990-ə hissə-Ərrəhmoni surə -31-45 şərifə ayəon
990-ə hissə-Ərrəhmoni surə -31-45 şərifə ayəon
990-ə hissə
سَنَفْرُغُ لَکُمْ أَیُّهَ الثَّقَلَانِ(31)
Ha cın iyən insha! rəyrə bəşmə(hisobi) bərəsemon.
فَبِأَیِّ آلَاءِ رَبِّکُمَا تُکَذِّبَانِ(32)
çən,ıştə pərvərdıqori kom qılə neməton inkor kardedon?
یَا مَعْشَرَ الْجِنِّ وَالْإِنْسِ إِنِ اسْتَطَعْتُمْ أَنْ تَنْفُذُوا مِنْ أَقْطَارِ السَّمَاوَاتِ وَالْأَرْضِ فَانْفُذُوا لَا تَنْفُذُونَ إِلَّا بِسُلْطَانٍ(33)
ha cın iyən insonon dastə ha!ehanə osmonon iyən zəmini marzonku nufuz kardey zıneydon, nufuzkənən.hiçvaxti nibəzıniyon illah de(qıləy fevğaladə)ğudrəti.
فَبِأَیِّ آلَاءِ رَبِّکُمَا تُکَذِّبَانِ(34)
çən,ıştə pərvərdıqori kom qılə neməton inkor kardedon?
یُرْسَلُ عَلَیْکُمَا شُوَاظٌ مِنْ نَارٍ وَنُحَاسٌ فَلَا تَنْتَصِرَانِ(35)
həmonə ruji otəşiku bıə şuləon iyən sı kardə bıə mıs bəsə şımə enonvey bəbe.
فَبِأَیِّ آلَاءِ رَبِّکُمَا تُکَذِّبَانِ(36)
çən,ıştə pərvərdıqori kom qılə neməton inkor kardedon?
Vəynə ayəonədə çı Xıdovəndi bın dınyoədə bıə neməton həxədə sıxan votey be,ın ayəon ğıyoməti ruji bə əməlon hisob-kitobi rəsey mevzu işorə kardedə və bə inso-cınni xitobən hamyedə:Xıdovəndi ofəyə çandə nev məxloğati miyono şımə dıqlə dastə bə ağl iyən şuuri iyən bə irodə və ixtiyori soyb bıey xoto,ziyodə vəzn iyən erjon heste və ğıyoməti ruji şımə əməlon hisob-kitobi mərhələ dıroz bəbe.şımə ıştə kardə koonku mığət bıbənən və qımon məkən ki,şımə ğudrət bəsə Xıdovəndi ğudrətisə ğələbə pəydu bəkarde və şımə çı Xıdovəndi ğudrəti sultə jiyədə bıə osmonon marzonku xaric bıey bəzıniyon.həlbəttə ehanə Xıdovənd jıqo qıləy ğıvvə iyən icozə bəşmə bıdo,şımə bəvədə zəmini nığılə vıron iyən bə fəzo barzə vıron nufuz kardey bəzıniyon.
Cəhəndımi otəşi şulə iyən çəy duyəvulə həm jıqo şıməni dəbəqəte ki,nə boşmə qıləy fəroli roy bəbe və nə ikəsi şıməni xilos kardey ğudrətış bəbe.çən,ısətiku ıştə ayəndə fikədə bıbən.çın ayəonku omutedəmon:
1-çı ağl iyən şuuri soyb bıey məsuliyyət ofəyedə.inso-cın de İlahi ın dıqlə dıjdə neməti malik bıey, məsuliyyət pəydu kardedən və bəpe Xıdovəndi mığobilədə bəştə kardə koon cəvob bıdon.
2-bəşəri zohiri ğudrəton bəçəy elmi ğururi boyis beydə iyən qımon kardedə ki,bə hestemoni nizomi sultəş heste və aləmədə Xıdo izn nıbə holədə har qıləy təsərruf iyən koy kardey bəzıne.
3-cın deməkə ki,otəşi nevikuye,çı cəhəndımi otəşiku vey ziyon ğəbuıləkəy.jıqo bızın dınyo iyən cəhəndımi otəşi nevon tafutine.
فَإِذَا انْشَقَّتِ السَّمَاءُ فَکَانَتْ وَرْدَةً کَالدِّهَانِ(37)
Çən,bə zəmon ki,osmon poə be iyən bənə sı kardə bıə sıə ruyəni be.
فَبِأَیِّ آلَاءِ رَبِّکُمَا تُکَذِّبَانِ(38)
çən,ıştə pərvərdıqori kom qılə neməton inkor kardedon?
فَیَوْمَئِذٍ لَا یُسْأَلُ عَنْ ذَنْبِهِ إِنْسٌ وَلَا جَانٌّ(39)
çən,həmonə ruji hiç qıləy inson iyən cın,çəvon qınonku parsey nıbu(ki,həmmə çiyon ruşine).
