İstehsoli revnəğ,inkişofi mehvər

İroni coqlə hamsuyəonku qıləyni İraği dıjdə kişfəre.holı-hozıədə İraği vıjorədə çı İroni behisobə zərfiyyət iyən potensiyalonış mevcude.İroniku bə İraği ixracat kardə məhsulon nevon çı məsrəf iyən istehlak materiyalonku qətə tosə qıləy sərmoyə noey bıə hevujə sahəon şomil beydə.inşaat,xorəkon,şıştemoni məhsulon,səhiyyəvi məhsulon,tankardemon,avtomobili sahə,kə və məyişət ləvazimoton,həmçinin texniki iyən muhəndisəti fənnon umdə məhsulonin ki,bə İraği vıjori ixracat beydə.dıqlə kişfəri miyono ixtisodi mıbodiləon xısusədə bə səyohət iyən turzim sektori işorə kardey bəbe.İron hasor se milyon nəfər insoni bə İraği səmt ezom kardedə,vığandedə ki,ım mevzu bə çın kişfəri turizm baxşi zumandəti boyis beydə və ın sahə bənə xıdməti ixracati bo İraği valyuta vardə baxşonkuye.

De İronıjə sərmoyə noəkəson iyən sənətkoon koməki,İrağədə mıştərəkə sənaye şəhron icod kardey bənə pulo iyən mıxtəlifə inşaat məhsulon sənaye məhsulon istehsoli zərfiyyət de məntəğə kişfəron ehtiyoci bərpo kardey iyən bo İraği kişfəri daxili iyən ixracati siyosətış heste.həmçinin İron iyən İraği ixtisodi mubadiləon zəminədə bə dıqlə kişfəri əmloki baxşədə sərmoyə noey işorə kardey bəbe.irağıjon ironi mılk iyən əmloki baxşədə hevujə fəoliyyətonışon noə.İronıjon həm de bə çın kişfəri əmloki baxşi daxil bıey və de çəvon kali qədə şəhronədə ,stadiyononədə iyən çı İraği ticori mərkəzonədə sərmoyə noey fəoliyyət nışon doydən….

Ironi ixtisodi fəolon çok-çoki zıneydən ki,bo məmləkəton miyono ixtisodi iyən ticori stabilətiro,bəpe çı dı tərəfinə rabitəon bərpo kardey bıbu.İraği kişfəri xısusədə çokə mexanizmonku qıləyni çı əmtəə iyən məhsulon tranzite.bə İroni de İraği mıştərəkə Ticori Palatə rəyis Yəhya Ali İshağ votey əsos,İraği kişfər harçənd boştə ehtiyoc bıə çiyon təmin kardey zıneydənin,əmmo çın kişfəri ehtiyoc bıə 6 milyard dollar erjış bıə məmtəə de tarnziti roy vositə təmin kardey beydə.