Şiiə yolə alimon
Şiyə dınyo yolə alimon-186
Şiiə yolə alimon
Əllomə Fazil Tuni məclisi tədris qıləy dərəcədə cozibədor be ki,ğalibən digər fənnon tələbəon ıştə fəroğət iyən təyliyə vaxtonədə çın yolə alimi dərsi məclisonədə iştirok kardey boştə ğənimət zıneydəbin. əvon bə Fazil Tuni elmi əhotə,huzure zehni,bəçəy nığılə hofizə,husni-bəyoni.zevği,imoni ğıvvə iyən bəçəy səfo və sodəti cəzb iyən heyran bıəbin.çəy sıxanon bəyon anədə və əxtə şin be ki,adətən tələbəon hejo ıştən bo iyande çəy dərsi məclison votedəbin….
Çunki,Əllomə Fazil Tuni qıləy zumand iyən ziyodə hafizə soyb be,əve ıştə ustodonku omutə dərson nıvışteyədə be ehtiyoc be.liza çəy təhsili dırozi kam bə nav omeydəbe ki,ıştə dastə bə ğələmi səmt bıbo və qıləy çi bınıvışto.həmonə ko boyis be ki,bəçəy soyb bıə qırd elmi fəzilət iyən əxloği məclison rəğmən,kamə kitobonış təlif karde.demiyən de namizədəti dissertasiya bə Ğeysəri “Fusulul-Hikmə” qıləy şərhış nıvıştışe ki,ibtido de ərəbi zıvoni be və peşo bə instuti məhdudiyyəton dəlili xoto bə Farsi zıvoni tərcumə kardey be.çın yolə alimi coqlə əsəronku qıləyni həm…
Əllomə Fazil Tuni ziyodə şoqirdonış perosneşe ki,min cumlə çəvon həmməysə yolə qıləyni bə ayətullah Həsən Həsənzodə Amuli iyən ayətullah Əbdullah Cəvadi Amuli işorə kardey bəbe ki, çın buzurquvarə alimon har dıqləyni dini elmon iyən fəlsəfədə çı rujiqori nodirə şəxsonku bıən iyən hestin.Əllomə Fazil Tuni coqlə şoqirdonku həmçinin bə İroni ədəbiyyoti torıxi elmi pıə bıə doktor Zəbihullah Səfa həm işorə kardey bəbe.
Ayətullah Həsən Həsənzodə Amuli ıştə ustod mərhum Əllomə Fazil Tuni əxloği fəziləton həxədə jıqo nıvışteydə:”az qıləy mıddət ki,deştə rəhbər iyən mənəvi pı bə ico məhşur bim iyən çəy məhzəriku istifodə kardedəbim,iqlə tınd iyən hoziyə sıxanım nıməse və ikərə nıvindeme ki,əv ıştə diyəni ekardo.həzrət ustod Əllomə Fazil Tuni qıləy hartərəfin, bə ağli dəşə və portativ alim be və həxədə çəmə əsri zəxirəku(ehtiyotiku) və çəmə torıxi nodirə şəxsonku be və çəy vey zumandə hafizəş hestebe”.
Həkim Fazil Tuni(rizvanullah təala ələyh) I umr təhğığ,tədris iyən bə İslomi İroni mədəniyyəti ziyodə xıdməti bədiqə oxoyədə Hicri-Ğəməri 1380-ə sori (1960-ə milodi) 86 sinnədə bə insult dəvordıney xoto bəfotış karde.çın yolə alimi pokə bədəmışon bə Ğom mığəddəsə şəhri mıntıəğil kardeşone və çı həzrəte Məsımə(s) pokə hərəmi qırdo təvof doey bədiqə “Şeyxani ğıbıstonədə” dəfn kardey be…..
Hicri-Ğəməri senzəminə əsri oxoyədə İsfəhoni şəhrədə Molla Əli Əkbər Muğtədayi İsfəhoni nomo qıləy şəxs jimon kardedəbe ki,vey pərhizkorə odəm be və vey vaxti de İsfəhoni şəhri yolə alim iyən arifon mıoşirət kardedəbe.əv çı arif Hoci Məhəmməd Sadığ Təxt Pulodi muridonku be. Molla Əli Əkbər Muğtədayi dışambə iyən əynə şəvon ıştə murodi palu yəni çı Hoci Məhəmməd Sadığ Təxt Pulodi tonoku şeydəbe və deəy bə ico de ibodət iyən riyozəti koy məşğul beydəbe. əv ıştə bə dast vardə bəromə və moli nimə çı arif Hoci Məhəmməd Sadığ Təxt Pulodi ixtiyorədə ğərol doydəbe və deəy bə ico bə fəğır-fuğərəon komək kardedəbe.Molla Əli Əkbər bə seydon nisbətədə qıləy məxsusə məhəbbətış hestebe və bə həzrəte Zəhro(s) fərzəndon ziyodə xıdmət kardedəbe.əv I mıddət be ki,oruzu kardedəbe ki,Xıdo bəy qıləy zoə fərzəndi ətoko və de ın niyyəti bə Məsumə İmomon(ə) təvəssılış kardebe.bilaxirin Xıdovənde-Xalığ çəy dıvoş ğəbul karde və bəy qıləy Həsənəli nomo zoə fərzəndıış inoyət və ətoş kardeşe…..
Həsənəli hejo çı hırdənətiku har uj sıbhdəm deştə pı bə ico de de ibodət iyən razo-niyozi koy məşğul beydəbe və fəğət haft sorış hestebe ki,Hoci Məhəmməd Sadığ Təxt Pulodi əvış bo şoqirdəti ğəbulış karde.qıləy dərs ki,bın məktəbədə tədris beydəbe de coqlə həmə məktəbon far kardedəbe.Həsənəli çı kəmoli mərhələonku dəvardeyış de fiğh,usul,kəlom,fəlsəfə iyən bənə ımon bıə elmon handey binoş nıkarde,bəlkəm çı elmi omutey kəno,hejo çı sıftəku deştə nəfsi təmiz kardey koy məşğul be.
