Osmoniyə surəon-157

Osmoniyə surəon-157

Qıləy ruj Xıdo-Rəsul(s) de Vəlid bin Muğeyrə qıləy vırədə nıştəbe.Nəzr bin Haris həm əyo ome və çəvon kəno nışte.peyğombər(s)de Ğureyşi yolonku I dastə odəmon sıxan kardedəbe ki,Nəzr de ə həzrəti mıbohisəş karde.peyğombər(s) de məntıği dəlilon bıtpərsətətiş botıl zıneşe və əvış məhkumış karde.peşo ın ayəş boəvon hande:”…..şımə iyən ğərəz Xıdo şımə pərəstış kardə çiyon,cəhəndımi ezım bəbeyn və şımə həmmə əyo varid bəbiyon.ehanə əvon xıdoon bıəbin,hiçvaxti bə cəhəndım daxil nıəbin.(qıləy holədə ki) əvon həmmə əyo əbədi bəmanden”.

Çın macəra bəpeştə peyğombər(s) ıştə nıştə vırəku əyşte bə sapo və şe.bın zəmon Əbdulla bin Zəbəri ome və həmonə cəmədə nışte.Vəlidi bə Əbdulla voteşe:Nəzr bin Haris çı Muhəmmədi(s) vədə dəmande və hiç qıləy cəvobış doey nızıne. Muhəmməd(s) jıqo qımon kardedə ki,əmə iyən qırd çəmə mə`budon çı cəhəndımi ezımimon.

 Əbdulla voteşe:bə Xıdo ğəssəm!ehanə  əvım vindəbe,çəy cəvobi çok-çoki ədəm.çəy dəparsənən ki,aya səhihe ki,həmmə mə`budon deçəy ibidətəkəyon bə ico cəhəndımədə bəsuteyn?.əgər jıqobu,əmə məlayikon pərəstış kardedəmon və yəhudiyon Uzeyr peyğombəri.həmçinin məshiyon çı Məryəmi zoə İsa.ısət çı aybe heste ki,əmə de firiştəon iyən de bənə Uzeyr(ə) iyən İsa(ə) bəico bıbəmon?

Vəlid de ın cəvobi çı peyğombəri(s) palu şe.Xıdo-Rəsul(s) hamyeşe:”bəle,hakəsi ki,piyeşe mə`bud bıbu,əv həm de pərəstışkoron bə ico cəhəndımədə bəbe.ın bıtpərəston həyğətədə şəytoni pərəstış kardedən və harçi ki,şəyton bəvon əmr kardedə,əvon həm əy ibodət kardedən”. bın zəmon Zuxrufi mıborəkə surə 57-ə ayə (və həmçinin Ənbiya mıborəkə surə 101-ə) ayə nozil be....

Bə ın həyğəti iyən bə dəvardə ayə şə`ni-nuzuli dığğət kardə holədə,ruşin bedə ki,çı İsa(ə)-i barədə misol jıeyku məğsəd,ıme ki,mışrikon Ənbiya mıborəkə surə 98-ə ayədə ki,hameyşe:”şımə iyən şımə ğərəz Xıdo pərəstış kardə çiyon cəhəndımi ezımin”- məseyədə de istehzo və məsxərəamizə formə voteşeone: jəqoədə Məryəmi zoə İsa həm məbud vağe bıə və bə ın ayə hukmi əsos,əv həm bəpe cəhəndımədə bıbu və veyçoke ki,əmə həm deştə pərəstış kardə bıton bə ico çı İsa(ə) hamsuyə bəbemon. Peşo voteşone:aya çəmə xıdoon vey çokin ya İsa Məsih(ə)?əv bə cəhəndım eqıniyə zəmonədə,çəmə xıdoon çəysə bəpe nin ki?.

Ayə dəvomədə bə pəyğombər(s)-i xitob kardə holədə hamyedə:əvon ın misolışon ğərz detı hesı—pes kardey,co çi xoto jıəşon ni.əvon qıləy kin-kudurətin iyən hoziyə məxloğin.əvon zıneydən ki,fəğət ə mə`budon bə cəhəndımi varid bəbeyn ki,əvon rozin ki,cokəson əvoni pərəstışkon.bənə Fironi ki,milləti boəy pərəstış kardey səmt dəvət kardedəbe və votedəbe ki,az bəsə həmməysə barzə mə`budim. nəinki, İsa(ə) ki,əy pərəstış kardə kəsonku bezo iyən bədiyəroye