Şiiə yolə alimon-106

Cəfər ibn Xızr bin Yəhya Cənaci Hilli Nəcəfi de Şeyx Cəfər Nəcəfi,Kaşifuıl-Ğita,Şeyx Cəfər Kəbir və Şeyxul-Məşayix  ləğəbon  məşhur bıə Şiyə ın yolə alim  və mərcəye-təğlid Hicri-Ğəməri senzəminə əsrədə bə dınyo omə və əv çı Əllomə Vəhid Behbəhani iyən Əllomə Bəhrul-Ulumi məşhurə şoqirdonku bə hisob omeydə və Əllomə Bəhrul-Ulumi bəfoti bəpeştə Şiyə mərcəiyyət və rəhbərəti məsələş bəştə ehdəş peqəte.

Şeyx Cəfər Kaşifuıl-Ğita Hicri-Ğəməri 1154-ə sori Nəcəfı-Əşrəfi mığəddəsə şəhrədə bə dınyo çəşış oj karde.çəy nəsəb və şəcərə bə Əmirəl-Muminin Əli(ə)  ləşkəri bəfodor iyən zumandə fərmonədə Malik Əştəri rəseydə. Çı Şeyx Cəfəri pı Xızr nomış hestebe və ıştə rujiqori alim iyən zohdionku bə hisob omeydəbe.Xızr ibn Yəhya İraği Hillə şəhri əhl be və de elmi təhsili məğsədi bə Nəcəı-Əşrəfi şəhri şe və həmonə şəhrədə həm mande.Şeyx Cəfər ıştə elmi təhsilış sıftədə Kərbəlo elmiyyə hovzədə binoş karde.peşo bə Nəcəfı-Əşrəfi elmiyyə hovzəon şe və çə zəmoni yolə alimon məhzəriku okoş doe.Şeyx Cəfər bənə Hicoz,İron və Fələstıni bıə İslomi mıxtəlifə kişvəron səyohətış karde və İslomi kişvəron mıxtəlifə məntəğəonədə bıə şiəyon vindemon kardeşe.....

Şeyx Cəfər Kaşifuıl-Ğita dini elmon zəminədə ziyodə kitobonış təlif karfdəşe ki,min cumlə əvon fiğh iyən usuli baxşonədəy.çın yolə alimi həmməysə muhimmə kitob “kaşiful ğita ən mubhəmati şəriətil ğərra”.yəni dini təbliğ iyən İslomi fəsihədə məlum nıbə çiyonku pardə peqətey mənoədəy ki,bə ın ktobi nıvıştey xoto peşo de Kaşiful-Ğıta nomi məşhur be.Kaşiful-Ğita kitob  çı şiyə əğayid,fiğh iyən usuli sahədə həmməysə çok iyən barzə kitob bə hisob omeydə və qıləy imtiyoz və şehrətış heste.seqlə əğayid,usuli fiğh iyən fiğhi babədə təlif kardey bıə və bəvədə de İsnaə Əşəri məzhəbi həxəti koy məşğul beydə.çın kitobi şiyə alim və fəğihon nəzdədə bıə əhəmiyyət və komiləti bə əndozədəy ki,nəğl bıə Hicri-Ğəməri senzəminə əsrədə fiğhədə hiç qıləy rəğibış nıbə məşhurə fəğih Şeyx Mortəza Ənsari votəşe:əgər ikəs çın kitobi usul və ğaydəon bızıno, çımı nəzədədə mıştəhide.odəmi dığğəti cəlb kardə çi ıme ki,Kaşifuıl-Ğita ım kitobış bə İron səfə kardə zəmonədə nıvıştəşe.qıləy holədə ki,bə zəmon çəy palu ğərəz Əllomə Hilli “Ğəvayid” kitobiku coqlə kitob nıbe və ım çı Şiyə ın  yolə alimi dini mənbəon,məxsusən bə fiğhi elmi bıə zumandə təsəlluti nışon doydə.əv ıştən iddio kardedəbe ki,ehanə çı fiğhi qırd kitobon çımı dast rəsədə nıbu,ijən çı fiğhi məbhəs iyən babon çı sıftəku de tosə oxo nıvıştey ğudrətım heste və az bımi ğadirim.çəy elmi iyən fiğhi sahədə mahirəti bə səviyyədə be ki,çəy mıosir və ya peşonə alimon və fəğihon əvışon təyid iyən təsdığ kardə....

Şeyx Cəfər Kaşifuıl-Ğita muhimmə fəoliyyətonku qıləyni,çı Usuliyyun şivə və metodi zumand və pevolo kardey və de  əxbari cərəyoni mıborizə bardeyku iborət be.vəynə bərnoməonədə işorə kardemone ki,yonzəminə əsriku çı usuliyyun de əxbariyyun miyono bıə mıcodiləon ciddi bıə və qədə-qədə  Əxbari tərəfkkur bə usuli təfəkkuri səbarzətiş pəydu kardəbe