Şiiə yolə alimon

Mirzaye Şirozi çı qırd Şiyə dınyo mərcəye-təğlid be ki,ziyodə mol-əmvolon çı şəri vucuhati ğolibədə çı İslomi dınyo şərğ iyən ğərbiku bəçəy dasti rıəseydəbe.Əv de veyə dığğəti ıştə səyon cəm kardedəbe ki,ım mol-əmvol ki,çı mısılmınon beytul-maliku bə hisob omeydəbe,tıbğe islomi hukmon və əmron bo islomə dini muhafizə iyən ozavziye iyən bo mısılmonə milləti məyişətiro sərf kardey bıbu.çəy har qıləy şəhr iyən məntəğədə qıləy məxsusə vəkilış hestebe ki,deçəvon roy vositə bo mıxtəlifə məntəğə alimon deçəvon tərıği vucuhot vığandedəbe və əvon de muflisəti dimbədim omə tuccor iyən kəsəbəon ya əkəson ki,bə har qıləy illət və səbəbi xoto bə moliyyə muşkiloton dıço bıəbin,bəvon noməlumə formədə moliyyə koməkon kardedəbe. Ə fərdon ki,ım koməkon ğəbul kardedəbin çı Mirzaye Şirozi bə rəhmər şıey bəpeştə dərəseydəbin ki,kom kəs həmişə çəvon fikədə bıə və bəvon komək kardəşe.

Hicri-Ğəməri 1288-ə sori İrağ iyən İroni kişvəronədə qıləy dıjdə ğəhəti iyən hışkəsorəti bə əməl ome.İroni millət bın soronədə ziyodə saxti iyən kaxtiyonışon kəşe.əmmo bə Mirzaye Şirozi co kardə budcə iyən moliyyə koməkon be ki,İraği millət çın ğəhətiku kamə ziyonon bəvon qıniye.çın macəra bəpeştə çı Mirza bo muşkiloton bərtərəf kardero bıə koəzınəti iyən səlohiyyət bo umum milləti ziyodə oşko və məlum be və əmmo çı Nəcəfi şəhri əyon iyən yolon çı Mirzaye Şirozi iştimoyi dıjdə məğamiku tarsışon hestebe,bə ğərol omin ki,de har qıləy vəsilə çəy çın məğbuliyyət iyən əzəmətiku bəkamkon.əvon de Mirza de muşkiloton bərtərəf kardey koyədə həmkoəti kardey əvəzi,millət bo har qıləy hırd və qədə məsələro çəyu palu vığandedəbin.əvon koşon bə vırə rosneşone ki,sodə camaat çı Mirzaku har qıləy qədə məsələ həll kardey intizorışon hestebe və çəyku çəş kardedəbin.de ın tərtibi be ki,ko Mirza vey saxt be və çun zıneydəbe ki,çı şəhri yolon bın koyədə qıləy nıçiyə dastışon heste,əbve çəy co çorəş nımande illa ki,Nəcəfi şəhriku xaric bıbu və Mirza Hicri-Ğəməri 1291-ə sori Nəcəfı-Əşrəfi şəhrış tərk karde......

Mirzaye Şirozi Nəcəfı-Əşrəfi tərk kardey bəpeştə Rəcəbə mani sıftənə ruji de ziyorəti ğəsdi  bə Kərbəlo şəhri daxil be və həmonə sori Nimeye-Şəbani ruji bə Samirra şəhri səmt hərəkətış karde və nəhoyətədə bə ğərol ome ki,hejo həmonə şəhrədə bımando.de Mirzaye Şirozi çı  Nəcəfı-Əşrəfi şəhriku bə Samirra şəhri hicrət kardey,de çın şəhri ziyodə alim iyən tələbəon dimbədim ome və əməli surətədə çı Şiyəon dini hovzəye-elmiyyə mərkəz bə Samirra şəhri intiğol doey və ovoştıney be.Mirzaye Şirozi bo Samirra şəhri tələbəonro qıləy mədərəsəş soxteşe ki,ısət həm həmonə mədrəsə de Mirza nomi zıney beydə.Şiyə ın yolə alim bənə Şiyə məzhəbi təlbə və alimon,bə sınni məzhəbi tələbə və alimon həm mustəmirri ya şəhriyyə pərdaxt kardedəbin,doydəbin və dayima çı mısılmonə umməti məzhəbon miyono vəhdəti çı İslomi camiyə izzət və səbarzəti amil hisob kardedəbe.