İroni səyahət-132

Xosə Tolışon səlom, şımə ruj bə xəyr bıbu. əzizə duston de “İroni səyahət” nom bıə bərnomə şımə xıdmətəmon, ım bərnomə həm çı dəvardə bərnoməon idomədə bə Ğərbi Azərbaycani mərkəz yəni Urumiyə şəhri ixtisos doəmone. Dəvət kardəm dəmə bə ico bımandən və bə ımrujnə bərnomə quş bıdənən.

Mehribonon, dəvardə haftədə votımone ki Urumiyə şəhrədə vey muxtəlifə kilsəon həm mıvcude və dınyoədə çəvonku kalion vey erj iyən etıborışone. Votımone ki “nənə məryəmi kilsə” Im kilsəonku qıləyni bə hisob omeydə. Im kilsə Urumiyə vey torixi iyən turistikə vırəonku heste. Arxeoloqon etığadışon heste ki ım bina dınyo vey kanə kilsəonku bə hisob omeydə. İyən Beyt-ləhmi kilsə bəpeşt, 2 minnə torixiyə kilsə bə hisob omeydə.

Co kəson bovəşone ki “nənə Məryəmi kilsə” əvvəl otəşkədə be və vaxti Zərtoştiyon bə Məsihiyət səmti şin ım vırə bə kilsə əvəz bıə. iyən Məşreğ zəminədə bənə iminnə kilsə dutə bıə. çəy memori bə Aşurban iyən sasaniyon memori metod iyən şivə şəbih heste. Çəy daxıl bə co kilsəon şəbih ni, de kırtə kum və morpiçə roy dutə bıə və bo məsihiyon vey erjinə vırə bə hisob omeydə. Bə ım kilsə xarıc və varid bey vırədə qıləy tablo noə bəy ki çəyədə nıvıştəşone” ıştı məşoon lenqiku xarıc bıkə, ım vırə vey muğəddəse”.

Kilsə daxılədə muğəddəsə şəxsonku ğaboni heste. Həmçınin dəvardə zəmonədə kilsə soədə vey məsihion dəkandə bıdə bin.  “Mart Məryəm” ya “Şərğ Aşur” Im mığəddəsə vırə co qılə nomonin.

Əmmo əzizon, Urumiyə şəhri ğəşənqə əsəronku qıləyni, “hidoyət məktəbxonə”y. İyən dəvardə zəmononədə Urumiyə şəhri dəbdəbəninə kəonku qıləyni bə hisob omeydə. De diğğət bə ım binaon kətibəon xərob bey, çəvon dutey səhihə torix iyən memori nom oşko ni əmmo çəy dutey zəmonədə, bə Ğacari Xanon məxsuse. De diğğət bə çəy memari şikil iyən məteriyali, Miladi 1924 ya Şəmsi 1303 minnə sorədə çəy dutey bino be, və çəy kanəti bə Ğacari dıvrə oxon məxsuse. Əvvəliku Hidoyət məktəbxonə istifodə jimoni vırə be əmmo Miladi 1968 ya Şəmsi 1347 minnə sorədə, de tojə soybi vositə bə məktəbxonə əvəz bıə. Hidoyət məktəbxonə bə İroni kanə iyən məhəlliyə memori əsos, vey ğəşənqə daxıli iyən xarıci memori soybe.

Bə ım məktəbxonə əsliyə bina varid beyədə, 2 tərəfədə de hiloliyə şikili bıə qımbəzi vositə, və simetrik forama bə əsliyə salon rabt bəbe. Məktəbxonə bina baxşon, 8 qılə sakin bıə baxş iyən vahidi şomile ki nəzmin surət so cənubi baxşədə, 3 qılə otağ rost bıə Ərəsi pencə iyən daxıliyə so şimoli baxşədə, qıləy əyvone ki çəy dıroziədə 2 qılə co otağ koridoronədə 2 tərəfədə de simetrik forma dutə bıə. ım bina mərkəzədə vey yolə şahneşi vindedəmon ki bə daxıliyə so rost bey surət dutə bıə. ım məktəbxonə cənubiyə baxş, məktəbxonə vey erjin iyən muhimmə baxşonku qıləyni bə hisob omeydə ki şimol səmti iyən daxıli və xarıci soon miyonədə ğəror qətəşe.

Məktəbxonə soon, 4 kınc surəte və çəy divoon sığ iyən kərpuconku soxtə bəy. Im məktəbxonə əyvonon de firuzə kərpucon dərostə bıə. Şəmsi 1375 minnə sori Dey manqi 15 minnə rujədə, İroni milli əsəron siyohədə, Hidoyət məktəbxonə, de 1831 nomrə ğeyd bıə.

Səmimi həmzıvonon, Urumiyə şəhr bə iğlim iyən muxtəlifə ekosistemon xoto, vey təbii cozibəon soybe, ki har qlə çəvoku de çəşəçiyə ğəşənqion vositə, turizmon cəzb kardedə və bo əvon muxtəlif ləzzətinə  ləzzəon icod kardedə.

Urumiyə şəhri ım məntəğəonku qıləyni “Şeyx təpə vişə park”e  ki bə Şəhri bum məşhure. Çəy hevujəti, 44 hiktore və Urumiyə cənub şərğədə iyən Şeyx təpə kanə təbə nezədə ki bə maadon dvrə məxsuse, ğəror qətəşe və Urumiyə şəhriku vey ğəşənqə şikil nışo doydə.

Urumiyə şəhri kənoədə, havzə təbiət, iyən bə yolkə və co doon vıcudi xoto, ləzəoon sə bey iyən dəvaroneyro, bə xoşə ov-həvo əvəz bıə.

Əlovə bə vindemoni təbiət, Urumiyə ım parki vey ğəşənqə şikil, səyohətəkəyonro vey xoşə ləzəoon iyən ğəşənqə vindemon icod kardə.

Əzizə duston ımrujnə bərnomə ki bə Urumiyə ğəşənqə şəhri torixi və turizmiyə cozibəon barədə be, bə oxo rəsə, inşallah vəoməy haftədə ijən ım şəhri barədə sıhbət bəkamon. Bə ım bərnomə quş doe xoto şıməku təşəkkur kardəm.