Osmoniyə surəon-154

Osmoniyə surəon-154

“Həmonə kəson ki,dıjdə qınon iyən yavə əməlonku iştinob kardedən və ğeyzin bıə zəmonədə əfv kardedən, (baxşeydən)”.

Əvon deştə qırd vucudi bə aləmon pərvərdıqor bıə Xıdovəndi əmron təslimin.peşonə ayədə bə nımoji bərpo kardey işorə kardedə.qıləy nımoj ki,çı dini sutune və insoni çı fəhşo iyən munkəriku nəhy kardedə. çəy bədiqə bə Şura iyən məşvərəti məsələ işorə kardedə ki,ım qıləy iştimayi muhimmə usul iyən prinsipe. inson çanədə həm fik və zehni nəzəku zumand həm bıbu,çı qıləy məsələ qırd cəhəton vindey nibəzıne və mıəyyən cəhəton boəy məchul bəmande.əmmo,çoko ki,çandə nev nəzə,təcrubə iyən ağl soybon bə ivrə cəm bıbon və de iyande məsləhət və məşvərətkon,həmonə məsələ puxtə bəbe və səhf və xəto bə koyədə kam bəbe.

Liza,islomi əzizə peyğombəriku(s) rəsə qıləy hədisədə omə:”hakəs ıştə koonədə məşvərətko,hukmən əv bə xoşomə iyən rostə roy səm hidoyət bəbe”.dığğət kardəninə nuktə ıme ki,ayədə votedə:çəvon miyono bıə koon şura və məşvərəti formadəy və ımi qıləy dayimiyə ko formadə nışon doydə.

Muminon co sıfətonku qıləyni həm bə ın ayə əsos,əvon bəpe Xıdovəndi bəvon ruzi doə həmmə çiyonku infoğ və baxşkon.Yəni ısət çı mol-devlət bıbu ya elm,ağl və ya təcrubə.ayəon ədvomədə hamyedə:” və havaxti bəvon qıləy sıtəm bırəso,(bə zılmi təslim bedənin) və komək tələb kardedən”.ehanə qıləy məzlum coyli bəy bıə zılm iyən sıtəmi dəf kardey zıneydənibu,çəy vəzifə ıme ki,əv sakit nımando və tam nıjəno və de co kəson zu oko doey vositə,bəpe bə zılmi ələyh ğıyonko iyən deəy mıborizə bıbardo. həlbəttə, həmmə mısılmınon həm vəzifəşon heste ki,bəçəy sədo qıləy mısbətə cəvob bıdon.

Həyğətədə,ın ayə bə zolımon çəşnavi doydə ki,ehanə əvon ıştə kardə zılm iyən sıtəmonku dast nıkəşon, muminon həm orom və aşiş nibəmandeyn və çəvon mığobilədə ğıyom bəkardeyn.həmçinin bə məzlumon etımod baxş kardedə ki,ehnaə əvon istiğosəkon və cokəson bəştə komək tələbkon,əvon həm bəçəvon koməki səmt dastpoçə bəbeyn və bəvon koməkm bəkardeyn.