İstehsoli revnəğ, Ixrisodi ozavziye

İRONİ DE Tırkiyə ixtisodi rabitəon nevi muhimmə qıləyni ki,stratejikə şikilədə bo Tırkiyə qıləy əhəmiyyətış heste,enerji sahə və sektore.İron İslom Respublikə çı Tırkiyə xomə nati iyən təbiiyi ğazi təminəkə kişfəronku qıləyniye.İron iyən Tırkiyə çı EKO  iyən 8 D reqiyonal həmkoəti təşkiloton uzvonku  qıləyniye. bə 1397-ə Həşi sori statistik məlumoton əsos çı İroni deTırkiyə miyono dı tərəfinə xarici ticorəti həcm 11 milyard dollar be.çın rəğəmiku çı İroni bə tırkiyə nat iyən ğeyri-natə ixracati mığdor,7.5 milyard dollar be. İroni bə tırkiyə ixracat kardə məhsulon oxonə soronədə nati maddəon iyən nat kimya maddəon,bənə zımıstoni,xımo,badam,pustə,viz,şəkəri bıə di təsərrufoti məhsulon,inşaat məhsulon,səhiyyəvi iyən şıştemoni məhsulon,dəbboğ kardə bıə pust,osonə sığ,alminiyum iyən mısi məhsulonku təşkil doydə....

Az.respublikə çı İroni hamsuyə kişfəronkuye ki,Kaspi dıyo şərğədə çı İroni şimol şərğədə ğərolış qətə.İron İslom Respublikə çı Az.respublikə barədə bıə xarici siyosət bə İroni kişfəri Mərkəzi Asiyə iyən Ğəfğazədə bıə siyosəti əsose.qıləy siyosət ki,bə etımod soxtey iyən stabilə sulhi cəhətədə bıə har tərəfinə həmkoəti əsose.İron səy kardedə ki,reqiyonal stabiləti icodko iyən məntəğədə bıə təbiiyi mənbə və resursonku bəpe adilonə formədə bəhrə bardey bıbu.Az.respublikə de tosə milodi 1828-ə sori çı İroni sivil ərazi qıləy hissə be.bə dı əsr çımi bənav bə Tırkmənçay mığovilə əsos Az.respublikə çı İroniku co be və bə çar Rusiyə ehdə noey be.Şurəvi ya Səvet İttifoği volo bıey bəpeştə ım respublikə 1991-ə sori ıştə istiğlol iyən mıstəğilətiş elon  karde.....

Az.respublikə dayima çı İroni ixtisodi iyən siyosi muodiləonədə rujbəruj ziyod bıə qıləy əhəmiyyət mevcud bıə.məxsusən çın respublikə istiğloli bədiqə bo Tehroni de Boku miyono rabitəon  hevuj kardero  vey çok iyən mınosibə zəminəon hozzı bıə.İron İslom Respublikə iyən Az.respublikə kişfəri 700 kilometr qıləy mıştərəkə marzışon heste.çı dıqlə kişfəri miyono torıxi iyən mədəni mıştərəkə çiyon heste ki,ımon bo dıqlə kişfəri miyono ticori irtiboton bərğərol kardero qıləy mınosibə zəminəş icod kardə.joqo ki,çı dıqlə kişfəri ruccor iyən komersanton çı iyande vıjoronədə qıləy fəol iyən aktivə iştirokışon heste. Ostoro,Culfa,Biləsıvo iyən Poldəşt (Sənəm bulağı) çı İroni de Az.respublikə miyono çoqlə marzi quzərqo iyən dəvardəco mevcude ki,çı dıqlə tərəfi miyono əmtəə iyən məhsulon tranziti şemonon bə əməl omeydə.....