994-ə hissə-Vağiyə surə -20-40 şərifə ayəon
994-ə hissə-Vağiyə surə -20-40 şərifə ayəon
994-ə hissə
وَفَاکِهَةٍ مِمَّا یَتَخَیَّرُونَ(20)
Və harçiku bıə miyvəon bıvıjnon
وَلَحْمِ طَیْرٍ مِمَّا یَشْتَهُونَ(21)
və pərəndə qujdi çı har neviku ki,bıpyoşone
وَحُورٌ عِینٌ(22)
və sipiyə dim,dıjdə çəşonışon bıə iyən reçinə jimoni həmroon.
کَأَمْثَالِ اللُّؤْلُؤِ الْمَکْنُونِ(23)
bənə sədəfi dılədə(bıə)mırvari.
جَزَاءً بِمَا کَانُوا یَعْمَلُونَ(24)
çəvon əncom doə çiyon mığobilədə(bıə) mıkofot.
لَا یَسْمَعُونَ فِیهَا لَغْوًا وَلَا تَأْثِیمًا(25)
əyo nə qıləy bihudə sıxan bəməseyn və nə bə cokəson qıləy qıno nisbət doey.
إِلَّا قِیلًا سَلَامًا سَلَامًا(26)
çəvon məsə çi fəğət səlome,səlom.
Vəynə bərnoməonədə votemone ki,millət ğıyoməti ruji bə seqlə qrupi təğsım bəbeyn: mığərribon, hərəbaxton iyən bədbəxton.bın bərnomədə bə İlahi dərqo mığərrib iyən nezə şəxson Xıdovəndi lutfonku ibaxşi işorə kardedə.ın ayəon həmonə bəhson dəvomədə hamyedə:çı vəhışti cismi ləzzəton qıləy hədd iyən əndozəşon ni və əvon çiç irodəkon,hiç qıləy məhdudiyyət nıbə holədə çəvon ixtiyorədə ğərol doey bəbe.hardemon,çandə nev miyvəon zəminədə iyən çandə nev heyvonaton qujdon məxsusən çı pərəndəon ləzzətinə qujdon çəvon dastrəsədə bəbe.
Cinsi ləzzəton xısusədə Xıdovəndi həmməysə reçinə jimoni həmroon ki,sipiyəti iyən iffətədə bənə sədəfi dılədə bıə mırvarin iyən əvon çı cokəson dastrəsiku bə diyəro bıən,çəvon həmnişin bəkarde ta əvon çə həmonə jimoni həmroon mıoşirət iyən həmdılətiku qıləy ləzzət bıbon.
Dınyoədə çı eyşo-işrəti məclison xıslət ıme ki,adətən de qıno iyən ləğvə sıxan və nopəsəndə koon bə icoye.əmmo çı vəhışti əzəmətinə məclisonədə vəhışti əhl fəğət ğəşənq,pəsəndidə iyən məhəbbətamizə sıxanon bəməseyn və çəvon de iyande bıə diyaloqon və votemonon bəçəvon oroməti iyən ziyodə səmimiyyəti boyis bəbe.çın ayəonku omutedəmon:
1-vəhıştədə çokə ko soybon ləzzət iyən şoyvonəti vəsiləon həmmə hozzıye.əvon bəştə dınyoədə bıə pokə motiv iyən səyon mığdori əsos,çı vəhışti nemətonku bəhrə bəbardeyn.
2-vəhışti jenon eyni holədə ki,reçinin,pokdovnəti iyən iffətışon həm heste və əvon ıştə reçinətiyon çı noməhrəmon nəzəku puşniyedən.
3-vəhışt çı səlom iyən səlomətəti saraye.əyo bə cokəson əziyyət kardey vəsilə mevcud ni iyən vəhışti əhl ğərəz çok iyən pəsəndidə sıxanon co çi bə zıvon vardedənin.
وَأَصْحَابُ الْیَمِینِ مَا أَصْحَابُ الْیَمِینِ(27)
Və səodəti əhl(ki,çəvon ko noməon bəçəvon rostə daston doey bəbe)çe hərəbaxtonin.
فِی سِدْرٍ مَخْضُودٍ(28)
beteğə Sədri doon jintono.
وَطَلْحٍ مَنْضُودٍ(29)
və banani doon ki,çəy miyvəon xuşə-xuşə iyande piyo dəçıniyə bıə.
