Həşi məhzərədə-96

Xosə Tolışon səlom, şımə cımə ruj bə xəyr bıbu, dıvo kardəm ım əzizə və bərəkətinə manqədə, xəy, səadət iyən Xıdo ibodət kardey tovfiğ bə şımə ğesmət bıbu. Imruj de Həşi məhzərədə nomo bərnomə şımə xıdmətədəm. Im bərnomədə pidəmone iğtisodi cihodi barədə, sıhbət kəmon, dəvət kardəm dəmə bə ico bımandən.

Mehribonon, iğtisodi cihodi baxş, Xıdo royədə cihodi baxşonku qıləyni bə hisob omeydə. Həzrəte Ayətullah Xameni nəzəku, iğtisodi cihod, bənə hərbi cihodi mandeydə, əmmo de iğtisodi bə inkişof rəsey hədəfi.

Cihod qıləy mığəddəsə ko bə hisob omeydə ki İslam dinədə bəy vey təkid bıə. mıtəalə Xıdo muxtəlifə ayəonədə, cihodi hədəfi bəyon kardeədə islami bərnoməon ruşin şikili nışo doəşe iyən Xıdo royədə cihod kardey məziyəton bəyon kardedə, Bəğərə surə 190 minnə ayədə  hamiyəşe:

“Xıdo royədə deşmə canq kardəkəson canq bıkənən və canqi vaxti ilahi həddonku təcavuz məkənən ki, xıdo təcavuzəkəyonış pidəşni.”

Im şərifə ayə nışo doydə ki islami cihod, həmişə Xıdo royədə əncom bəbe və hiç vaxt çəyədə fərdi məsələon və şəxsi foydə ni. Çən ə zəmon ki dınyoədə mısılmonon con, din, mədəniyət, iğtisod, erjon və etığadon təhdid bıbu, ya qurupi ğolibədə, mısılmonon həxədə zılm iyən sıtəm bıbu, bə həmmə mısılmonon vacib bəbe ki təhdid iyən zılm və sıtəmi məhv kardeyro, bə mubarizə və cihodi meydon daxil bıbun. Çən mubarizə və cihodiku hədəf ıme ki İslami ictimaədə ədolət bərpo bıbu iyən sulh və oroməti oqətey bıbu və dəvom peydo ko iyən bəpe hiç vaxt çəyədə kin-kurorət və intiğom qəte vucudış nıbu.

İron İslam yolə Rəhbər, Həzrəte Ayətullah Xamenei, cihodi jıqo məno kardedə: “cihodi meyor iyən metrə, şəmşi iyən canqi meydon ni. Cihodi meyor həmonə çie ki ımruj çəmə farsi zıvonədə, mubarizə kələmədə mıvcude, votıdəmon felon odəm mubariəkə şəxse və felon şəxs mubarizəkə şəxs ni. Mubarizə nıvıştəkəs, ğəyre mubarizə nıvıştə kəs, mubarizə alim, ğəyre mubarizə alim, mubarizə tələbə və mubarizə universiti tələbə, ğəyre mubarizə tələbə və ğəyre mubarizə universiti tələbə, mubarizə ictima və ğəyre mubarizə ictima, çən cihod yəni mubarizə. Beşək mubarizədə 2 qılə çi lozime, qıləyni ıme ki çəyədə səyo cəhd iyən hərəkət bıbu, 2 minnə çi ıme ki çəy mığobilədə deşməni bıbu. Həmonə vırə ki deşmən nıbu, Mubarizə bardey məenoş ni.

Bəle əzizon,Çən ğoym bıə cihod bə ım 2 qılə prinsipon əsose. Jəqo ki votımone, qıləyni ıme ki çəyədə səyo cəhd bıbu iyən co qıləy həm ım ki deşməni mığubilədə bıbu. əqə kəsi bə dusti ələyh, cihod və səyo cəhd ko, ım cihod ni, bəlkəm fitnə və problem icod kardey bə hisob omeydə.”

 Çən islamədə canq iyən cihod fəğət bə canqi medonon məhdud nibəbe, bəlkəm cihod həmmə jimoni baxşon iyən hissonədə cariye. Yəni har ləzzə və har vırə ki Xıdoro qıləy ko əncom bıbu,Xıdo royədə cihod bə hisob omeydə. İslami inğilobi yolə Rəhbər həminə barədə hamiyəşe: “ har koədə əqə Xıdo niyyət və hədəf bıbu, Xıdo royədə cihod bə hisob omeydə. Vaxti inson, bo həxi kəlimə iyən islami səbarz kardey, bə İroni mısılmon, muminə millət iyən islami umməti izzət doeyro səyo cəhd karde holədə bıbu, ım Xıdo royədə cihod bə hisob omeydə. Həminə zəmone ki ım səyo cəhdədə, Xıdo royədə cihodi əzəmət, məğom və bərəkəton vindey bəbe.”

Ə Həzrət bə həminə fik iyən nəzə əsos, bə ko kardə kəson tovsiyə kardedə ki “ əlovə bə ım ki ko, qıləy ibodət, məsuliyət iyən mokafat bə hisob omeydə, bo bə ilahi dərqoh nez beyro, 2 qıləy co nəzə həm mıvcude, qıləyni çı milləti mənafe və co qıləy həm ım ki millət bə xarıcion ehtiyocışon məbu. Çən Xıdo rizoyəti cəlb kənən və aqah bıbənən ki şımə ım ko və ım hərəkət, de ım niyyət və hədəfi, şıməni bə Xıdo səmti nez kardedə.

İroni Yolə Rəhbər həmçınin iğtisodi səyo cəhdon bovə nıkardə kəson barədə, hamiyəşe: “co qılə inhirof ıme ki inson, bəştə şəxsiyə jimonədə, modi ehtiyocon və mohibəton bovə iyən etımo nıko, ım həm islomədə votə bıə ni, tələb bıə ni, bəlkəm çəy əks tələb bıə. jəqo ki Həzrəte Əli(ə) hamiyəşe: əqə bə dınyo xoto, axırəti tərk bıkon, ım imtivonədə məğlub bəben iyən əqə bə axırəti xoto, dınyo tərk bıbu, ım imtıvonədə məğlub bəben.

Əzizə duston, ımrujnə həşi məhzərədə nomo bıə bərnomə vaxt bə oxo rəsə, vəoməy rujonədə ım bərnomə mətləbon idomə bə şımə xıdmət təğdim bəkamon, tojədən ım əzizə manqədə şıməro xəy, səadət iyən məğfirəti urzu kardəm.