Istehsoli revnəğ Ixrisodi mehvər

İron İslom Respublikə şimoli məntəğə hamsuyəonku qıləyni həm Ərmənıstoni kişfəre.milodi 1991-ə sori ıştə istoğloləti bə dast vardey bəpeştə çı Tehroni de İrəvoni miyono siyosi,ixtisodi iyən mədəni əloğəon tədricən de etat-petati bıə və bə aktivə diyaloqi iyən nezə həmkoəti əsos mıxtəlifə sahə və sektoronədə ısət inkişof kardə holədəy.çı dıqlə kişfəri rəsmi şəxson çandə kərə bə ın mevzu təkidışon kardə ki,dı tərəfinə ixtisodi mıbodiləonədə ziyodə zərfiyyət iyən potensiyalonışon heste ki,bəpe çı inkişofi məsir iyən royədə çəyku çokə bəhrə bardey bıbu.milodi 2018-ə sori çı ermənıstoniku bıə 94 milyon dollarə idxalati mığobilədə bə ın kişfəri çı İroniku bə ın se milyon cəmyətış bıə kişfəri bıə ixracati mığdor 270 milyon dollar bıə.

İron iyən Ermənıston çı dı tərəfinə ticori səviyyə hevujəti təğib kardə siyosət ısət çı 320 milyon dollarisə bəpeye ki,ım bənə di təsərrufoti,baytarəti,ğazi mubodilə ziyod kardey,elektrik iyən enerji sahə və zəminəonədə və həmçinin nəğliyyot sahədə barzə qəmon peqətey nəticədə bə dast omeydə.milodi 2019-ə sori yanvarə manqədə pen həzosə ziyodə firma və şirkəton de İroni sərmoyə ki,çəvon əksər soybkoronin,Ərmənıstonədə ıştə nomışon ğeyd kardə və lisenziyəşon sıə.ım statistikə mığdor Ermənıstonədə ğeyd bıə qırd şirkətonsə 36 fayiz veye.de İroni sərmoyə bıə əsliyə şirkəton veyni İnformasiyə texnologiyəon,sənaye,bina soxtemoni sahə,əmlok,ticorət,di təsərrufoti,turizm sektor və nəğliyyot sahədəy….

İroni de Ermənıstoni rabitəon miyono inkişofədə tranzit mevzu qıləy məxsusə əhəmiyyət kəsb kardedə.Ermənıston çı Avrasiyə İttifoği uzv bıə yeqanə kişfəre ki,qıləy mıştərəkə zəmini marz və sərhəddış heste.liza ım kişfərçı İroni de Avrasiyə İttifoği miyono bənə qıləy  pardi roli unvoni və çı İroni bə ın vıjori dast pəydu kardey roli ifo kardey bəzıne.həmçinin Ermənıston bə Farsi xəlic –Siyuə dıyo koridorədə ğərol qətey ki,həmməysə stratejik iyən kırtə marşurut bə hisob omeydə,çı Avropə İttifoği bə Asiyə vıjori iyən çımi əks bıə koədə muhimmə rol ifo kardey bəzıne.