Şiiə yolə alimon

Nəcəfı-Əşrəfi elmiyyə hovzəonədə çı Şeyx Murtəzo Ənsari şoqirdon həmmə çı Muhəmməd Həsənisə vey yol bin.joqo ki,əv bəştə cıvonəti dəlili xoto həyo kardedəbe və çı pardə peştono nışteydəbe və bəştə ustodi sıxanon quş doydəbe.iruj Muhəmməd Həsəni qıləy sıvoliku bəhsış karde..Şeyx Murtəzo Ənsari çı Aştiyani cıvonə mıtəfəkkirə tələbə sıvoliku bə vəjd ome və dərəse ki,ın tələbə çanədə bə elm iyən təfəkkuri təsəllute və çəy elmi dərəvcəku aqah be.çəy bədiqə Şeyx Murtəzo Ənsari bə Mirza qıləy xısusi dığğətış nışon doe.Mirza bənə çı Şeyx Murtəzo Ənsari xısusi tələbə unvoni bəçəy kə şıey-omey kardedəbee və Şeyx Murtəzo Ənsari bəm ıştə şoqirdon boştə işkali və elmi bəhson dərəseyro çəy palu vığandedəbe.Muhəmməd Həsən bəştə reçinə bəyon iyən yaddaşton xoto çı Şeyx Murtəzo Ənsari dərsonədə de şeyxi lisani və zıvoni nomi məşhur be…

Hicri-Ğəməri 1281-ə sori çı Şeyx Murtəzo Ənsari rehləti bəpeştə Mirzayi Aştiyani və şeyx Ənsari coqlə şoqirdon de iyande məşvərətışon karde və Mirzayi Şiroziışon bənə şiyə dınyo mərcəyi-təğlidi unvoni vıjniyə be.çın macəra bədiqə be ki,Mirzayi Aştiyani bə ğərol ome ki,bə bə İron oqardo və ım dəğiğən həmonə zəmon be ki,çı Qacariyyə silsilə çominə podşo bıə Nasirəddin şah bə ğərıbıjon ziyodə imtiyozonış doəbe və zıneydəbe ki,çı milləti ibemon iyən aqahəti boəy muşkil bəbe.şah çı uləma iştimoyi zu iyən ğudrətiku niqəron be.çıro ki,zıneydəbe alimon çı milləti ibemoni əsliyə amil və mehvəre.bə şahi meyli əks Mirzayi Aştiyani ki,ısət qıləy məşhurə mıştəhid be və çı uləma iyən camaati miyono qıləy məxsusə ehtıromış hestebe.əve şiyə ın yolə alim de ziyodə milləti əzəmətinə istiğbol iyən bəçəy və beşey,bə Tehron daxil be.əv tehronədə elmiyyə hovzəş bə ro dəğande və ıştən həm əyo de fiğhi maarifi tədrisi koy məşğul be.har ruj millə bə ın yolə alimi səmt dim qəteydəbin bin və çın yolə alimi simo,fəzl iyən kəmolaton bo uləma iyən bo milləti vey ruşin beydəbe.əv fiğhi bəhsi dərsonədə dəğiğə mətləbon oj kardeysə əlovə, həmçinin qıləy cəzzob iyən reçinə bəyonış həm heste və bə həmonə dəlili xoto elmi iyən dini bəhson bə muxotəbon  intiğal iyən ovoştıneyədə qıləy mislış nıbə alim be….

Mirzayi Aştiyani barzə xısusiyyətonku qıləyni həm bə mısılmınon iştimoyi məsələon qıləy xısusi dığğət kardey be.ə həzrət bo camiyə vəzyəti isloh kardey iyən bə camaati muşkiloton rəsey,çı dini alimi vəzifə hisob kardedəbe və bın royədə ıştə con,mol iyən abruku həm dəvardedəbe.çı Mirzayi Aştiyani ım həssosiyyət iyən ıştə vəzifə zıney səbəb be ki,Hicri-Ğəməri 1306-ə sori tehronədə əv tənbaku təhrim iyən sanksiyə inğılobış bino karde.qıləy zəmon ki,Nasirəddin şah İronədə çı duxaniyyət iyən tənbaku hırye iyən həvatey imtiyoz və inhisorış bə qıləy ingilisə şirkəti ehdəş noe,Mirzayi Məhəmməd Həsən Aştiyani de nomə iyən vindemonon çı alimon iyən milləti de Nasirəddin şah ıştə mıxolifətışon elon karde.əmmo şah bımon hiç qıləy dığğətış nıkarde.əv hətto tənbaku təhrimi hukmış həm elonış karde.əmmo çun ki,ın hukm bo sayir mərace iyən boçəvon mığəllidon şəri cəhəto vocib nıbe,ım hərəkət həm şah iyən çəy ətrofış çəy bekardə ğəroliku oqətış nızıne.