Osmoniyə surəon-150

Osmoniyə surəon-150

Votemone ki,Fussiləti mıborəkə surə Məkki surəonkuye və penco çoqlə ayəku iborəte və bəy Hamim Səjdə həm votedən.Hamim.ım qıləy kitobe ki,Rəhmon iyən Rəhimə Xıdovəndi tərəfiku nozil bıə.qıləy kitob ki,çəy ayəon ruşin bəyon bıə.ərəbi(zıvonədə) Ğırone,bo aqahə milləti.(qıləy kitob ki)bəşorətədə iyən tarsədəy.əmmo,çəvon veyni dim qordıneşone.(Ğıroni sədo)məseydənin.(1-4).

Çın surə sıftənə ayəon bə Kərimə-Ğıroni əzəməri işorə kardedə və votedə ki,ım qıləy kitobe ki, mehribonə Xıdo tərəfiku enovniyə bıə.çən,peşo çın əzəmətinə kitobi vəsfon bəyon kardedə.qıləy vəsfon ki,Kərimə-Ğıroni həyğiyə çehrə tərsim kəşedə.ın kitob ki, çı milləti ruşd iyən hidoyəti həxədə bıə bə harçi təsir noydə, mıfəssəl bəyon kardedə iyən əvoni ruşinə şikilədə izoh doydə.

Kərimə-Ğıron qıləy fəsif və bəloğtinə kitobe ki,həyğəton dəğiğ və oşkoə formədə bəyon kardedə və eyni holədə de qıləy reçin və cəzbəkə bəyoni əvoni inikas kardedə.çımisə əlovə ın osmoniyə kitob bəşorətədə və tarsədəy.bə çokə ko soybon mıjdəvoni doydə və bə mucrim iyən qınokoron çəşnavi doydə.Kərimə-Ğıronədə bo insonon dıqlə tərbiyəviyə prinsip və usul yəni bəşorət doey və tars doey çı iyande kənoyədə omən,əmmo əfsus ki,çəvon veyni dim qordıneydən və jıqo bızın ki,əvon həyğəton məseydənin…