istehsoli rovnəğ,inkişofi mehvər

Ironi kişvəri coqlə aqrar sənaye məhsulonku qıləyni ki,çəy istehsol iyən kaştey de qıləy mığyisəvi məziyyəti bə icoye,xımo məhsule.İron de de 240 həzo hektar səviyyədə xımo istehsol iyən kaştey ha sor I milyon tonisə ziyodə xımo bənə dınyoədə dıminə ın məhsuli istehsoləkə kişvəri umnvoni zıney beydə. xımo do çı İroni məmləkəti 15 qılə ostanonədə kaştey beydə.Kermon,Hormozqan,Xusizton,Buşehr,Fars iyən Sisatano-Bəluciston çı kişvəri xımo istehsoli təğribən 98 fayizi bəştə məxsus kardə və ironədə xımo istehsoli əsliyə məntəğonku bə hisob omeydən.Şokoladə xımo piarom çı İroni xımo həmməysə boho ğeymətinə xımo məhsule ki,həm daxilədə və həmən beynəl-xalğ ərsədə ziyodə tərəfdoronış heste.ironi xımo çı zəfəron,pustə,ikra iyən çı ironi xolçə kəno dınyoədə vey məşhurə məhsulonku qıləyniye.bə dınyop vıjori təhlil iyən analizon əsos,xımo istehsol dınyo ğeyməti səviyyə tosə 5,31 senti har I kilo xımo istehsoliro qıləy  nisbi iyən mığoyisəvi imtiyozış heste və boçımi əsos bə İroni ticori xımoon sorton erji nəzə kardeyədə nışon doydə ki,dəvardə 1397-ə həşi sori çəvon mığoyisəvi erj iyən ğeymət çımisə həm ziyodə ğeymətış heste…..

İronədə 70 nev iyən sortisə veyə xımo istehsol beydə.çın xımnoon umdə tafuton çəvon ğəndi nevədə və həmçinin çəy ovi de mvcud bıə rutubəti bıə mığdore.mextəlif nev bıə xımoonədə mevcud bıə ğəndi kulliyə mığdor tafutin bıə.əmmo çəvon mıxtəlifəti ziyod ni və çand fayizi hədədəy. Mozafi, Həlili, Klutə, Piyarom,Al Mehtəri,Merdasinq,Kəbkab,Zahedi,Hac bağiri,Rəbi,Xəzravi,Bərhi,İstemiran və Şahati xımo nevon çı ironi xımoon nev və sortonku bə hisob omeydən.kişvəri istehsol kardə xımo təğribən 10 fayiz bo daxili məsrəfiroye və 90 fayiz bo sadirat iyən ixracatiro məsrəf beydə ki,ım mevzu çın məhsuli qıləy əhəmiyyət kəsb kardey nışon doydə.ironi xımo bə dınyo 78 qılə kişvəri ixracat beydə və Hındıston de 11 milyon dollarə xımo hıriye çı ironi ın məhsulıi hıriyə həmməysə dıjdə mıştəri bə hisob omeydə.Avstriyə, Almaniyə,indoneziyə,inqiliston,Ukraynə,Belarus,Amerkə,italyə,Tırkiyə,Koreya,Çin,Danimarka,yaponiyə,Çİli İrağ iyən Fransə min cumlə çı İroni xımoon hıriyə kişvəronku hisob beydən…..

İkrə dınyo xorəkon miyono həmməysə veyə enerji,həmməysə vey ləzzətin iyən həmməysə vey boho ğeymətinə xorəkonku qıləyniye.İroni şimolədə bıə Kaspi dıyo çı ikrəş bıə moyon həmməysə dıjdə təbiyi jimoni vırə bə hisob omeydə.dınyo vıjoronədə bıə ikrə təğribən 90 fayiz çı Kaspi dıyoku istexroc beydə. İroni ikrə bə ikrəş bıə moyon çı çırkiyə ovonku və mənbəonku bə diyəro bıey dəlili xoto,həmməysə keyfiyyətinə ikrə bə hisob omeydə….