992-ə hissə-Ərrəhmoni surə -62-78 şərifə ayəon
992-ə hissə-Ərrəhmoni surə -62-78 şərifə ayəon
992-ə hissə
وَمِنْ دُونِهِمَا جَنَّتَانِ(62)
Çə həmonə dıqlə(boği)jintono coqlə dıqlə boğ(həm)heste.
فَبِأَیِّ آلَاءِ رَبِّکُمَا تُکَذِّبَانِ(63)
çən,ıştə pərvərdıqori kom qılə neməton inkor kardedon?
مُدْهَامَّتَانِ(64)
(həmonə dıqlə boğ) havzəti şiddətiku ıştəni bə siyo jeydə(bənə siyoə ranqiye)
فَبِأَیِّ آلَاءِ رَبِّکُمَا تُکَذِّبَانِ(65)
çən,ıştə pərvərdıqori kom qılə neməton inkor kardedon?
فِیهِمَا عَیْنَانِ نَضَّاخَتَانِ(66)
(həmonə dıqlə (boğədə)dıqlə,qılə çeşməon heste.
فَبِأَیِّ آلَاءِ رَبِّکُمَا تُکَذِّبَانِ(67)
çən, ıştə pərvərdıqori kom qılə neməton inkor kardedon?
فِیهِمَا فَاکِهَةٌ وَنَخْلٌ وَرُمَّانٌ(68)
həmonə dıqlə(boğədə) ziyodə miyvəon,xımo iyən əno heste.
فَبِأَیِّ آلَاءِ رَبِّکُمَا تُکَذِّبَانِ(69)
çən,ıştə pərvərdıqori kom qılə neməton inkor kardedon?
Navnə bərnoməonədə çı Xıdovəndi ğıyoməti ruji bo pok,sof iyən pərhizkorə insonon mıkofoti həxədə be, ın ayəon həm bə vəhışti coqlə neməton işorə kardedə ki,çı Xıdo evliyaon vəhışti səthiku vey saruye və ins iyən cıniku bıə çokə ko soybə muninon əyo varid bəbeyn.
In ayəon çı vəhışti boğon vəsfədə bə çandə qıləy xısusiyyəton işorə kardedə:ım boğon vey tərovətin iyən vey havze.bın boğonədə ziyodə ovon bənə honi iyən şuləon formə çı zəmin iyən bandı-kuon dıləku bə cuş omeydə və çı doon miyono cari beydə.coqlə çi ıme ki,çın boğon de məhsuli pur bıə doon çandə nev miyvəon çı vəhışti əhli dastrəsədə ğərol bədon.həlbəttə çı miyvəon miyono bə xımo iyən əno,bə çın dıqlə ləl-qıli məxsusə əhəmiyyəti xoto işorə kardey bıə.həmınə bın dınyoədə həm ım dıqlə miyvə hardemon iyən mıolicəvi cəhəto bə ziyodə xısusiyyəton malike və çı vəhışti ço fəsl bıey bəyon kardedə.zira xımo tropik zonədə kaştey beydə və əno həm mıloyimə məntəğonədə.ısət çın ləl-qılon dınyoədə jıqo ziyodə əhəmiyyətışon hesten,çən axırətədə çokonə bəbe?çın ayəonku omutedəmon:
1-vəhışti doon dayima tərovətin,havz iyən tojəy.
2-bənə havzə cənqəlon,şuləon,de ovi pur bıə çeşməon iyən nevbənev miyvəonış bıə və de məhsuli pur bıə doon çı vəhışti nemətonku qıləy hissəy.
3-dınyoədə bə İlahi neməton kufr iyən əy təkzib kardey,insoni axırtədə çı İlahi nemətonku məhrum bəkarde.
فِیهِنَّ خَیْرَاتٌ حِسَانٌ(70)
Həmonə boğonədə xoşhol(şo) iyən reçinə jimoni həmroon hestin.
فَبِأَیِّ آلَاءِ رَبِّکُمَا تُکَذِّبَانِ(71)
çən,ıştə pərvərdıqori kom qılə neməton inkor kardedon?
حُورٌ مَقْصُورَاتٌ فِی الْخِیَامِ(72)
huriyon ki,pardə(dılədə)bənışteyn.
فَبِأَیِّ آلَاءِ رَبِّکُمَا تُکَذِّبَانِ(73)
çən,ıştə pərvərdıqori kom qılə neməton inkor kardedon?
