Osmoniyə surəon-153

Osmoniyə surəon-153

In ayə de qıləy ğəşənqə təşbih iyən kinoyə insonon bə zəmini kaştə kaştevoni təşbih kardedə iyən ın dınyo çəmə məzə və hi hisob kardedə.çəmə əməlon həm çəy tumin və ilahi imkonaton həm qıləy voşe ki, çəy sape rubedə.əmmo,ın bəzr və donəon farğ kardedə.çəvon kali qıləyni məhsulışon noməhdud,əbədi iyən çəy doon hejo havz və de ləl-qıli pure.əmmo,bəzi tumon məhsulon vey kame və umrışon həm kırte, rə pəxede  və çəy miyvəon həm tel iyən bə odəmi çok nuş bedəni……

Odəmi dığğəti cəlb kardə çi ıme ki,ın ayə axırəti məzə kaştə kaştevonon bardə jıqo votedə:çəvon məzə və kaştemoni sahə ziyod bəkardemon,əmmo votedəni ki,əvon dınyo jimon iyən rifohiku benəsib iyən bebəhrən.əmmo,dınyo məzə və sahə kaştə kəson həxədə votedə ki,əvon çanədə piyedəşone əmə həm anədə bəvon doydəmon.əmmo,axırətədə həni hiç qıləy bəhrəşon nibəbe.

De ın tərtibi nə dınyoprəsəton bəştə votə çiyon bərəseyn və nə axırəti tələb kardə kəson dınyoku məhrum bəbeyn.de ın tafuti ki,iminə dastə təyə dasti bə axırəti dınyo şedən və dıminə qup de purə daston.

Ha holədə ın ayə islom dınyo jimoni ruşinə formədə tərsim kardedə.qıləy dınyo bo I hissə insonon oxonə hədəfe və bo coqləyni dınyo çı axırəti vəsə və mığəddiməy.islom bə dınyo bənə qıləy məzə iyən kaştemoni sahə nəzə kardeydə ki,çəy məhsul ğıyoməti ruji çıney bəb.

Pəyğğombər(s) bə Mədinə varid beyədə iyən İslomi sutuni bın şəhrədə ğoym kardeyədə,Ənsar iyən Əshab bə həzrəti huzuri omin və ərzışon karde:ha Xıdo rəsul ha!,ehanə ıştı maliyyə cəhəto problem hestebu,əmə ıştə mol-devləti beşərt və beğeyd bəto doey hozzımon.bın zəmon Xıdovənd Şura mıborəkə surə 23-ə şərifə ayə nozil be:”….vuji:mı şıməku(ıştə risoləti mığobilədə) hiç qıləy mızd(mıkofat) piyedəmni, ğərəz bəçımı nezə odəmon məhəbbət(nışon doey)..”

Əhməd ibn Hənbəl ıştə “Fəzailus-səhabə” kitobədə çı Səid ibn Cubeyriku çı Amiriku jıqo nəğl kardedə:çoko ki,Şura mınborəkə surə 23-ə ayə nozil be,Peyğombər(s)-I Əshobi ərzışon karde:Ha Xıdo Rəsul ha! ıştə bəmə çəvon məhəbbətı vocib kardə nezə odəmin kiin?ə həzrəti hamyeşe:”Əli və Fatimə iyən çə dıqlə dıqlə fərzənd və ə həzrəti ın sıxanış se kərə tikrorış karde”.

Bın surədə muminon bənə imon iyən Xıdo təvəkkul kardey sıfəton bəpeştə,37-39-ə ayəonədə çı muminon nışonəon və çəvon fərdi iyən iştimayi ya maddi iyən mənəvi proqramon bəyon kardedə.

“Həmonə kəson ki,dıjdə qınon iyən yavə əməlonku iştinobkon və ğeyzin bıə zəmonədə əfv kardedən, (baxşeydən)”.