Mıborəkə Rəməzonə manqədə, Tolışon adət-ənənon(1)

Mıborəkə Rəməzonə manqədə, Tolışon adət-ənənon(1)

اَللّهُمَّ رَبَّ شَهْرِ رَمَضانَ            الَّذى اَنْزَلْتَ فیهِ الْقُرْآنَ       وَافْتَرَضْتَ على عِبادِکَ فیهِ الصِّیامَ          صَلِّ عَلى مُحَمَّدٍ وَ آلِ مُحَمَّدٍ        وَ ارْزُقْنى حَجَّ بَیْتِکَ الْحَرامِ فى عامى هذا وَ فى کُلِّ عامٍ                     وَ اغْفِرْ لى تِلْکَ الذُّنُوبَ الْعِظامَ    فَاِنَّهُ لا یَغْفِرُها غَیْرُکَ         یا رَحْمنُ یا عَلاّمُ.

 Mehribonon səlom, rujə manqi bino bey bə şımə təbrik ərz kardəm, ım manqi rujonədə şıməro xəy, səadət iyən Xıdo dərqohədə ibodəti tovfiği urzu kardəm iyən dıvo kardəm ki şımə nımoj-rujəon ğəbul bıbun.

Əzizon ım əziz və bərəkətinə manqədə, de məxsusə bərnomə şımə xıdmətədəmon, ım məcmuə bərnoməonədə pidəmone bə rujə manqədə bıə, Qilon xususi Tolışə xalği miyono bıə kanə və torixiyə adət-ənənon işorə və diyə kamon. Dəvət kardəm dəmə bə ico bımandən.

Xosə həmzıvonon, jəqo ki zıneydəmon, Qiloni Şimol ğərbədə, Tolışon, çı İroni kanə və torixiyə ğovmonku bə hisob omeydən, ım məntəğə çı  Qilon ostani təbii, ğəşənqə məntəğəonku heste. Jəqo ki Karde bəznımon Tolışə məntəğə bənə Qilon ostani havzə cəvaheri hisob kəmon ki de mehribonə milləti bə ico zıney bıdə. Im ğovmi kanə və bandiyə adəton, bə ım məntəğə tərovət və ğəşənqi əlovəş kardə.

Tolışon, xusiyəton iyən de co ğovmon bıə çəvon farğon harçiku vey muxtəlif zəmonədə bıə çəvon adət-ənənonku zıney bıdə.əcumlə Rəməzanə manqədə.

Rəmezanə mıburəkə manqədə, Tolış şəhrıstoni millət, vey xususi adət-ənənon bərpo kardən, əvon bandiyə məntəğəonədə jimoni kənoədə və de ımrujnə texnoloqiyaon vıcudi, ijən ıştə dəvardə adəton oqətəşone və de xususi diğğəti əy dəvoneydən.

Tolışə şəhrıstoni millət har sor, de veyə şovğ və şoyvonəti, rəməzanə mıburəkə manqi intizorədən və bəy ehtırom nodən. Tolışi zəvonədə bə ruzə, “rujə”, bə Rəməzanə manq, “Rujə ma”, ya xod “rujə mo” iyən bə əhya “əya”, bə əhyaə şəvon “əya şəvon” və bə çəy rujon “əya rujon” voteydən.

Həğiğət ıme ki , Tolışə ğəhrəmanə millət 1 sori mıddətədə Rəməzanə mıburəkə manqi bino beyro plan kəşeydən.

Əzizə əməson, ımrujnə məxsusə bərnomə bə oxo rəsə, ijən vəoməy rujonədə, Tolışi milləti miyono bıə Rujə manqi məxsusə adəton barədə bə şımə məlumat bədamon,  tojədən ım əziz və mıburəkə manqədə, Xıdoku şıməro məğfirət və baxşış tələb kardəmon, umidımon heste ki ım manqədə Xıdo rəhmət, inoyət və lutf bə şımə ğısmət bıbu.