لَمْ یَطْمِثْهُنَّ إِنْسٌ قَبْلَهُمْ وَلَا جَانٌّ(74)
vəhışti əhli bənav hiç insoni ya cıni əvonış ləms kardəşni(dastış jıəni).
فَبِأَیِّ آلَاءِ رَبِّکُمَا تُکَذِّبَانِ(75)
çən,şımə ıştə pərvərdıqori kom qılə neməton inkor kardedon?
مُتَّکِئِینَ عَلَى رَفْرَفٍ خُضْرٍ وَعَبْقَرِیٍّ حِسَانٍ(76)
əvon de havzə ranqə parçə iyən nodirə xolçəon dərostə bıə balışonsə təkyə jıəşone(istirohət kardedən).
فَبِأَیِّ آلَاءِ رَبِّکُمَا تُکَذِّبَانِ(77)
çən,ıştə pərvərdıqori kom qılə neməton inkor kardedon?
تَبَارَکَ اسْمُ رَبِّکَ ذِی الْجَلَالِ وَالْإِکْرَامِ(78)
ıştı əzəmətin iyən şərofətinə pərvərdıqori nom mıborək bıbu.
In ayəon ki,çı Ərrəhmoni mıborəkə surə oxonə ayəonin,vəynə ayəon dəvomədə vəhıştədə çı İlahi coqlə neməton bəyon kardedə.dınyoədə İlahi nemətonku qıləyni jimoni həmro neməte ki,Xıdovəndi əvış bo insoni rufi oromətiro iyən boçəy cinsi ğərizə və instinktiku de həlol iyən səhihə royku bəhrə bardeyroye. əmmo dınyoədə ziyodə vıronədə ım ğərizə iyən instinkt de həromə roon vositə əncom doey beydə və əvon bə inhirof iyən kəcə roon dıço beydən.i qrup həm çı təfriti royış qətə və bəştə zənni əsos izdivoc iyən vəyə kardey qıləy nopəsənd və bə xoş nıomə ko hisob kardedən.əvon həm de izdivoci tərk kardey,de coqlə formə çı inhirofi mə`rəzədən.
In ayəon vəhışti əhli mıkofotonku qıləyni pok,reçin iyən xosədimə jimoni həmroonku bəhrə bardey hisob kardedə ki,əvoni hevuj,dərostə bıə iyən dəbdəbəninə məkononədə vırə bə vırə bəkardeyn.çəvon ıştəku və ya mələkon neviku bıə jimoni həmroon çı ins iyən cıni ğəlibədə ki,deştə bə dıl nıştə sıxan iyən rəftoron bo vəhışti əhli munis bəbeyn.çın jenon xıslətonku çəvon xosə dimi soybətiye ki,hiçvaxti hiçkəsi deəvon qıləy təmasışon bıəni və bəvon qıləy dast qıniyəni.əvon fəğət bəçəvon xıyzonon ayide və çı cokəson çəş iyən dastonku bə diyəron.
Ərrəhmoni mıborəkə surə oxonə baxş çı Xıdovəndi dınyəvi neməton və çəy dıminə baxş uxrəvi neməton bəyon kardedə.çın surə ayəon təkrorinə formədə çı ins iyən cınonku ım sıvolon dəparseydə ki,çən,ıştə pərvərdıqori kom qılə neməton inkor kardedon və boçi bə Xıdovəndi bəşmə əto kardə qırd ın neməton şık kardedəniyon?.beşək ın neməton həmmə çı Xıovəndi tərəfiku nozil bıən ki,çı rəhmət iyən bərəkəti mənşən.qıləy Xıdo ki,eyni cəlol iyən əzəmətədə bəştə bandəon ikrom iyən təkrim kardedə.çın ayəonku omutedəmon:
1-insoni təbiiyi instikton ğıyoməti ruji bənə çəy dınyoədə bıə ğərizəonin.əmmo vəhıştədə çəy ğərizəvi ehtiyocon vey barzə səviyyədə təmin bəbe.
2-vəhışti jimoni həmroon həm xosyətışon çoke və həmən sıfətışon.çəvon həm daxili iffətışon heste və həmən çəvon zohiri oləton əvoni çı cokəson nəzəku oqəteydə.
3-aləmon pərvərdıqor eyni holədə ki,çı cəlol iyən əzəməti soybe,çı səxovət,kərəm iyən rəhməti məzhər həm heste.
