Mıborəkə Rəməzonə manqədə, Tolışon adət-ənənon(8)
Mıborəkə Rəməzonə manqədə, Tolışon adət-ənənon(8)
وَ الْحَمْدُ لِلَّهِ الَّذِي جَعَلَ مِنْ تِلْكَ السُّبُلِ شَهْرَهُ شَهْرَ رَمَضَانَ شَهْرَ الصِّيَامِ وَ شَهْرَ الْإِسْلاَمِ
وَ شَهْرَ الطَّهُورِ وَ شَهْرَ التَّمْحِيصِ وَ شَهْرَ الْقِيَامِ الَّذِي أُنْزِلَ فِيهِ الْقُرْآنُ هُدًى لِلنَّاسِ وَ بَيِّنَاتٍ مِنَ الْهُدَى وَ الْفُرْقَانِ
Əzizə tolışon səlom, şımə ləzəon mənəvi iyən de Xıdo inoyəti bə ico bıbu.
Rujə moədəmon, Xıdo mehmonəti manqədə şıməro ğəşənqə hol-əhvoli urzo kardəm, Xıdo bə həmmə tolışon ğısmət bıkə ki ın manqi mənəvi erjinə dəğiğəonku istifodə kon.
Imrujnə məxsusə bərnomə ın baxşədə az səidi vıjniyə mətləbi bəşımə təğdim kardəm, dəmə bə ico bımandən.
Əzizə duston, Tolışon mədəniyətədə, xususi çı bandə vırəonədə, qıləy çok iyən ğəşənqə adət-ənə ıme ki əqə nocıvon ya hırdən iminnnə kərə rujə bəy vacib bıbu, çəy inə və dədə təşviğ kardeyro, qıləy ənam ya hədyə bəy bədan, ım hədyə çəvon hırdənonədə ənqizə və şovğ ico kardedə ki ijən rujə bıqəton.
Tolışə merdon iyən jenon etğadışon heste ki rujə qətey ənam iyən hədyə bəpe anədə yol və erjin bıbu ta nocıvonədə veyə ənqizə bois bıbu. Məsələn bə hırdən qıləy qo ya pəsi dodən, pul, tojə olət, İmom Rıza(ə)-i pokə hərəmi ziyorət kardey vəədə, iyən dıroz mıddətə səfəri ğolibədə səyahət həm Tolışə milləti tərəfo coqılə doə hədyəonin.
Bə ım muhimmə nuktə işorə kəmon ki əqəçe ım adət-ənənon dəvoniyeyku vey soron dəvardedə, əmmo bəzi Tolışə dion xususi bandə vırəonədə, ım mıborək iyən ğəşənqə koy həmçınan rəvoc kardedə, boçi ki Tolışə nocıvonon, rujə qəteyro vey meylışon heste.
Əmmo xosə həmzıvonon, Ğədim əyyomədə Tolışon xususi bandə vırəon iyən məntəğəonədə de muxtəlifə metodi iftori zəmoniku oğo bıdə bin. həşi ğurub kardey, rujədə ostovəon vindey, molə qəlləon bəştə vırə iyən kaqon bəştə lonəon oqarde əcumlə nışonəon be ki Tolışə milləti de çəvon vositə iftori faxti rəseyku aqah bıdə bin. həlbətə ımruj bə ictimai jimon iyən texnoloqiyaon inkişofi xoto ım ko həm vey hoston bıə.
Bəpe əlovə kəmon ki, iftori zəmoni təiin kardeyro rujədə ostovıon vindey, divujon tərəfo vey məşhurə koy be, əmmo həvosəti avə bey zəmoni əvon co qılə adətonku istifodə əkardin.
Əzizə əməson, İnşaəllah vəoməy rujon ijən Rəməzanə manqədə bıə Tolışə milləti xususi adəton barədə bə şımə xıdmət məlumat bədamon.
İjən ım əziz və mıburəkə manqədə, Xıdoku şıməro məğfirət və baxşışi tələb kardəm, Xıdo rəhmət, inoyət və lutfi sayədə bımandən.