وَظِلٍّ مَمْدُودٍ(30)
və hevuj iyən sabitə soğnəon
وَمَاءٍ مَسْکُوبٍ(31)
və(şuləonku)şurə ovon
وَفَاکِهَةٍ کَثِیرَةٍ(32)
və veyə miyvəon
لَا مَقْطُوعَةٍ وَلَا مَمْنُوعَةٍ(33)
ki,nə təmom beydə və nə ikəs çəyku ğədəğən kardey bəbe.
وَفُرُشٍ مَرْفُوعَةٍ(34)
və barzə məğaminə jimoni həmroon
إِنَّا أَنْشَأْنَاهُنَّ إِنْشَاءً(35)
ki,əmə əvonımon xısusi şikilədə ofəyəmone.
فَجَعَلْنَاهُنَّ أَبْکَارًا(36)
çən,əvonımon bokirə moynə ğərol domone.
عُرُبًا أَتْرَابًا(37)
ıştə şuyon piyə və həmnışinə(jimoni həmroon).
لِأَصْحَابِ الْیَمِینِ(38)
bo baxtəvəron
ثُلَّةٌ مِنَ الْأَوَّلِینَ(39)
ki,çı vəhışti navkoyəonku qıləy dastə bəbeyn
وَثُلَّةٌ مِنَ الْآخِرِینَ(40)
və iqlə dastə çı oxonə(peyğombəri)ummətiku.
Çı mığərribon bədiqə ki,vəhıştədə qıləy barzə məğamışon heste,Yəmini əshob və dastə ki,bə Ğıroni coqlə ayəon əsos ə kəsonin ki,çəvon əməlon pərvəndə və nomə bəçəvon rostə daston doey bəbe və ım çəvon ğıyoməti ruji bıə hərəbaxtəti nışonəy.ım dastə odəmon həm çı vəhışti şoyvonəti iyən ləzzətonku çəy hədd iyən mığdorədə bəhrə bəbardeyn.
Çandə nev rəsəyon iyən doon ki,həm çəvon miyvəonku oko doydən və həmən çəvon soğnəonku.çın beməyonku hiç qıləy teğ əvoni əziyyət kardedəni.çın bənə cənqəli bıə ziyodə və bəyənde dəçıkə doon kəno şuləon iyən çeşmənon şuredə ki,çə həmonə boğon lətofət,tərovət iyən reçinətiyon ziyod kardedə və çandə nev miyvə iyən məhsulon bə səmərə rosneydə.
Çunki,ğıyoməti ruji dınyoədə mevcud bıə xıyzoni nizom çı miyoniku bəşe və çı jenı-merdəti iyən valideyni deştə fərzəndon miyono rabitə ğət və bırniye bəbe,fərdon çı səbəbi iyən nəsəbi rabitəonku bə diyəro ğıyoməti ruji hozzı bəbeyn.liza Xıdovənd bo vəhışti əhli çı kəmol iyən reçinəti ovcədə bıə jimoni həmroon xəlğ bəkarde ki,çəvon uns iyən həmdəm bıbon və çəvon bə jimoni həmroon bıə ehtiyocon bə vırə bırosnon.çın ayəonku omutedəmon:
1-təbiyi formədə dınyəvi neməton bəlo iyən ziyononış heste.əmmo vəhışti nemətonədə hiç qıləy noxsan ni.vəhıştədə ziyodə neməton dayimi iyən dastrəsədəy və zəmoni iyən məkoni cəhəto qıləy məhdudiyyətış ni.
2-dınyoədə de jimoni həmroon izdivoc de maneyə iyən mışkiloton dimbədime və vey mumkine jenı-merdi koy de coəti iyən təloği orəxeydə.əmmo vəhışti jimoni həmroon har cəhətiku de iyande mıtənosibin.əvon bə iyande aşığin və hiçvaxti çəvon miyono ixtilof iyən rabitəon xərob bıey mevcud ni.
3-bə baxtəvərəti dast pəydu kardey,fəğət bə peyğombər iyən imomon dərk kardə navkonəyon məxsus ni.torıxi qırd devronədə bo insonon çı hərəbaxtəti roy oj bıə və ısət iyən ayəndədə həm ım ro,bə bəşəri dimi oj bəbe.
