İsxtisodi revnəğ,inkişofi mehvər

Dəvardə bərnoməonədə zikr bıə kişvəron ixtisodi indekson təhğığ kardeyədə çəvon cəmyəti,umum daxili istehsol.hasornə bəromə iyən sosyal indekson cəhəto bıə mınosibə mevğıyyəti bəyon kardedə ki,ım həm məntəğə kişvəron miyono qıləy çokə ixtisodi təamulon şoyə xəbə doydə.Miyonə Asiyə kişvəron bə Şurəvi ya Səvet İttifoği zəmoniku mandə sənaye vəzyəti xoto qıləy tafutinə ixtisodi şərayitış heste.Tırkməniston iyən Ğəzaxıston bə coqlə kişvəron nisbətədə bəştə nat iyən ğazi ehtiyoton və mənbəon xoto qıləy çokə mevğıyyəti soyb bıə kişvəronin.Usbəkiston həm de mıəyyən ğədərədə bıə  ğazi mənbəon və həmçinin telı iyən urani resurson ixtiyorədə bıey,bəy qıləy məxsusə cozibəş baxş kardə.Ğırğızııston iyən Tocikston həm umdətən bə kaştemoni sahə iyən aqrar sənaye əsos qıləy ixtisodış heste......

Miyonə Asiyə kişvəron əsliyə məsələonku qıləyni çın kişvəron ıştə ehtiyocişon bıə məhsulon de idxal iyən ixracaati məğsədi bə ozodə ovon dast nırəseye.istilohən və termonoloji cəhəto bə ın kişvəron “bə dıyo beşemonış nıbə və de hışki məhsur”(Land lock) kişvəron votedən.İron çı mıxtəlifə Miyonə Asiyə kişvəron miyono bo beynəlxalğə ticori  mubodiləonro qıləy ziyodə  proiritet təşkil doydə.İron bəştə unikalə jeopolitikə xısusiyyətonku bəhrə bardey xoto,de Çabahar portiku iyən beynəlxalğə şimol iyən cənubi koridoriku istifodə kardə holədə bo Miyonə Asiyə kişvəron qıləy həmməysə kuto və kırtə marşuruti zəminəş hozzı kardə.Çabahar port bo Miyonə Asiyə kişvəron iyən Ğəzaxıstoni  miyono tranzitə məsir iyən marşurutiro həmməysə vey erjon iyən vey çokə qıləyniye.de beynəlxalğə şimol iyən cənubi koridoriku oko doey çı Miyonə Asiyə kişvəron veyni bə Çabahar porti və çəyo həm de Omani dıyo və de Hindi okeyani roy vositə bə hədəf bıə vojoron qıləy çokə dast pəydu kardey bəzıne.İroni məsir iyən marşuruton komilə surətədə əmniyyətine və çı sori harujədə çəyku bəhrə bardey bəbe.çın marşuruton dırozi bə dınyo şərği məntəğəon əksəriyyəti çı har qıləy roy iyən marşurutonku vey kuto iyən kırte.bın relsi iyə tarnziti imkonatonədə qıləy foydə və etımod mevcude və həmməysə vey muhimıme ki,de İroni tranzitə roy vositə əmtəə iyən məhsulon şıkırney bəsə coqlə məsir iyən marşurutonsə vey erjone......

İronıjə şirkət və kommersanton bənə dəvoodamon iyən tibbi təchizoton,texnoloji sahəon,bə elmi əsos bıə məhsulon ,inşaat mateliyalon,kimyəvi məhsulon,nat-limyə və plastiki məhsulon,avtombili sahə və məxsusən xorəki maddəon bıə mıxtəlifə zəminəonədə de Miyonə Asiyə kişvəron miyono ticori iyən ixtisodi muamiləon əncom doey bəzıne.İroni mıhəndisəti iyən texniki xidməton ticori,jimoni məskəon iyən idori komplekson ejeyədə və həmçinin sədd və stansiyəon soxteyədə.pard soxteyədə,locestik iyən dastəki komplekson ejeyədə və həmçinin nat cokardə zavod iyən komplekson soxteyədə qıləy barzə potensiyal iyən zərfiyyətış heste.bın xısusədə bə İroni Tocikstonədə bıə ovdonəti iyən inşaaat sahədə bıə proje iyən proyekton işorə kardey bəbe…..