فَبِأَیِّ آلَاءِ رَبِّکُمَا تُکَذِّبَانِ(40)
çən,ıştə pərvərdıqori kom qılə neməton inkor kardedon?
Vəynə ayəon dəvomədə ın ayəon bə ğıyoməti ruji vəsə işorə kardedə və hamyedə:bə zəmin iyən osmoni hakim bıə nizom çın dınyo oxoyədə volo bəbe və bə oxo bərəse.aləmi həmmə vıronədə hovlnokə hodisəon bə əməl bome.qalaktikəon iyən osmoni kurəon ki,ısət həm har qıləyni qıləy mıəyyənə orbitədə qardedən,ıştə mədoriku xaric bəbeyn və bənə ov və sı kardə maddəon ovəyzi cari bəbeyn.çən,peşo qıləy nuyə nizom iyən sistem bərpo bəbe,insonon çı tuli jiku xaric və çı məhşəri ərsədə hozzı bəbeyn.
Ğıyoməti ruji insonon çandə qılə quzərqo iyən dəvardəcoonku dəbəvardeyn.qıləy quzərqoyədə insononku sıvol-cəvobon kardey iyən bəçəvon əməlon hisobi rəsey bəbe.coqlə dəvardəcoyədə bəçəvon lıv-luputon mıhi jıey bəbe və çəvon bədəni ə`zo şoydəti bəkardeyn.əmmo iyo (39-ə ayədə) bə qıləy movğuf iyən dəvardəco işorə kardedə ki,əyo çı hiçkəsiku sıvol-cəvob nibəbe.zira əyo çı fərdon qınon iyən əməlon nomə məlum iyən oşkoye və qıləy çi təkzib kardey nibəbe.çən,bə qıləy sıvol-cəvobi həni ehtiyoc ni.çın ayəonku omutedəmon:
1-bə ğıyoməti ruji hakim bıə sistem mevcudə dınyo nizomiku tafutine.çun ğıyoməti zuhur de təbyəti nizomədə dıjdə əvəzon bə icoye,bə ın dınyo hakim bıə ğanunon bə axırəti aləmi nisbət doy əbıni.
2-bə qıno mırtəkib bıey,i nev İlahi neməton bə həşə jıeye.cın həm bənə insoni çı irodə iyən ixtiyori soybe və qıno kardey bəzıne.
یُعْرَفُ الْمُجْرِمُونَ بِسِیمَاهُمْ فَیُؤْخَذُ بِالنَّوَاصِی وَالْأَقْدَامِ(41)
Qınokoron deştə simo zıney bəbeyn.çən,çəvon kəkul(xaçiku) iyən lınqonku qətə holədə əvoni bə (cəhəndımi dılə şobədon).
فَبِأَیِّ آلَاءِ رَبِّکُمَا تُکَذِّبَانِ(42)
çən,ıştə pərvərdıqori kom qılə neməton inkor kardedon?
هَذِهِ جَهَنَّمُ الَّتِی یُکَذِّبُ بِهَا الْمُجْرِمُونَ(43)
Ime cəhəndım ki, qınokoron əy təkzib kardedəbin.
یَطُوفُونَ بَیْنَهَا وَبَیْنَ حَمِیمٍ آنٍ(44)
(otəş) iyən sutunə və qamə ovi miyono hərəkətədən.
فَبِأَیِّ آلَاءِ رَبِّکُمَا تُکَذِّبَانِ(45)
çən,şımə ıştə pərvərdıqori kom qılə neməton inkor kardedon?
Kulliyə surətədə çı ğıyoməti xısusiyyətonku qıləyni ıme ki,çı fərdon botın oşko bəbe və çı fərdon daxili şəxsiyyəti bə formə dənoə çəvon fik iyən əməlon,çəvon çehrəonədə buruz iyən zuhur pəydu bəkarde. pok iyən salehə şəxson sırə diyən iyən şo,əmmo mucrim iyən qınokoron pərişon iyən niqəron bəbeyn.
Vəynə ayəonədə ğıyoməti ruji çı qınokoron iştirokiku və çəvon qınonku sıvol nıkardeyku sıxan bə miyon ome,ın ayəon çə bəhsi izohədə hamyedə:bə jıqo fərdonku sıvol kardey həni qıləy ehtiyoc nibəbe.zira çəvon qıno iyən curmi əloməton çəvon çehrə və dimonədə zohir və oşko bəbe və ımi inkor kardey mumkin nibəbe.liza çı cəhəndımi məmuron de xar və zılləti əvoni bə cəhəndımi dılə bəğandeyn.çın ayəonku omutedəmon:
1-ğıyoməti ruji bə həşə jıə iyən de Xıdovəndi əmron həmmə mıxolifət kardə kəson,həmonə ruji çəvon sə iyən poyku qətey və bə otəşi dılə şodey bəbe.
2-bə qıno mırtəkib bıey iyən ğıyoməti ruji təkzib kardey dı tərəfinə rabitəş heste.çəvonku har qıləyni bo coqləyni zəminəy və nəticədə curm iyən fəsod hevuj beydə.
