Istehsoli revnəğ Ixrisodi mehvər

İxtisodi məsələ iyən mevzuyədə muhimm bıə çi çı fırsətonku oko doeye.ımruj ım fırsəton de məntəğə kişfəron bıə ticori mıbodilə iyən muomiləonədə ziyodə bəçəş çiyedə.kommersiyə irtiboton iyən ixtisodi mığoviləon bastey,çı reqiyoni kişfəron ixtisodi ruşd iyən ozavziye icod kardeyədə muhimmə amil bə hisob omeydə.reqiyonal və hətto transreqiyonal mığoviləon bə formə dəşey,bə kişfəron miyono qıləy mıştərəkə noxtə ehtiyociş heste ki,çı irtibot iyən kommunikasiyə bərğərol kardey fikədən.çın mıştərəkə noxtəon har qıləy mığdor və əndozə çanədə ziyod bıbu,çı əzon miyono qıləy zumandə irtibot icod kardey bəzıne…..

Cənub-ğərbi Asiyə məntəğə barədə bənə din,mədəniyyət iyən torıxi mıştərəkə noxtəon işorə kardey bəbe ki,çəvon har qıləyni ixtisodi mığoviləon ğoym kardey bəzıne.cənub-ğərbi Asiyə məntəğə çı dınyo iminə mədəniyyət mərkəz bə hisob omeydə və torıxi cəhəto həm çı İslomə dini təməddun iyən sivilzaiyə ğəlb və dıle.çın məntəğə milləti 90 fayizisə ziyodə mığdor mısılmononin ki,bəştə etığdo məbnoon əsos vəzifə və məsuliyyətışon heste ki,ıştə miyono vəhdət iyən hamsuyəti cəhətədə səy və cəhdkon.məsələn Həcci əzəmətinə mərosimi nəzədə bıqətən.Həcc bo mısılmınon mincumlə bənə ixtisodi məsələon bıə ziyodə koon bə səhmon dənoeyro qıləy dıjdə zərfiyyət iyən potensiyalış heste.Xıdovənde-Aləm çı mısılımınon hasornə dıjdə qırdbemon yəni Həcci mərosimi mıərrifi iyən təğdım kardeyədə çəy bə həmonə mərosimədə iştirok əkəyon nəf iyən xəyri bıey işorə kardedə.joqo ki,Xıdovənde-Xalığ Ğıroni Həcci mıborəkə surə 28-ə şərifə ayədə hamyedə:”Liyəşhədu mənafiu ləhum..ta bəştə mıxtəlifə mənfəton şoyd bıbon”.ım dıjdə mərosim bo Həcci əzəmətinə mərosimi bərpoəkəyon  ziyodə maddi iyən mənəvi mənfəətonış heste.Həcci əzəmətinə mənasik iyən mərosimi bərpo kardey həmməysə muhimmə hədəf, Pərvədıqore-Aləmi ibodət kardeye.çəy sayədə bə Həcci əzəmətinə mərosimi bərpoəkəyon ım imkoni doydə ki,de fərdi rabitəon bərğərol kardey,çəvon miyono qıləy zumandə ticori rabitəon icod iyən zumand bıbu.həmçinin dıjdə səth iyən səviyyədə qıləy diyəro vində siyosət bərpo bıbu və çın hasornə qırdbemoni dıləku çı qıləy mıştərəkə vıjori ğəlib iyən formatədə çı mısılmınon ixtisodi mıomiləon plani kəşey xaric kardey bəbe.çandə soronə mısılmonə dıləsutə alimon bo İslomi dınyo muşkilot iyən problemon həlliro çın vıjori vucudi zəruriyyətiku sıxan votedən və məsləhəton doydən.Həcci əzəmətinə mərosimi bo mısılmınon mincumlə bənə ixtisodi məsələon bıə ziyodə koon bə səhmon dənoeyro qıləy dıjdə zərfiyyət iyən potensiyalış heste…..

Çın məntəğə milləti coqlə mıştərəkə noxtəonku qıləyni həm çəvon fərhənq iyən mədəniyyəte.harçənd bo Cənub-ğərbi Asiyə məntəğə qıləy dəğiğə marz və sərhəddon tarif iyən təyin kardey bıəni.əmmo kali mənbəon əy bə Ğəfğazi məntəğə(navnə Ğəfğaz),İron,Pokıston,Əfğanıston,Miyoə Şərğ,Miyonə Asiyəku iqlə baxş və farsi Xəlici kəno bıə kişfəron şomil kardeydən.çın məntəğə camaat çandə həzo soronku bə irs mandə qıləy mıştərəkə fərhənq iyən mədəniyyəti soybin və kam iyən ziyodə həddədə bə çın erjon təsiri ji dəşən.Kolumbiyə unversteti mıhəğğiğ Həbib Borciyan ın məntəğə mədəni ğitə və ğarrə zıneydə.ım məntəğə torıxi dırozi bə mıxtəlif nev təməddun iyən sivizlasiyəon təvəlludi və bə əməl omey şoydətiş kardə.Cənub-ğərbi Asiyə məntəğə çı dınyo təməddun iyən sivizlasiyəon iminə bə əməl omə mərkəzonkuye və iminə dıjdə imperiyə həm bın məntəğədə bə formə dəşə.

Dınyo ayin iyən bovəon veyni cənub-ğərbi Asiyə məntəğə qıləy rəğ-rişəş heste.ım məntəğə İlahi bənə yəhudiyyət,məsihiyyət,İslomə din iyən bənə Zəduşti dini bıə ğeyri İbreymə dinon bə əməl omə mərkəze. Beynun-Nəhreyn ya Mesopatomiyə təməddun iyən sivilizasiyə həmməysə dıjdə simvolonku qıləyni, hamurabi lovhə və tablete.ım Ğanun nomə nıvıştə bıə çı vey ğədimə sənədonkuye ki,ımrujnə dınyo bə antik iyən kanə dınyo hakim bıə ğanunonku aqah kardedə….