istehsoli rovnəğ,inkişofi mehvər-49

Zəfəroni bənə saxtə conış bıə beməyon unvoni zıney beydə ki,ğadire bə şiddətinə  qam iyən sardə iğliyimi şərayiti tov biyo.əy həmmə vıronədə kaştey beydə.əmmo bo ın erjinə rəsəyro həmməysə mınosib iyən çokə ov-həvo iyən iğlimi şərayitış bıə məntəğəon subtropik zonəone.qıləy məntəğon ki,əyo tovoston qam iyənhışk və zımıston həm mıloyime.ironi kaştvonon 100 həzo hektarisə veyə zəminon bo zəfəron kaştero nəzədə qətey beydə.ironi bənə Zəncon,Kermanşah,Həmədon,Ardəvil,lorestan və sayirə əksər ostanonədə zəfəroni kaştey bə əməl omeydə.əmmo kişvəri istehsol kardə zəfəroni 85-90 fayiz seqlə şimoli,Rəzəvi iyən cənubi Xorasanonədə perosniye beydə….

Zəfəroni kaştey təğribən  hışkə formədəy.çı zəfəroni piyoz ya bınə qəd-qədə zəmini jiyku ruşd kardedə, ozavziyedə və ziyod beydə.bo omə haft ya da sori mıddəti kaştero ha sor fəğət se kərə bo ovdoşteyro ehtiyociş heste.zizə bekardey ki,I manq dəkəşeydə yəni Abanə manqi niməku de tosə azərə mani nimə. har ruj sıbi zəmonədə tojə vılon doydə.zəfəroni kul və butə bənə darzəni livəonış heste və ım boyis beydə ki,zəfəroni məhsuli peqətey de saxtə formə iyən zəhməti əncom doey beydə.bəpe həmmə zəfəroni məhsuli peqətey  de dasti bə vırə rosney bıbu….

Deməkə ki,bo ın erjinə məhsuli peqəteyro saxtiyon və zəhməton ziyode,əmmo eyni holədə barzə səviyyədə ko və məşğələ vıron icod kardedə və bo daxili iyən xarici  vıjoron qıləy mınosibə bəromə və mənfəətış heste ki,ım erjinə rəsəy perosneyış sərfəninış kardə.dınyo səviyyədə məsrəf bıə zəfəroni ziyodə baxş İronədə istehsol beydə.

Bə ziyodə damon iyən xorəki məsrəfi dəlili xoto, ISƏT ZƏFƏRONİ MƏHSUL ÇI DINYO veyə MİLləti dığğətış bəştə cəlb kardə.zəfəroni dəmnuş və çay əsosən antidepressiya və əhvol-ruhiyyə çok kardedə.ımruj Avropə kali damoni şirkəton əy bənə depressiyə zidd bıə damoni unvoni oko doydən.zəfəron bə həzm sistemi iyən ləvə-ruyə aparati komək kardedə.həmçinin idror vardedə və bo çumuni kisə iyən vekon şıştero xeyli foydənine.xorəki həzmədə rohətəti,çı mədə nəfx iyən vo bərtərəf kardey,xuni qardışi hostonəti iyən xun icod kardey çı zəfəroni coqlə foydəonkuye.ım ğeymətinə maddə anti-okisadan iyən anti-vəhmə  xosyətış həm heste…..

Həşi 1397-ə sori İronədə zəfəroni hosilot 400 tonisə həm vey be ki,çəu umdə baxş və hissə sadir iyən ixracat be.