Ixrisodi revnəğ

Ironi zəminonku 360 həzo hektarisə veyə ərazi pustə plantasiyə iyən əraziyone.İronədə pustə məhsuli həmməysə vey istehsol bıə məkon Kermoni ostanədə bə dast omeydə.əmmo bənə Yəzd,Rəzəvi iyən Cənubi Xorasan,Semnan,Ğəzvin,Fars,Ğom,Tehron,İlam,Kermanşah,Kırdıston, Həmədon,Şərği iyən Ğərbi Azərbaycon,Loreston,Zəncon iyən Ardəvili coqlə ostanon həm pustə hosilot iyən istehsolədə fəol iyən aktivə ostabnon bə hisob omeydə….

Ironi pustə de rəğibə kişfəron mığoyisədə qıləy mığoyisəvi barzətiş heste ki,ım çəy keyfiyyət iyən çandə nevətiyədəy.İroni 70 rəğəm iyən sortisə veyə moə pustə genotip və ziyodə rəğəmədə niyə  genotipış heste və dınyoədə pustə Germplazma(irsi ehtiyaton) HƏMMƏYSƏ muhimmə mənbəonku bə hisob omeydə.İroni pustə formə ranq,zohir.əndozə və həmçinin çəy mazqi profili cəhəto ziyodə nevonış heste. Ironi pustə komilə formədə unikale və mislış ni iyən vey xoşməzzə və ləzzətine.Ironi pustə həmməysə vey çok və məşhurə nev çımonku iborətin:Kəllə ğoçi,Əkbəri,Əla nev, Zərəndi badam,Noği sipiyə pustə,Əhməd Ağayi,Ovhədi,Damğani xəncər,Damğani şahpəsənd iyən Ğəzvini pustəonin…..

Pustə perosney xorəki cəhəto barzəti kali cəhəto bənə ikra,meyqu ya krivet və sı iyən sipiyə qujdi bıə zumandə xorəkonku bə isbot rəsə.pustə mazqiku 100 qramiku hosil bıə enerji mığdor təğribən 626 kilo kaloriye.pustə de mıs,maqnezium və çandə nev B vitamin qrupon mevcude ki,çı insoni immuniteti zumand kardedə.pustə məsrəf kardey bə sıə xuni huceyrəon komək kardedə və çı kaliumi həmməysə çokə mənbəonku qıləyniye.pustə məsrəf kardey ki,de E vitamini pure və ım həm bo pusti çokə foydonış heste.peste çə mazqonku qıləyniye ki,ıştədə həmməysə ziyodə xorəki lif ya fibrəş heste ki,ım həm bə mədə-ləvəruyə aparati çok bıey ,kolostroli mığdori kam bıey iyən xuni ğəndi çokəti komək kardedə. həmçinin pustə çı xuni kaməti vəy qəteyro bıə xuni osoni mənbəy və çəy ruyən de zumandə veyə mənbə pure və de K,A,D iyən E vitaminon pure və çəyku kosmetika iyən ənənəvi tibb sənayədə istifodə kardey beydə. …

Imrujnə zəmonədə dınyo səviyyədə pustə sənaye çandə milyard dollarə bəromə və mənfəətış bıə qıləy ticorət və kommersiyəş heste.pustə sadirat iyən ixarcatiku bə dast omə bəromə iyən mənfəət ziyodə soronədə çı kişvəri valyutə vardə dəromədi muhimmə rəğəmonku təşkil doydə və çı devləti umumi budcə çı nati bəroməonku bə şıkrə mandey koy bəkam kardeyədə qıləy dığğət kardəninə rolış heste. pustə ixtisodi erj iyən ğıymət bənə İroni aqrar sənaye sektorədə bıə qıləy stratejikə məhsuli I milyard nimiku de tosə 2 milyard erji rəseydə.Diyəroə Şərğ məxsusən Çin və Avropə ,şimoli hamsuyəon və min cumlə kali ğərbi məmləkəton çı İroni ım eksport bıə məhsuli tələb kardə kişfəronin……