Osmoniyə surəon-96

Osmoniyə surəon-96

Furğani mıborəkə surə çandə qılə ayəon bə Xıdovəndi xılğəti dınyoədə bıə nışonəon işorə kardedə.zira Xıdoşunosi vey çokə ro çı hestemoni aləmədə təzahuron həxədə təfəkkur iyən fik-fam kardeye ki,bə ilahi hikməti əsos ofəyə bıə.çın mıborəkə surə 45-49 ayəonədə hamyedə:

Ayə əvon bəştı pərvərdıqori(ğudrəti)diyə kardedənin ki,çokonə (əv)soğnə hevuj kardedə? və ehanə piyəyşbe əy sabit ğərol ədəy(ta hejo şəv bıbu)peşo həşi dəlil iyən əlomət ğərol domone.peşo həmonə soğnə (qədə-qədə)bəştə tərəf cəm kardedəmon. Və şəvi boşımə(bo puşniyero)dim iyən hani orombaxş və ruji boşımə bo ruziro oğo bıey zəmon ğərol doə kəs əve.47 Və voy navədə(voşi bənav)deştə rəhməti mıjdəvoni  vığandə Xıdo əve iyən (əmə)çı osmoniku pok kardə ovımon vığande.ta deçəy vositə mardə zəmini bəyjikəmon və deəy çolınqə heyvonon iyən ıştə məxloği veyni sirabkəmon.45-49.

Ayə hamyedə ki,həşi bo ın soğnə dəlil ğərol domone.umumən soğnə çı həşi şuaku bə əməl omeydə və ehanə həşi bıə nıəbe,soğnə həni hiç qıləy mənoş nıəbi.peşo hamyedə:peşo əmə əy qədə-qədə cəm kardedəmon.

Çoko ki,həşi pemedə tədricən soğnəon qırdə bedə ta zohr nımoji vaxti kali məntəğəonədə ım soğnəon bə minumal həddi rəseydə və  bəzi reginonədə umumən çı miyoniku şedə.çən,soğnəon nə bə ikkərə zohir bedə və nə bə idəfə məhf bedə və çı miyoniku şedə.ım ıştən odəmi dığğəti  cəlbəkə qıləy çiye.zira əgər çı nuriku bə toykiyə vırə nuri inikas və biləks ğəfləti surətədə bıəbe,ım bə mıxtəlifə məxloğati ziyon əjəni.