Mıborəkə Rəməzonə manqədə, Tolışon adət-ənənon(7)

Mıborəkə Rəməzonə manqədə, Tolışon adət-ənənon(7)

اَللَّهُمَّ إِنِّي أَسْأَلُكَ بِحَقِّ هَذَا الشَّهْرِ وَ بِحَقِّ مَنْ تَعَبَّدَ لَكَ فِيهِ مِنِ ابْتِدَائِهِ إِلَى وَقْتِ فَنَائِهِ مِنْ مَلَكٍ قَرَّبْتَهُ أَوْ نَبِيٍّ أَرْسَلْتَهُ‏أَوْ عَبْدٍ صَالِحٍ اخْتَصَصْتَهُ أَنْ تُصَلِّيَ عَلَى مُحَمَّدٍ وَ آلِهِ وَ أَهِّلْنَا فِيهِ لِمَا وَعَدْتَ أَوْلِيَاءَكَ مِنْ كَرَامَتِكَ‏

Muminə tolışon səlom, şımə taat iyən ibodəton ğəbul bıbu, Rəməzanə manqədə məxsusə mətləbi bəşımə təğdim kardəm, çəyku bənav urzum heste ki ın manqi mənəvi fırsətonku çok istifodə kardey iyən xıdo mehmonəti manqədə məğfirət bə həmmə dindaron xususi bə dınyo tolışon ğısmət bıbu.

Bənə dəvardə bərnomə, ımruj həm bə rujə mo aid bıə məxsusə mətləbi ğolibədə tolışə xalği adəton iyən məxsusə mərosimonku sıhbət bəkamon.

Xosə Tolışon, dəvardə bərnomədə, Tolışon miyonədə çəsenə iyən səhəri barədə bə şımə xıdmət çandə məlumat təğdim be. Əmmo mehribonon, Tolışə məntəğə çı kaştımon iyən moləvonəti  məhsulon vırəy,  jəğo ki sori həmmə zəmononədə tolışə xalğ, həminə məhsulonku bənə məhəlliyə şıt, du, pənir, niyə ruyən iyən mostiku istifodə kardən.

Tolışon etığadışon heste ki təbii məhsulon və xorəkon bois bəbe bə insoni cismi zumandəti iyən muğaviməti əlovə bıbu, bə çəy xoto çəsenə zəmonədə şıt iyən molonku qətə məhsulon iyən xorəkiku istifodə kardey, vey lozim bəbe.

Həlbətə Tolışon ıştə çəsenə surfəon de co qılə məhəlliyə xorəkon həm dərostedən, məsələn Fisincon ya Siya ğateğ, Mirzağasımi, Vəncumə tarə iyən Vaşə tarə ya Tırşe tərə ki de vişə havzəon pattey bıdə.

Əlovə kəmon ki çəsenə ya səhər vaxti Tolışə millət, nımekinə xorəkoni bənə moy iyən kəbobi hardeyku diyəro mandon, boçi ki bovəşon heste ki ım xorəkon hardey bois bəbe inson təşi bıbu, Tolışon xorəkoni hardən ki ruji mıddətədə, çəvon cismi muğaviməti əlovə karde bois bıbu. əmmo iftori zəmonədə vəziyət jəğo ni!

Tolışə iftori surfəon, çand dəğiğə bə əzon mandeyku bə nav oğande bəbe iyən vaxti əzon sə be, ailə həmmə uzvon de yande bə ico bə iftori xorəkon hardey məşğul bəben. kali dionədə həm mıburəkə Rəməzonə manqi həmmə rujonədə məçidon çı tolışə xalği iftori vırə bəbe.

İftori surfəonədə əməni həm yod kənən.

Imrujnə məxsusəs bərnomə sə be, Xıdoku tələb kardəm ki Rəməzanə manqədə bə həmmə dindaron xususi bə Tolışon həm ın mənəvi surfəku rəhmət iyən bərəkəton peqətey tovfiği ruzi bıdə, Amin.