986-ə hissə-Ğəməri surə -43-55 şərifə ayəon
986-ə hissə-Ğəməri surə -43-55 şərifə ayəon
986-ə hissə
أَکُفَّارُکُمْ خَیْرٌ مِنْ أُولَئِکُمْ أَمْ لَکُمْ بَرَاءَةٌ فِی الزُّبُرِ(43)
Aya şımə(Məkkə millətiku bıə)kofiron çəvonku veyçoke? Ya boşımə osmoniyə kitobonədə qıləy əmonnomə heste?
أَمْ یَقُولُونَ نَحْنُ جَمِیعٌ مُنْتَصِرٌ(44)
ya votedən:əmə həmmə mıttəfiğ iyən iyande dastəkimon.(və hiç qıləy ğudrət əməni məğlub kardey nibəzıne).
سَیُهْزَمُ الْجَمْعُ وَیُوَلُّونَ الدُّبُرَ(45)
rəyrə(ım)dastə hırd kardey bəbeyn iyən həmmə peşt qordınə holədə fərol bəkardeyn.
بَلِ السَّاعَةُ مَوْعِدُهُمْ وَالسَّاعَةُ أَدْهَى وَأَمَرُّ(46)
bəle,ğıyomət çəvon və`dəqoye iyən həmonə ruj veysaxt iyən vey tele.
Ğəməri mıborəkə surə sıftəku de tosə ısət çı məşumə ğovmon sərquzəşton bəyon be.ın ayəon bə Məkkə mışrikon xitobən hamyedə:boçi şımə ibrət qəteydəniyon və çı bıtpərəstəti iyən yavə koonku dast kəşey dəniyon?.aya şımə qımon kardedon şımə çəvonku veyçokiyon iyən şımə kufr iyən tuğyon,çəvon kufr iyən tuğyonisə bəkame,əve bə İlahi ğəhro-ğəzəbi dıço beydəniyon? yaanki,Xıdo tərəfiku bəşımə qıləy əmonnomə omə rəsə ki,şıməni çı əzobiku ozod bəkarde?
Şayəd həm şımə qımon kardedon ki,şımə ğudrət bə əndozədə və mığdorədəy ki,hiçkəsi bo deşmə mıborizə bardeyro ğıvvəş nibəbe və şımə çı İlahi ğəhro-ğəzəbi mığobilədə mandey bəzıniyon?qıləy holədə ki,əgər Xıdovənd irodəko,həmonə kamə qrup bıə mısılmınon bəşmə ğalib bomeyn,şıməni hırd bəkardeyn iyən şımə çı canqi meydoniku fərol bəkardiyon.ım şımə dınyoədə bıə telə tale və sərnıvışt bəbe və yəğınən şımə ğıyoməti ruji bıə əzob vey saxt iyən tel bəbe.çın ayəonku omutedəmon:
1-xudbinəti iyən narsisizm bə insoni suğut iyən həlokəti səbəb bıey bəzıne.
2-de cokəson himoyə bəştə zu iyən imkonaton dıl dəməvastəmon.bəlkəm çəy əvəzi bə İlahi əzəliyə ğudrəti təkyə iyən təvəkkulkəmon və hədərə bə məğrurəti iyən yoləşəxəti dıço məbəmon.
3-kofir iyən zolımon məğlub bıey,İlahi ğətiyə və`dəonkuye iyən çı kofir iyən zolımon ğudrət,çəvon həlokəti vəy qətey əzıni.
إِنَّ الْمُجْرِمِینَ فِی ضَلَالٍ وَسُعُرٍ(47)
Qınokoron zəlolət iyən otəşədən.
یَوْمَ یُسْحَبُونَ فِی النَّارِ عَلَى وُجُوهِهِمْ ذُوقُوا مَسَّ سَقَرَ(48)
qıləy ruj ki,bəsə dimisə bə cəhəndımi səmt şıkırney bəbeyn(və bəvon votey bəbe)cəhəndımi sutunə iyən dardnokə əzobi bıçaştənən.
إِنَّا کُلَّ شَیْءٍ خَلَقْنَاهُ بِقَدَرٍ(49)
əmə harçi de əndozə ofəyəmone.
وَمَا أَمْرُنَا إِلَّا وَاحِدَةٌ کَلَمْحٍ بِالْبَصَرِ(50)
və çəmə fərmon fəğət ikərəy.bənə qıləy çəşi bəyənde jıey.
Navnə ayəonədə çı mucrim iyən qınokoron dınyoədə bıə cəzo barədə sıxan votedəbe,ın ayəon bəçəvon ğıyoməti ruji bıə saxtə əzobi işorə kardedə və hamyedə:əvon ki,dınyoədə dırıstə roy vıjniye əvəzi,inhirof iyən kəcə roy dumo şin,ıştə zəloləti səbəbonışon hozzı karde,nəticədə qıno iyən bə əmri nıpemandey, çəvon jimoni dırozi bıə ro iyən şivə be.
