvon istidlol iyən əğedəon çı neziku təhğığ kardedəbe.peşo çı Əxbariyyun yolə alimonku qıləyni bıə  şeyx Yusif Bəhraniku tələbış karde ta se ruj ıştə dərsi məclisi bəçəy ehdə bıno.şeyx Yusif Bəhrani ki,ıştənış de əxloği keyfiyyəton dərostəşbe,çəy ım tələbış ğəbul karde.Əllomə Vəhid Behbəhani  bın se rujədə de Əxbariyyun əğedə tənğıd kardey və çı iştihodi şivə dırıstəti isbot kardey koy məşğul be və nəticədə çı şeyx Yusif Bəhrani şoqirdon sedə dı hissə çəyku co bin və bə usuliyyun şivə və metodi səmt dimışon qəte.....

Şiyə alimon torıxi reçinətiyonku qıləyni dıqlə mıxolifə təfəkkuri dastə yəni çı Əxbariyyun nımoyəndə şeyx Yusif Bəhrani de usuliyyun nımoyəndə Əllomə Vəhid Behbəhani  miyono mışohidə kardey bəbe.deməkə ki,çəvon har qıləyni ıştə zəmonə yolə alim və məşhurə şəxosnku bin və çəvon har qıləyni çı milləti miyono ziyodə tərəfdoronışon hestebe,əmmo bəştə dini səhih dərəsey iyən nəfsi pokəti xoto.bə həyğəti pemandey və tabe bıey boştə qıləy vəzifə hisob kardedəbin.bə hmonə dəlili xoto,şeyx Yusif de rohətə formə ıştə minbər iyən elmi dərsonış ıştə mıxolif bıə alimi ixtiyorədə noşe və çoko ki,çı Əllomə Vəhid Behbəhani elm və fəziləti mərtəbəonış vinde və çəy istidloli zumandətiş məse,roş bo milləti bə Usuliyyun şivə tərəf sovğ pəydu kardero ojış karde.ehanə şeyx Yusif de tosə ım əndozə jıqo qıləy rufi pokətiş bıənəbe, ıştə ziyodə tərəfdoron bə Usuliyyun ələyh təhrik əkardi və bın zəmon Əxbariyyun de Usuliyyun miyoono bıə ım ixtilof bə qıləy xətərnok iyən təhlukəninə mərhələ daxul əbi....

Əllomə Vəhid Behbəhani  de Əxbari təfəkkuri de şiddəti mıborizə bardeysə əlovə,Usuli alimon həm de təsirin iyən səhihə formə tənğıd kardedəbe.əv ıştə ğbul kardə fiki hovzə yəni Usuli təfəkkuri ya dinədə iştihodi çok-çoki çı nəzorəti jiyədə oqəteydəbe və səhihə iştihodi təhdid kardə xətər və təhlukəonku aqah və xəbədo be.əv çoko ki,Əxbariyyun de şiddəti tənğıd kardedəbe,de Usuliyyun miyono ehtımoliyə inhirofon həm rəftor kardedəbe.Əllomə Vəhid Behbəhani  de mədariki soybi yəni de seyd Muhəmməd ibn Əli Musəvi  Amili(Hicri-Ğəməri 946-1009) ki,qıləy usuli alim iyən fəğih be,qıləy məşhurə rəftorış bıə.binobərin Əllomə Vəhid Behbəhani de hədəfinə formə bo Şiyə təfəkkurədə ifrot iyən təfriti vəy qəteyro ziyodə səyonış karde və bın koyədə veyə tovfiğ iyən ovandətiyonış bə dast varde.....