Şiiə yolə alimon-117

Seyd Muhəmməd Təbatəbayi Şiyə dınyo nomdor iyən məşhurə alimonku qıləyniye ki,Hicri-Ğəməri senzəminə əsrədə jiyə.əv uruson bə İron təcavuz kardə zəmonədə cihodi fətvoş sadir kardə və bə ın dəlili xoto əv hejo de ın fətvo torıxədə əbədi mande.

Seyd Muhəmməd Təbatəbayi Hicri-Ğəməri 1180-ə sori Kərbəlo mığəddəsə şəhrədə bə dınyo omə.çəy pı de Sahirbu-Riyazi nomi məşhur bıə seyd Əli Təbətəbayi ki,bə zəmon çı şiəyon həmməysə yolə fəğih iyən mərcəyi təğlid be.çəy buzurquvarə moə həm çı Şiyə yolə fəğih iyən məşhurə dinşunasə alim bıə Vəhid Behbəhani nəvə be.Seyd Muhəmməd qıləy zəmon bə dınyo ome ki,Kərbəlo bə Əllomə Vəhid Behbəhani səyon xoto bə şiyə dınyo elmi iyən fiğhi mərkəzi təbdil bıəbe.joqo ki,şiyə aləmi qırd vıronədə çı elm iyən fiğhi dumo nəvə alimon çı Kərbəlo məktəbi şoqirdonku bə hisob omedyə və İslomi dınyo bənə Məşhəd, Kaşan, Ğom, Kazimeyn, Nəcəf, Kərbəlo, Təbriz iyən hindıstoni bıə qırd vıronədə elmiyyə hovzəon təşkil doey bıəbe.Seyd Muhəmməd Təbatəbayi həm bın fəzoədə və ıştə pı seyd Əli Təbətəbayi təlim və tərbiyə jiyədə ıştə elmi təhsili koş bino karde....

Seyd Muhəmməd Təbatəbayi harçənd ıştə yolə pı Əllomə Vəhid Behbəhani dərsi məclisonədə iştirok kardey ovandədtiş pəydu kardey nızıne.əmmo çın yolə alimi məşhurə şoqirdon elmonku çokə bəhrəonış barde.əv ıştə pısə əlovə Nəcəfi şəhrədə çı Əllomə Bəhrul-Ulumi məhzəriku çokə bəhrəonış barde və çəy elmi dərs iyən bəhsi kənoyədə çəy  zuhd iyən kəromətonku həm ziyodə azuğəş peqəte və bə de çın yolə alimi kinə izdivoc kardey şərəfi həm noyil be.həmçinin Seyd Muhəmməd Təbatəbayi Nəcəfı-Əşrəfədə çı zumandə fəğih bıə Şeyx Cəfər Kaşiful-Ğita məhzəriku həm bəhrəş barde və çəy elmonku okoş doe.Şeyx Cəfər Kaşiful-Ğita (r) fiğh iyən usulədə qıləy zumandə alim və fəğih be.əv çı dini rəyisətisə əlovə bənə qıləy milli şucoətinə şəxsi həm zıney beydəbe.zəmoni iyən çəy ehtiyocon dərkl kardey,çı Kaşiful-Ğita (r) ləyoğətinə xısusiyyətonku bə hisob omeydə.Seyd Muhəmməd Təbatəbayi ıştə ustodonku fəğət fiğhış nıomute,bəlkəm çı iştimoyi iyən şəhoməti məsələon mığobilədə məsuliyyəti hiss kardeyış həm omuxteşe.....

De Seyd Muhəmməd Təbatəbayi bo elmon min cumlə usul və fğhi elımonədə ciddiyə cəhd, tələb və təşəbbısi de surəti əv bə elmi barzə məğamon dastış pəydu karde.joqo ki,çəy pı əvış eımədə  ıştəsə həm zumand və ələmış hisob karde və həni fətvoş sadir nıkarde.çı Şiyə alimon miyono jıqo adət be ki,elmədə ıştəsə bəpe qıləy alim mışohidə kardə zəmonədə həni fitvo sadir kardeydə nıbin.bə həmonə dəlili xoto seyd Muhəmməd bəştə pı ehtıromi xoto çı Kərbəloku bə İsfəhoni şəhri mıhocirət və kuçış karde.Seyd Muhəmməd  Mucahid Təbatəbayi İsfəhonədə təğribən da sor mande.isfəhon bə zəmon bo dini elmon təhsil kardero qıləy muhimmə mərkəz bə hisob omeydəbe.bın mıddətədə ziyodə alimon çəy dərsi məclisonədə iştirok kardedəbin və ın yolə alim Kəbəlo iyən isfəhoni  elmiyyə hovzəonədə  bənə qıləy barzə ustodi unvoni zıney beydəbe.....