İstehsoli revnəğ,İsxtisodi mehvər

Bə Əfğanıstoni idxal bıə qırd məhsulon 36 fayiz çı İroniku idxal beydə.dıqlə kişfəri ixtisodi fəolon həmkoəti prioriteton bə qıləy hevujə sahə şomil beydə ki,əvon çımonku iborəte:sıvıkə sənaye,xorəki sənaye,inşaat məhsulon,damoni sənaye,tətbiqi sənayelər və məşğələ icodəkə sənaye,bə texnoloji barzəti malik bıə sənayeon texniki iyən muhəndisəti xıdməton nışon doey,di təsərrufati transformasiyə sənayeon,moləvonəti sənaye,xolçə iminə maddəon təmin kardey,plastik,şişə,sement,sanitariya məmulaton soxtemon,tibbi və məzhəbi turizm….

Yusif Səid ki,qıləy əfğanıjə şəhrvande,deştə xıyzoni bə ico İroni Kabulədə bıə nımoyişqoyədə iştirok kardedə,jıqo hisob kardedə ki,çı ironıjon bəştə ıştəni təmin kardey səviyyə rəseyku vey şomon,boçi ki, bəmə de təcrubi roy nışonış doə və isbotış kardə ki,ehanə əmə de iyande mıttəfiğ bıbəmon,hiç qıləy dıjdə ğudrət bəçəmə ruşd iyən ozavziye mane bıey əzıni.əy əlovəş karde:çı Əfğanıstoni millət bə İroni məhsul iyən molon ziyodə təmayulonışon heste.əmmo İroni məhsulon reklam iyən təbliğot vey zəyifə səviyyədəy və kamə odəmon Əfğanıstonədə bıə çı İroni məhsulon barzə keyfiyyətiku xəbədon.....

Muhəmməd Rızayi ki,qıləy xorəki sənaye şirkəti sər direktore,Əfğanıstonədə çı İroni məxsusə nımoyişqoədə iştirokəkə kəsonku qıləyniye,votedə:”Əfğanıstonədə bənə dınyo həmmə vıjoron çokə fırsət iyən təhdidonış heste.de ın tafuti ki,bın kişfərədə çı milləti bə İroni məhsulon ziyodə həvəs və meylışon heste ki,ımi vəsf kardey mumkin ni və çı Əfğanıstoni milləti əksəriyyət de rohətə formə çı İroni məhsulon piyo farsi nıvıştə bıə çiyon handey zıneydən”. çı Əfğanıstoni milləti iyən tuccoron bın kişfərədə bıə İroni məhsulon nımoyişqo bə xoş omey iyən ğəbul kardey təcrubə,bın kişfərədə çı ironıjə sərmoyə noəkəson de istehsoləkə miyono bo ziyodə iştirokiro qıləy zumandə motivış icod kardə.