Ruşine ki,ın fərdon ğıyoməti ruji hozzı nin deştə po və lınqi bə cəhəndımi daxil bıbon.liza de əzobi məmuron təvəssuti əvon bə otəşi dılə ğandey bəbeyn ta çəy sutuney ləms və hisskon və dınyoədə inkor kardə çiyon deştə təmom vucudi hisskon.
Həlbəttə kali fərdon dınyoədə bə qıno irtikob bıey iyən ğıyoməti ruji saxtə cəzo miyono qıləy tənasub vindedəni iyən əy sıvoli jiyədə ğərol doydən.çın ayəon dəvomədə bə ın şubhəon cəvobədə hamyedə: çoko ki,çı xılğəti nizom bə qıləy mıəyyənə əndozə və mığdori əsos,çı cəzo iyən mıkofoti nizomi həm qıləy məlum iyən dəğiğə hisob iyən kitobış heste.liza bın zəminədə bıə İlahi mıhokimə zolımonə formədə ni. harçənd bə bəşəri elmi məhdud bıey dəlili xoto,mumkine jıqo qıləy sıvolon bə zehni bırəso.çın ayəonku omutedəmon:
1-jimoni roy vıjniyedə təğhğığ iyən dığğətkəmon ta bə məğsəd bırəsəmon.jıqo nıbu inhirofə roonədə əmə bə heyrət iyən sərqərdonəti dıço bəbemon.
2-çoko ki,osmon iyən zəmin Xıdovəndi bın aləmədə ofəyə çiyonin iyən çəvon qıləy mıəyyən və dəğiğə hisob-kitobonışon heste.axırətədə həm vəhışt iyən cəhəndım bə ədoləti əsos bərpo bəbe və mıkofot iyən cəzo nizomi həm qıləy mıəyyənə hisob iyən kitobış heste.
وَلَقَدْ أَهْلَکْنَا أَشْیَاعَکُمْ فَهَلْ مِنْ مُدَّکِرٍ(51)
Və beşək əmə əkəson ki,bənə şımə(kofir)bin,nobud kardemone.çən,aya qıləy pand ğəbuləkə heste?
وَکُلُّ شَیْءٍ فَعَلُوهُ فِی الزُّبُرِ(52)
və har qıləy ko ki,kardəşone,noməonədən(ğeyd bıən).
وَکُلُّ صَغِیرٍ وَکَبِیرٍ مُسْتَطَرٌ(53)
və har qıləy hırd iyən dıjdə(koon)nıvıştə bıən.
إِنَّ الْمُتَّقِینَ فِی جَنَّاتٍ وَنَهَرٍ(54)
bərosti pərhizkoron(vəhışti)boğonədən və huriyon(kənon).
فِی مَقْعَدِ صِدْقٍ عِنْدَ مَلِیکٍ مُقْتَدِرٍ(55)
rostə məğamədə zumandə hukmroni nəzdədə.
In ayəon ki, çe Ğəməri mıborəkə surə oxonə ayəonin,bo çok iyən bədə ko soybon qıləy bəşorət iyən çəşnaviye ki,bənə şımə bıə çı navkonə ğovmon taleku pand bıqəton.şımə bızınən ki,İlahi elmiku hiç qıləy əməl məxfi nibəmande və har qıləy çok iyən bədə əməl şımə pərvəndə iyən dosyeədə səbt iyən ğeyd beydə.
Ğıyoməti ruji çı cəzo iyən mıkofoti nizom,dəğiğ iyən bə sənədi əsos məktub iyən nıvıştə formədə nışon doey bəbe.çokə ko soybon koon harçənd de ixlosi iyən çı camaati cəşiku bə diyəro əncom doey bıə və ğərəz Xıdovəndi hiçki çəyku aqah bıəni,bəvon mıkfot doey bəbe.bə pok iyən dırıstkoə insonon barzə məğamon məxsus bəbe.ə məğamon ki,bın dınyoədə bo fərdon dərk bıənin iyən famey mumkin nıbe.çın ayəonku omutedəmon:
1-İlahi cəzo iyən mıkofoti nizom adilonəy iyən bə fərdon iyən ğovmon mısovi surətədə cəzo iyən mıkofot doey bəbe.
2-deməkə ki,Xıdovənd həmmə çiyon zıneydə iyən ıştən ğıyoməti ruji hakime,əmmo çı insoni dıjd iyən hırdə koon de firiştəon təvəssuti mınəzzəmə formədə səbt iyən nıvıştey beydə ta həni bo inkori qıləy vırə nımando.
3-vəhışti əhli mıkofot fəğət maddi iyən cismoni ləzzəton nin.İlahi mığəddəsə darqoyədə huzur iyən de ənbiya,evliya iyən pokə şəxson həmnışin bıey,bo vəhışti əhli bıə mənəvi ləzzətonin ki,çəy ləzzət iyən şinəti vəsf kardey mumkin ni.
