Osmoniyə surəon-147

Osmoniyə surəon-147

Kərimə-Ğıroni  çılminə Ğafiri mıborəkə surə çı haft qılə de Ha Mim mığəttə hərfon bino bıə iminə surəy. bə ın surəon həvamim votey bedə.ın surəon iyande dumo omeydən və ın surə Məkki surəonkuye. Peyğombər(s)-iku nəğl bıə ki,Həvamim çı Ğıroni məğz və mazqe.həmçinin qıləy rəvoyətədə omə ki, Kərimə-Ğıroni tac iyən çəy xoşə bu doə vılonin.

Ğafiri mıborəkə surə həşto penc qılə ayəku iborəte.Ğafiri nom həm çın surəku peqətə bıə ki,Xıdovəndi Ğafiriz-Zənb yəni qınon əbaxş elon kardedə.Xıdovəndi vəsfonku çandə qılə,kofiron de dınyo iyən axırəti əzobi təhdid kardey,Mosə(ə) de fironi və fironi aylədə bıə mumini daston,ğıyoməti səhnə,tohid iyən şırki bəhs,pəyğombəron bə səbr iyən hevujə dıli soyb bıey səmt dəvət və sairə mevzuon ki,bın surədə çəyku bəhs bıə.

Ha mimın kitobi vığandey əzın,əzizə(məğlub nıbə) Xıdovəndi tərəfikuye ki,qınon əbaxş iyən tobəon ğəbul kardedə, saxtə cəzo iyən ziyodə neməton soybe.sıvoy əv hiç qıləy mə`bud mevcud ni və(qırd)oqardemon bəçəy tərəfe.(1-3).

Sıftədə ayəon çı Kərimə-Ğıroni əzəmətiku sıxan votedə.həmçinin çın kitobi vardəkəsi de vey çokə sıfəton vəsf kardedə.zumand iyən məğlub nıbə Xıdovənd iyən çəy oxoş nıbə elm boyis bıə ki,Kərimə-Ğıron çı kəmoli  vey ali dərəcədə və insonon həmmə ehtiyocon ehtivo kardedə və əy bə hərəbaxtəti iyən ozavziye səmt bardedə.

Seminə ayədə çı Xıdovəndi kali sıfəton bəyon kardedə.joqo ki,hamyedə:əv qınon baxşedə iyən tobəon ğəbul kardedə.çəy cəzo saxt iyən şiddətine və çəy neməton ziyode.qıləy Xıdo ki,ğərəz əv co qıləy mə`bud ni və həmməkəsi oqardemon bəçəy tərəfe….

Əmmo,Ğafiri mıborəkə surə xısusiyyəton çı Ali-fironi mumini dastoniku iborəte ki,çı həzrəte Mosə(ə) iyən fironi dastoni I hissəku bə hisob omeydə və fəğət həmonə bın surədə çəyku bəhs bıə.