istehsoli rovnəğ,inkişofi mehvər

İroni nisbi məziyyətonku coqıləyni  şərğ-ğərbi koridorədə əmtəə tranziti bəhse.kanə avşımi roy və de həmonə “iqlə kəmərbənd-iqlə roy” de fırsəton iyən zərfiyyəton pur bıə qıləy roye və İron bın məsiri iyən marşurutədə qıləy stratejikə ço ro bə hisob omeydə.milodi 2014-ə sori Çin Xəlğ Respublikə prezdent Şi Cin Pinq “Avşımi roy ixtisodi kəmərbənd” soxtey təklif və “visti iminəö əsrədə dıyo avşımi roy soxtey həxədə bəhsonış karde.çə torıxiku jəqoşə ım plan de “iqlə kəmərbənd-iqlə roy” unvoni dınyoədə zıney be.İroni jeopolitikə mevğıyyət ım kişfərış bə qıləy əsosin iyən muhimmə kişfəri bə Avropə çı nuyə avşımi caddə və roy marşuruti təbdilkon.dəvardə soronədə Avşımi roy çı Çiniku bino beydə və de Miyonə Asiyə İron,İrağ iyən tırkiyəku dəvardey,nəhoyətən de Miyonə dıyo vositə bə Roma və avropə mıttəsil beydə,dəçıkıydə.

İron qıləy ço fəslış bıə məmləkəte və ım çı İroni coğrafi mevğıyyəti sayədə bıə nisbi məziyyətonku coqıləyni bə hisob omeydə ki,bo çın sərzəmini milləti xəy-bərəkətış bə ərməğon vardəşe.İroni iğlim iyən ov-həvo tənəvvu iyən çandə nevəti bın kişvrədə məhsulon bə əməl omey qıləy coqlə mığoyisəninə barzəti və məziyyət bə hisob omeydə.İroni di təsərrufot  bə kaş-dev,boğəvonəti,moləvonəti,vişəvonəti iyən moyəvonəti şomil beydə.dınyoədə məlum bıə 13 qılə iğlimiku 9 qıləyni ironədə bıə mevcudiyyət,bın kişvərədə sori dırozi 300 ruj həşiyə ruji bıey və çəy sardə məkonon de qamə vıron miyono 40-ku de tosə 50 dərəcə tempraturə fərğ doey,bo İroni hevujə məmləkəti qıləy unikal iyən xoşə şərayitış icod kardə….

Ironədə sərzəminədə 8 həzosə veyə beməyon məlum kardey bıə ki,təğribən çəy se həzoku məxsusə damonon hozzı kardey beydə.tıbğe İroni kişfəri Beməyonku hozzı kardə bıə Damonon mıəssiə rəyisi sıxanon çın rəğmonku təğribən 1700 tosə 2000 ədədi istehsol və hosil beydə və co nevon avtomatik surətədə təbyətədə pəydu kardey beydə.damoninə beməyon aqrar-sənaye sektorədə çı İroni mığoyisəninə məziyyətonkuye.ısət həm kişfərədə de iğlimi şərayiti iyən rəsəyon çandə nevəti bə ico,İroni beməyon sahə bəsə Avropə beməyon sahəsə 4 kərəsə həm veye.İron bo damoni beməyon kaştey iyən perosniyero dınyo həmməysə mınosibə kişfər bə hisob omeydə….